Luku 12:32 - FỊAFỊA BAỊBỤLỤ

³² “Ọ́ ḅalafa ma, ị̀ kala anana ogbo; kẹ gotẹ ọkọ ḍukoarị ọmịna Ḍaḅọ ori ama mẹ kẹ ọ́ pịrị mẹ ḅẹlẹmam.

Luku 12:32 Iomraidhean Croise

Ayịzaya 40:11

Ori anana-ḍikiḍikiḅọ ḅara kẹ ori atomi koko ḅa; Ori awọmẹ ma kobiri gboloma ḅa tẹ ori aḅara ḅụ in dogi ḅa; ọ̀ nwẹnị deinma iyingi apụ ma tọrọkọ sụn tẹ ini na mu ḅa.

Ayịzaya 41:14

KỊNỊNYANAḄỌ ḅe ḅẹẹm: Izirẹlị, ị́ ịrụ wararị, pịkị ịnyọ nyana-a sọ, ḅalafa ma, à ḅarasụa ị́ pịrị ḅa. Yẹrị Izirẹlị tẹkẹarị Fịafịa Ḅọ ḅe, anie ị́ ḅọrọmarị ḅọ ḅe.

Ayịzaya 53:6

Wamịnị-mgba iri-faa tẹ anana kịkam, wamịna ḅụ ọrụḅọ-ọrụḅọ amịna jụ dam. Kụma KỊNỊNYANAḄỌ ḅẹ fomuye mẹ ori ọgọnọ saram, wamịnị-mgba daa na-iḅi fomu-ḅara mẹ.

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Matiyo 14:27

Anị gbọrụ kiri Jizọsị ẹkwẹn ịn pịrị tẹ ḅẹẹm, “Ó ḅiokpọọ! Yẹrịị. Ọ́ ḅalafa ma!”

Matiyo 20:16

Anịtẹso Jizọsị nwẹnị ẹkwẹn gbaịn ḅụ ḅẹẹ, “Mie ḅụ, kunoma apụ ma ḅo tarị apụ sọ ḅa, tẹ tarị apụ ma kunoma apụ sọ ḅa.”

Matiyo 25:34

Anịtẹso Amadaḅọ ḅe ori ama-ḅara anga sime apụ ma ḅẹẹ ḅa, ‘Ó ḅoo, ọmịnị ị̀ Ḍa boma tẹ apụ! Ó ḅọ tẹ tomikiri mẹ bịan tẹmẹ kụra-ḅio ọ̀ tẹlẹma ọ́ pịrị wararị ama mẹ ọkị ọmịna nye sọmaa.

Matiyo 7:15

“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama.

Luku 10:21

Anị sakị ḅụ Fịafịa Tẹmẹ ḅe ḅioḅẹlẹ kẹ Jizọsị ḅụụ ḅio suu ḅinma tẹ ọ̀ ḅẹẹm, “Ḍa, So na Kiri na Nyanaḅọ, àrị ịmịẹtẹ kẹ ị́ ḅẹẹm, ị́ kẹ opu nimi kọn apụ na opu aị ḍawọ apụ na ḍie-a tẹ kẹ ye ḍawọ-a apụ ḍie aị ma gotẹ. Inn, Ḍa, mie í ḅiim, anị mịẹ nwẹn ḅẹẹ ḅara.

Jọnị 18:36

Jizọsị nwẹnị ḅẹẹ, “Ị̀ ama-da mẹ mị tomikiri ḅẹ ama-da-a; ị̀ ama-da mẹ nwẹnị mị tomikiri ḅẹ ye namịna, mimgbe ì ḍukamẹnjịapụ ma owu paka tẹ Juu-ḅẹ ḅẹrẹtọn-apụ ma ḅarị ị̀ ọkị-a so tẹ. Gbala-gbala ị̀ ama-da mẹ mị tomikiri ḅẹ ye-a!”

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

Fịrịmẹnjịapụ 20:29

À nimi wararị mịnẹ arị ó koroma so sakị anana kun pẹị-pẹị si anama ọmịna ogboku ḅo ḅa, tẹ papaa anana ma wẹrịso ḅịa.

