Luku 12:48 - FỊAFỊA BAỊBỤLỤ

⁴⁸ Kụma fịrịmẹnjịḅọ ḅe tẹ mḅọ nyanaḅọ ḅiiarị ye nimiatẹ fomuye da na-iḅi ye mịẹ ḅọ, mḅọ fomuye kalịye da ḅa. Ịn tọnwa aị kẹ pịrị ḅọ ḅara ḅụ ịn pịkị tọnwa aị ḅii ḅa; ini ọkọ nẹngị ye kẹ pịrị ḅọ, ịn pịkị mḅọ ḅara ḅụ ọkọ nẹngị ye ḅii ḅa.”

Luku 12:48 Iomraidhean Croise

Lẹvitikọsị 5:17

“Ḅẹḅọ-ḅẹḅọ, ḅẹẹye-ḅẹẹye tẹ KỊNỊNYANAḄỌ ḅe tọn tẹ mịẹ ma nwẹn ḅẹẹ ye mịẹ-mịẹ, mḅọ anị nimi-a tẹ mịẹm ḅẹsọ, anịsọ ḅẹrẹ mḅọ ḅara si tẹẹ, tẹ mḅọ mịẹ-irima mẹ dogi ḅa.

Kịẹn-aḅịḅị 15:27

“Gbọrụ tomḅọ nwẹnị nimi-a ḅara ḅụ si mịẹ-mịẹ, mḅọ gbọrụ ịyọrọ oḅori kẹ si sin agba mịẹ ḅa.

Matiyo 13:12

Kẹ gotẹ ọkọ ḅẹẹarị, ye nyana ḅọ mẹ mie ịn ye kẹ pịrịarị, mịẹtẹ mḅọ nyana wama ḅẹ ḅara; kụma gberie-sọ nyana-a ḅọ mẹ mḅọ ọlọ wararị kalịye mẹ sọ mḅọ ḅara ini anị ọkị ḅa.

Matiyo 23:14

Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ọ́ mịẹ ḅẹ ọkụ ofori diapụ-fịtẹ-ereme ma awarị fọịn ọkị fama tẹ nangwọ tẹ epele atẹkẹ kọn-kọn ịn pịrịarị. Miemẹ gotẹ ọ́ daa ḅarị fomu-ḅara ḅaka ḅa.

Luku 12:41

Pita nwẹnị ḅẹẹ, “KỊNỊNYANAḄỌ, mị egberi mẹ ị́ gbaa wamịnị ngẹrị pịrị mụnọọ anị sime ḅẹḅọ-ḅẹḅọ pịrị?”

Luku 12:49

“À fịnị kẹ tomikiri mẹ ḅụ sụa ḅẹ ḅo tẹ, mimgbe ḅo nwẹn la anị saakị kọrị paka tẹ!

Luku 16:2

Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Jọnị 15:22

Mimgbe in ḅẹrẹ-ḅarasii nyana-a so tẹ à ḅo ẹkwẹn ịn pịrị-a namịna; mịọkụ anị sime-ḅara ḅụ ịn ḅarị gotẹ so ḅẹ ye nyana-a ịna si ḅụ.

Fịrịmẹnjịapụ 17:30

Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị.

Ditẹrọnọmị 25:2

anịrẹ mịẹkọn nyana ḅọ ḅe fomu na-iḅi-ḅii, ḅe ọ̀ mịẹ tẹ ò kiri-ḅio iḅo ḅa, tẹ ini ọ̀ ḅụ ọ̀ mịẹ si mẹ na gbasị ḅẹ fomuye aḅara ma ḅẹ kịẹn-ḅịḅị kẹ ò fomu ḅa ḅẹrẹ-pẹlẹḅọ tọrọkọ.

1 Timoti 1:11

Anị toluma ye mẹ, tẹ ịn kẹ ị̀ ḅara sụam à ḍuko ḅẹ oku mẹ ḅụ, mie anị simearị, ebube nyana, boma tẹ Tamụnọ ḅe ḅara ḅo Iḅi Oku mẹ.

1 Timoti 1:13

karakaraye, ḅọrọtẹ sakị ḅụ, àrị ọ̀ ḅụụ siye ḍuko, ḅaa-ḅọkọ kẹ ọ̀ ḍọkị, tẹ ọ̀ mịẹ simam ḅẹsọ. Kụma Tamụnọ ì ḍiki sịḅị-kụrụkụrụm, à minini nyana-a tẹ nimi-a ḅụ anị mịẹm ẹrẹsị.

1 Timoti 6:20

Timoti, ịn kẹ ị́ ḅarasụa wararị ye mẹ wẹrị kpaịnmaa. Ofori-ofori ẹkwẹn na oḅori ye anụnụa, tẹ ja atomi kura-a ḅara kẹ “Nimi” sịn-arị ye mẹ ḍiki ḅụụ kịẹn.

Tayịtọsị 1:3

tẹ anị ḅẹ karakara sakị ḅụ ọ̀ nwẹnị anị mịẹfinji ori oku mẹ ḅio. Miemẹ Tamụnọ kẹ ị̀ ḅara sụam, tẹ ori Tamụnọ, wamịna Ḅọrọmaḅọ ḅe, tọn ḅara ḅụ àrị anị ḍuko wasamarị.

Jemụsị 3:1

Ị̀ amịnapụ, ọmịna ḅụ ḅẹ tọnwa-apụ ye-tolumapụ sọ ḅẹ ḍọkị ma. Ọmịnị sọ nimi ḅara ḅụ, ịn kẹ wamịnị ye-tolumapụ ma kọn-arị ḅara kụrọ osi apụ nye nẹngịm.