Luku 12:43 - FỊAFỊA BAỊBỤLỤ

⁴³ Anị fịrịmẹnjịḅọ ḅe, ọ̀ nyanaḅọ ḅo tẹ ẹrị mịnẹ ori anị ḅara mịẹarị ḅẹ kụma, opu ḅioḅẹlẹ sime ọ̀ pịrị ḅa.

Luku 12:43 Iomraidhean Croise

Devidi-Anume 101:6

Ḅụụ ḅụ ḅioḅẹngbọ kẹ gbana na-iḅi ḅara sime Tamụnọ pịrị apụ ma arị ịn kẹ ye sịn ḅa tẹ minini tẹ ini ị̀ ama-da opu warị ḅio anga ḅa. Ḅọkọ, ḅọkọ mamgba kẹ kịnị mingirima ye mịẹ-a apụ ma à ḍụkụ tẹ ịn fịrịmẹnjị ị̀ pịrị ḅa.

Egberima-Ẹkwẹn 27:18

Figi-sịn ḍikiḍiki kpaịnma, anịsakị í figi-sịnmgbọlụ nyana tẹ fị ḅa. Amịna sịḅịdaḅọ balarị fịrịmẹnjịḅọ ḅe ini ọ̀ kẹ kụn nyana kiri ḅụ koroma ḅa.

Ayịzaya 56:2

“Sakị mamgba Ịnyọsara-Ene mẹ kokoarị tẹ anị kẹ papaa ye mịẹ-a apụ ma arị in boma ḅa. Gbọrụ siye sọ mịẹ-a apụ ma arị in boma ḅa.”

Matiyo 24:46

Anị fịrịmẹnjịḅọ ḅe tọ-ḅara na gbasị ḅara kẹ ḅioḅẹlẹ ḅa, ọ̀ nyanaḅọ warị ḅo tẹ ẹrị mịnẹ ori ọkọ mịẹarị ọkụma!

Luku 12:37

Ịn Nyanaḅọ ḅo la tẹ in mono-a tẹ koruarị ye ẹrị kụma anị opu ḅioḅẹlẹma ye sọ arị afịrịmẹnjịapụ ma pịrị ḅa! À ḍuko ọ́ pịrịarị, ori ori ọgọnọ ḅẹ kapa sin koroma tẹ ịn ḅẹẹ tẹ ịn lẹgị tẹ ye fị ḅa, tẹ ori rẹ fịrịmẹnjị ịn pịrị ḅa.

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 12:44

Karakara-ḅara-ḅụ à ḍuko ọ́ pịrịarị, ọ̀ nyanaḅọ ḅe ọ̀ nyana aị mamgba kẹ anị fịrịmẹnjịḅọ ḅe ḅara sụa tẹ ò ḍikiḍiki ḅa.

2 Pita 3:14

Anie ḅụ, ì ikiapụ, ọmịnị anị Ene mẹ koruarị ḅara ḅụ, ọmịnị, ọmịnị inetẹ ḅara, inetẹ ḅara mịẹ tẹ kpaịntẹ, ḅẹẹ, ḅẹẹ ye ofori ḍumo kọn Tamụnọ tọrọkọ, tẹ ori na dein ḅụ simee.