Romu 6:23

Si kẹ tomi pịrịarị gbẹẹ-ye anie fịị; kụma Tamụnọ kẹ papaa ḍie tomi pịrịarị ye anie sime gbamaso ḍumo, wa Nyanaḅọ Kịrayịsị Jizọsị na gbọrụ ḅụ sime ḅụ.

1 Kọrịntị 1:21

Gbala Tamụnọ ò ye-nimi ḅụ mịẹtẹ tomi ịna ye-nimi ḅụ ḅọrọ tẹ ò nimi ḅẹ ọkụ ḅarị ofori. Anie nakara, wa kọn tẹ ịn kẹ “oḅori ẹkwẹn” sịn-arị ye mẹ ḅụ mie Tamụnọ tọn tẹ ye mịnẹ ọ̀ ḅọrọ tẹ anị minini apụ ma ḅọrọma ḅa.

Filipayị 2:13

anie Tamụnọ sakị mamgba ọmịna ḅụụ ḅio kọrịnama kọrịarị ẹrẹsị, mịẹtẹ ó minini tẹ inetẹ ọ̀ tọn ye mịẹ ḅẹ ḅara.

2 Tẹsalonịka 1:11

Anie wa gotẹ sakị mamgba tẹkẹ ọ́ pịrịarị. Wa wamịna Tamụnọ ḅara ḅiiarị mịnẹ ori ọ́ mịẹtẹ ọmịnị ori ọ́ sịn tẹ ọ́ kọn ḅẹ ḍumo mẹ gbẹẹ apụ sọ. Yee ori ọ̀ kụrọ ḅụ ọ́ mịẹ ḅẹ ḅii aị mamgba mịẹ tẹ arị mịẹ tẹ aị sọọ, tẹ ọ̀ pịkị ọmịna minini kọrịnama mẹ mịẹ tẹ anị bebe ye sọọ.

2 Tẹsalonịka 1:5

Ma ma ḍie-pakamarị mịnẹ Tamụnọ ḅẹrẹkọn mẹ karakaram, tẹ ọmịnị ẹrịarị tọrụsiẹrị mẹ dogi-ḅoarị ye anie, ọ́ mịẹtẹ ọmịnị ori ama mẹ la gbẹẹ apụ sọ ḅẹ ḅara.

Hiburu 12:28

Ọkọẹrẹsị, ó yee wa ịmịẹtẹ kẹ Tamụnọ ḅẹẹ, mịnẹ wa nyana wararị ama mẹ anie inetẹ jike ḅịa ye. Ó yee wa ịmịẹtẹ-ḅẹẹ ḅioḅẹngbọ kẹ sunsin Tamụnọ pịrị, ḅioḅẹlẹma ḅarị ḅọkọ ḅụ, anie ọ̀ kụn na ò mangịma na ḅụ,

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

2 Pita 1:11

Mị ḅọkọ ḅụ mie Tamụnọ gbọrsịḅị ḅintẹ kụrọ kẹ ọ́ pịrị tẹ ọ́ kẹ wa Nyanaḅọ pịkị wa Ḅọrọmaḅọ Jizọsị Kịrayịsị sime gbamaso ama mẹ ḅio sọ-mu ḅarịye.

Mịẹfinji 1:6

tẹ pịkị wa kobiri tẹ kẹ agbamịẹapụ sọma ọ̀ Tamụnọ, pịkị ọ̀ Ḍa ḅe pịrị ḅọ ḅe. Ebube na, kụrọ na, sime Jizọsị Kịrayịsị pịrị mu ḅẹẹ-sakị ḅẹẹ-sakị la! Amẹnị.

Mịẹfinji 22:5

Ene ḅarị jen kẹ ḍiin ḅịa, tẹ ịn ḅarị pịkị tọnjọ na ịrụa bele na ḅii ḅịa, gbala KỊNỊNYANA-TAMỤNỌ ḅe bele sọ ịn pịrị ḅa, tẹ ini ama-da ḅara kẹ ḅẹrẹtọn gbamaso ḅa.