Luku 12:42 - FỊAFỊA BAỊBỤLỤ

⁴² KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 12:42 Iomraidhean Croise

Paka-so 36:4

Mie ḅụ owiapụ tẹ inetẹ Fịafịa Yọ mẹ ḅụ kọrịnama goyegoye kọrịarị apụ mamgba ḅom, ọrụḅọ-ọrụḅọ kọrịnama mẹ tẹ mḅọ kọrịarị ye ḅụ ḅom,

Egberima-Ẹkwẹn 12:8

Ị́ sịḅịḅio nyana-nyana, tomi í tokini ḅa; í oḅori-sọarị ḅẹḅẹ, tomi í ḍiki-iderima ḅa.

Egberima-Ẹkwẹn 15:23

Anị kpọma ḅioḅẹlẹ ọkị-ḅoarị ye sọ ḅa tomḅọ karakara ẹkwẹn ḍọkị ẹrị tẹ kọọn mẹ, karakara sakị ḅụ.

Egberima-Ẹkwẹn 27:18

Figi-sịn ḍikiḍiki kpaịnma, anịsakị í figi-sịnmgbọlụ nyana tẹ fị ḅa. Amịna sịḅịdaḅọ balarị fịrịmẹnjịḅọ ḅe ini ọ̀ kẹ kụn nyana kiri ḅụ koroma ḅa.

Egberima-Ẹkwẹn 31:15

Ene amụ finji koro-a ogbo mie á saakị tẹ á warị-kpo mẹ fị ḅẹ fịye mịẹ tẹ pịkị á fịrịmẹnjị-eremịna-awọmẹ kọrị ḅẹ ye ḍuko ịn pịrịarị ye.

Ayịzaya 50:4

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ì toluma tẹ à ḍuko ḅẹ ye mịẹ tẹ arị ịnyọ ḅụụ ḅụ fa tẹ ḅọ mẹ mịẹ kụrọma ḅẹ ḅara. Dede goyegoye ori ị̀ mịẹ tẹ à ḅio-sẹsẹarị, ọ̀ kẹ ì toluma ḅẹ ye na ḅẹ ḅara gotẹ.

Jerimaya 23:4

À sịḅịdapụ tọn tẹ ini in ḍikiḍiki ḅa. Ị̀ atomi ḅarị jen kẹ ḅalafa ḅịa, anịanịa tẹmẹ-naịn-naịn, tẹ à ḅarị jen kẹ in fomu ḅịa. Yẹrị KỊNỊNYANAḄỌ ḅe ọkọ ḅẹẹm.”

Izikẹlị 34:3

Ọmịnị ịna ḅụ paka-ḅo ndo-minji mẹ ḅuuarị, ịna ḅụ ḅẹ isuke kẹ ḍori akapa sụarị, pịkị iḅi tẹịn anana ma ḅaa-ḅaa pẹịarị. Kụma gbala-gbala ọmịnị anana ma koko-a.

Matiyo 13:52

Mie ḅụ ori nwẹnị pakịrị, “Ọkọ ḅẹḅẹ, miemẹ fiearị mịnẹ Oloko Tolumaḅọ, tẹ Tamụnọ Ama-da mẹ ḅẹ gbọrụḅọ sọ ḅọ, mḅọ gbala warị nyanaḅọ tẹ amịna ngọ-koko-ḅio ḅụ ịwọ ngọ na elemu ngọ na ḅụ ye pakama-pakama-ḅoarị ḅọ kịka tẹẹ.”

Matiyo 20:8

“Ene ḅoḅiri tẹso, ḍụọ nyanaḅọ ḅe nwẹnị ọ̀ fịrịmẹnjịapụ sịḅịdaḅọ sịn tẹ ọ̀ ḅẹẹ, ‘Kọrịnama kọrị apụ ma sịn tẹ ịna gbẹẹ aị kẹ ịn gbẹẹ. Kunoma ḅụ wa ọkọ apụ ḅụ saakị gbẹẹ ma mu wa tarị ọkọ apụ ma la.’

Luku 12:43

Anị fịrịmẹnjịḅọ ḅe, ọ̀ nyanaḅọ ḅo tẹ ẹrị mịnẹ ori anị ḅara mịẹarị ḅẹ kụma, opu ḅioḅẹlẹ sime ọ̀ pịrị ḅa.

