Biblia Todo Logo
Bìoball air-loidhne

- Sanasan -




Luku 12:45 - FỊAFỊA BAỊBỤLỤ

45 Kụma anị fịrịmẹnjịḅọ ḅe nwẹnị ḅẹẹ mịnẹ ọ̀ nyanaḅọ ḅe iḅi sakị ḅo ḅịa ẹrẹsị osi afịrịmẹnjịapụ ma, ini ḅẹ owiapụ na ini ḅẹ ereme na fomu-fomu tẹ fị na ḅuu na nwenii tẹ iru ḅuu tọrụ-ḅaamarị kụma,

Faic an caibideil Dèan lethbhreac




Luku 12:45
31 Iomraidhean Croise  

Ori ịn wẹrị kpaịnmam, tẹ ịn palị sịẹmam; anịsakị ori atọrụngbọ ịna etela ma ḅụ emii.


“Kẹ ịn pịrị ḅarị fomu-ḅara à tọn-pẹlẹ ḅọrọma tẹ, ịna ḅẹrẹ-pẹlẹ ḅịḅị kẹẹ koro tẹ. Ịn mịẹ tẹ ye mẹ à kẹ ẹrị-a ye sọma ḅịa, kụma àrị anị ḅẹ gbẹẹ-ye kẹ ịn pịrị ḅa,


ọ̀ tọn tẹ ini ì fomu tẹ ikoli kẹ ị̀ ịkasị tẹ ị̀ kẹ Benijamịnị Ogigo-ḅọkọ mẹ ḅẹ ọgọnọ-jụ koromam, Tamụnọ-warị mẹ ḅio.


Ori mẹẹ, “Fịị-fịị tomḅọ, Izirẹlịapụ ma tiegotẹ mịẹ egberi mẹ gbaa-gbaa-gbaarị: ‘Sakị ḅọrọ-ḅọrọ-ḅọrọarị tẹ paka ḅẹ tẹ ḍuko-aị ma ḅo paka aị sọ-a?’


Yẹrị anie ḍumo wararị Tamụnọ ḅe sakị goyegoye, ọmịnị í poki na-iḅim. Piri-ḅio-ḅẹ si anama ḅo ị̀ anana ma ogbo koro tẹ ịn ḅaa pẹịm, anana-ḍikiḍikiḅọ ofori ẹrẹsị. Ị̀ anana-ḍikiḍikiapụ ḅụụkụrọma tẹ anana ma ḍọkị-ḅoa. Ịna ḅụụ mie in ḍikiḍiki sime ye, ị̀ anana ma-a.


tẹ osi apụ fịrịmẹnjịapụ ma kun fomu tẹ ịn ḅaam.


Karakara-ḅara-ḅụ à ḍuko ọ́ pịrịarị, ọ̀ nyanaḅọ ḅe ọ̀ nyana aị mamgba kẹ anị fịrịmẹnjịḅọ ḅe ḅara sụa tẹ ò ḍikiḍiki ḅa.


ò ḅiotọn-a gbọrụ ene mie ọ̀ nyanaḅọ ḅe ḅo ḅarị ye. Ọ̀ nyanaḅọ ḅe nwẹnị fịrịmẹnjịḅọ ḅe oju mamgba fomu pẹlẹ kọsịma fama tẹ ọ̀ mịẹtẹ ọ̀ ḅịḅị poki-a apụ ẹrị-ẹrị ye ẹrị ḅa.”


“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,


tẹ ọ̀ ḅẹẹ, “Ḅẹḅọ-ḅẹḅọ tarị iḅitẹịn iru kẹ alalị ḅo apụ pịrị pịrịm, tẹ ini iru ḅuu lamatẹ ḅẹḅẹ mḅọ pịkị si iru kẹ ḅo tẹ, kụma mịọkụ mie í iḅitẹịn iru mẹ kẹ ḅoarị ye!”


Inn, anị ḅo ọkọ la sakị, ị̀ afịrịmẹnjịapụ ma aḅụụ ḅio sọ, owiapụ na ereme na, à ḅintẹ ḅara kẹ ị̀ Tẹmẹ kẹ ịn pịrị ḅa, arị ene ma ḅụ, tẹ ini ị̀ oku mẹ ḍuko wasama ḅa.


Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.


Ḅẹḅọ-ḅẹḅọ tẹ ḅo ḅẹrẹtọn ọ́ pịrị ma-ḅọrọarị, anịanịa ọ́ la ḅẹ kiri ḅụ ọ́ da-sikimarị, anịanịa ó tuu mu siye ḅio suuarị, anịanịa ó ḍiki-iderimarị, anịanịa ḅara finji ọmịna atọrụ ḅọrọarị ḅọ anie ọ́ daa-ọkịarị ḅọ.


Anịsakị ọ́ KỊNỊNYANAḄỌ ọmịna Tamụnọ ḅe tọrọkọ ḍereku ḅa, ọmịnị na, ọmịna owiapụ-awọmẹ na, ọmịna eremịna awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na ini ọmịnị na gbọrụ ḍiekiri, anịanịa sime anga sọ nyana-a ḅẹ sakị.


Ḍin ḅụ mie tomi monoarị, ḍin ḅụ mie ịn pịkị iru ḅuu tọrụ-ḅaamarị.


tẹ ịn kẹ kịnị ẹrịmatẹ tọrụsiẹrị mẹ mie ini sọ kẹ gbẹẹ-ye sọma tẹ ẹrị ḅarịye. Ịna tọrụ-ḅẹlẹ simearị anga anie, ene ḅaka fịafịa ogbo ḅụ ịna oju ḅẹ meni mẹ ḅiiarị in mịẹ ḅẹ aị ma mịẹ furo ḅinma; ịn ḅụụ-jịrịma ye na ḅụụ-sima ye na sọ ọ́ pịrị wararị, ọmịnị ini na ḅara gboloma ye fịarị ye mẹ, tẹ anị sakị mẹmgba ḅụ ịn kẹ oḅori kẹ kịnị sịn ḅẹ aị ḅẹ aḅọkọ mie ịna ḅioḅẹlẹmarị!


Ịn ḅarana sịḅị-nyana minini tomi pịrịarị, kụma ini ma ḅioju omoni-sọ kẹ ḍumo famarị si-yemịẹ-ḅara pịrị wararị — kẹ gotẹ ọkọ ḍukoarị, tomḅọ ḅụụ-fịtẹ mḅọ nẹngịma ye goyegoye, mḅọ anị omoniḅọ sọ tẹẹ.


Ịn Tamụnọ atomi ma na, ịkịankoroapụ ma na, ọmbie ọsụmam ẹrẹsị, mịọkụ ị́ ọmbie kẹ ịn pịrị tẹ in ḅuu tẹ. Ịn la na-iḅi fomu-ḅara mie ịn la ye.


Babịlọnị gotẹ fomu-ḅara da ye, ịkịankoroapụ ma na, Tamụnọ atomi ma na ọmbie ịn nwẹn ẹrịm opu ama mẹ ḅio; karakara-ḅara-ḅụ, tomikiri ịn ḅaa tẹ atomi mamgba ọmbie mẹ.


Lean sinn:

Sanasan


Sanasan