Luku 12:57 - FỊAFỊA BAỊBỤLỤ

⁵⁷ “Tiye mịẹtẹ ọmịnị ḅarana kuraye nimi tẹ mịẹ-a?

Luku 12:57 Iomraidhean Croise

Matiyo 21:21

Jizọsị nwẹnị pakịrị, “Ó nimi, mịnẹ ó minini nyana wararị tẹ, ḅio-maaịn-tọn-a kụma, ọmịnị inetẹ à kẹ mị ịla sịn mẹ mịẹ ye mẹ mịẹ ḅa. Pịkị miemẹ ngẹrị-a, kụma ọmịnị inetẹ mị tụndụ mẹ ḅẹẹ ḅa, ‘Soku paka-ḅo tẹ ị́ ḅụụ kẹ abajị ḅio gbin suu,’ tẹ anị mịẹ ḅa.

Matiyo 21:32

Kẹ gotẹ ọkọ ḅẹẹarị, Minji-sara Jọnị ḅo tẹ ọ́ ḅọrọ ḅarị karakara etela kẹ ó ḍie sakị ọmịnị ò minini ḍụkụ-a; kụma ini ama-igbigi da apụ ma na ama-mẹnjị-ereme ma na ò mininim. Ọ́ tọrụngbọ kẹ miemẹ ẹrị sakị sọ ọmịnị ọmịna akuroma ḍima tẹ ò minini-a.”

Luku 21:30

Arị saakị ịwọ ịnyịnya sụarị ḅẹḅẹ ó nimi tẹ mịnẹ ịrụa-kụra kpeki tẹ.

Jọnị 7:24

Ọ́ ḅarị tọrụ ẹrịarị aị ḍiki tẹ ḅẹrẹkọn ma, kụma ó ye karakara sime-ḅara ḍiki tẹ kọọn.”

Fịrịmẹnjịapụ 2:40

Pita paa pịkị anị ịna ḅụụ sọ-mu ḅẹ ḅara kẹ ẹkwẹn kụrọma ịn pịrị tẹ ịn ḅẹẹm, “Si sịḅịḅio sụa apụ la ḅẹ ḅoarị fomu-ḅara mẹ, ọmịnị ọmịnị inetẹ ḅara, inetẹ ḅara mịẹ tẹ anị ọ́ lama.”

1 Kọrịntị 11:13

Ọmịnị sọ ḍikii: ẹrẹḅọ tomina ogboku tẹkẹarị tẹ á sịḅị gbaịn-a mẹ kura ḅoto.

1 Kọrịntị 11:14

So kẹ ye wẹrị ḅara ḅụ, nangwọ sara wararị inume kọkọ ḅụụ-jịrịmarị owiḅọ sịḅị ḅụ,

Ditẹrọnọmị 32:29

Ịn ye-nimi namịna, ịn miemẹ fieye naa ḅa, ini ịna kunoma sime ḅẹ ḅara sẹlẹ nimi ḅa.