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

1 Timoti 3:15

Kụma à ḅarị sarama ḅo-a sọ, yee mị ḍiri mẹ mịẹtẹ í nimi wa kẹ Tamụnọ warị mẹ ḅio wẹrịtẹ ḍumo kọn ḅarị ḅara, anie ḍumo wararị Tamụnọ ḅe warị mẹ karakara mẹ ḅẹ ḅeriye tẹ anị dasịẹma wararị ye mẹ.

1 Timoti 5:17

Omongiapụ ma tẹ, kịnị kẹ sịḅịdapụ ḅara ḅụ iḅi kọrịnama kọrịarị apụ ma ini ịna gbẹẹ-ye mẹ ḅẹ maa kiri nyana na-iḅim, jen-a jen-a Tamụnọ ẹkwẹn kọn na ye-toluma na kụrọ kọrịnama mẹ kọrịarị apụ ma.

2 Timoti 4:2

oku mẹ ḍukoo; ịgbanị mịnẹ ini anị ḍukoo — kura sakị-o, kura-a sakị-o — ẹkwẹn tomina aḅioḅẹngbọ pịkịị; in ḍiki-ịganịị; pịkị ịna ḅiokpọmaa, í ye-inema mẹmgba kẹ ye-tolumarị sakị.

Tayịtọsị 1:7

Kẹ gotẹ ọkọ ḍukoarị, sọsị omongiḅọ mẹ mḅọ Tamụnọ atomi ḍikiḍikiarị sakị goyegoye, mḅọ ḅụụ ḅụ si ofori ḅara simee. Mḅọ opu ẹkwẹn kọn na owi ḅioḅẹngbọ na nyana ma, anịanịa iru ḅuu tọrụ-ḅaama, anịanịa kụrọ-kụrọ amịẹaị mịẹ, anịanịa igbigi kọn pọkọ-ḅẹngbọ sụa.

Hiburu 13:17

Ọmịnị ọmịna asịḅịdapụ ḅịḅị poki tẹ ịn ḅẹẹ ye mịẹ. Ini anie ọmịna atẹmẹ ma ḍikiḍikiarị apụ, ịnyọ sara-a ḅara ḅụ, ini ịna fịrị mẹ mẹnjị ḅara mẹ ḍuko Tamụnọ pịrị ḅẹ onyo-sẹịn wararị sakị goyegoye. Ọmịnị ịna ḅịḅị pokiarị kụma, in ḅioḅẹlẹ ḅara kẹ ịna kọrịnama kọrị ḅa; ọkọ-a kụma, kururu ḅụ mie ini anị mịẹ ḅarịye, tẹ aniemẹ ḅarasụa nyana ọ́ pịrị ḅịa.

Hiburu 13:7

Tarị-pịrịpịrị-ḅụ ọmịna sịḅịdapụ tẹ Tamụnọ ẹkwẹn mẹ kọn ọ́ pịrị apụ ma, ọmịnị ịn kẹ ḅiokoromaa. Ọmịnị ịn ḍumo kọn ḅara na ịn fịị ḅara na kẹ ḅiokoromaa, tẹ ịn nyana minini mẹ pembe ye nyana-a.

Hiburu 3:5

Mozizi ḅe, fịrịmẹnjịḅọ ḅara, mie ọ̀ kẹ Tamụnọ warị mẹ ḅio ḅioḅẹngbọ-kẹ-sịrẹrẹ-niḅi ḅọ ḅara mẹ sime ye, tẹ ọ̀ nwẹnị tọrọkọ-jụ ḅụ Tamụnọ ḍuko ḅarị aị ma ḅẹ ịba-fị.

1 Pita 4:10

Ọrụḅọ-ọrụḅọ, Tamụnọ kịrị-kịrị ḍiepịrị-aị ma ḅẹ ye-ḍikiḍikiḅọ ḅara ḅụ, Tamụnọ kẹ sikima mḅọ pịrị wararị ḍiepịrịye mẹ kẹ ja apụ iḅima ḅẹ kọrịnama kọrịị.