Luku 12:40 - FỊAFỊA BAỊBỤLỤ

⁴⁰ Tẹ ọmịnị sọ ọkọ kẹ tẹlẹma na-iḅim, Tomḅọ Tụḅọ ḅe ó ḅiotọn-a sakị kẹ ḅo ḅarịye mẹ ẹrẹsị.”

Luku 12:40 Iomraidhean Croise

Matiyo 24:42

“Ọkọẹrẹsị, ọmịnị ẹbị nyana ḅụụ pịrịị, ọ́ Nyanaḅọ ḅe ḅo ḅarị ene mẹ ó nimi-a ẹrẹsị.

Matiyo 24:44

Mị-ḅara ḅụ, ọmịnị sọ ọkọ kẹ sakị mamgba tẹlẹma tẹ koruu, kẹ gotẹ ọkọ ḅẹẹarị, Tomḅọ Tụḅọ ḅe ḅo ḅarị sakị mẹ ḅarị ọ́ kẹ ḅiotọn-a sakị sọ ḅịa ḅara.

Matiyo 25:13

Tẹ Jizọsị nwẹnị ẹkwẹn gbaịn, “Ọkọẹrẹsị, ọmịnị ẹbị nyana ḅụụ pịrịị, ọmịnị ene nimi-a, pịkị sakị sọ nimi-a ẹrẹsị.”

Romu 13:11

Miemẹ ọ́ mịẹ-a so ḅẹ ye-a, gbala ọmịnị sọ nimi ḅara ḅụ, mie mono ḅụ saakị na-iḅi sakị mẹ. Kẹ gotẹ ọkọ ḅẹẹarị, wa ḅọrọma ḅẹ sakị mẹ ḅo kpeki wa tarị, tarị minini sakị nẹngị tẹ.

Romu 13:14

Kụma KỊNỊNYANAḄỌ Jizọsị Kịrayịsị owuna-aị ma ọkị ḅiri, tẹ ḅarị tomḅọ si sime-ḅara kẹ ye sịn tẹ anị ḅii ye, ḅii ye mịẹ ma.

1 Tẹsalonịka 5:6

Anie ẹrẹsị, wa osi apụ monoarị ḅara kẹ mono ḅịa; wa tọrụ finji tẹ sịḅịḅio kuḅu wararị apụ ḅara kẹ simee.

Mịẹfinji 19:7

Ó yee wa ḍereku tẹ ḅioḅẹlẹ; ó yee wa ori opu mẹ tokini! Kẹ gotẹ ọkọ ḍukoarị, Anana Tụḅọ ḅe ere-ịya sakị mẹ laa tẹẹ, tẹ ịya-mu-ẹrẹḅọtụḅọ ma á ḅụụ tẹlẹma anị pịrị tẹẹ.