Luku 12:24 - FỊAFỊA BAỊBỤLỤ

²⁴ Odogo afeni ma ḍikii: in ye ḍiḅi-a, ịn pịkị soku-a; ịn pịkị ye koko awarị sọ nyana-a; Tamụnọ anie fịye kẹ ịn pịrị fịarị! Ọmịnị yela feni amẹẹ ma nẹngị lama wararị.

Luku 12:24 Iomraidhean Croise

Jobu 35:11

oriḅe tẹ ye kẹ wa toluma tomikiri ḅẹ anama ma nẹngịma ḅọ ḅe, tẹ mịẹ tẹ wa ye-nimi fiin-arị afeni ma nẹngị ḅọ ḅe?

Jobu 38:41

Tụḅọ kurukurutẹ opu feni ịn kẹ revini sịn ye ḅe pẹị ḅẹ aị kẹ ọ̀ pịrịarị, ori ḅẹ asambịrịma aị ma owu Tamụnọ pịrị, tẹ fị-fị fịye ofori gotẹ ikele-ikelema ḅọrọarị sakị ḅụ?

Devidi-Anume 147:9

Ori fịye kẹ nama ma pịrị fịarị tẹ asambịrịma ekule afeni ma kokoarị, ini ọ̀ sịn sakị.

Matiyo 10:31

Ọkọẹrẹsị, ọ́ ḅalafa ma, ọ́ kpọma ọ̀ ḅụụ yela kịẹnkịẹn-ọkụ-ofori wẹẹrẹsị gboloma nẹngịm!

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Matiyo 6:26

Ó So-tọrụ fiin ma ḅọrọarị afeni ma ḍikii: ịn ḍụọ ḍiḅi tẹ, soku tẹ, fịaị kobiri mu koko ḅụụ wẹrịma-a: anịsọ ịn paa ye fịarị, ọmịna Ḍaḅọ So-ḅio simearị ḅọ ḅe mie in kokoarị! Ọmịnị ma ọ́ kpọma ye la feni ma nẹngị-a?

Makị 6:26

Miemẹ amadaḅọ ḅe kururuma lamam, kụma ọ̀ sịn ḅo apụ ma tọrọkọ ḅụ ọ̀ wẹrịtẹ ye karị karị tẹ minini á pịrị tẹ ḅara gotẹ, ọ̀ sịkị ḅẹ ọkụ ḅarị ofori.

Luku 12:18

Ọ̀ nwẹnị ọ̀ ḅụụ ḅẹẹ, ‘Mie à mịẹ ḅarịye. Àrị ị̀ fịye koko awarị ma kaan-sara ḅa, tẹ ḍụḅa arị nẹngị aị nama ḅa, tẹ ị̀ mbịaka ma na osi ngọ mamgba na kẹ koko ḅa.

Luku 12:23

Ḍumo kpọma yela fịye nẹngịm, tẹ oju mẹ pịkị kpọma yela kapa nẹngịm.

Luku 12:7

Mị-ḅara ḅụ ọmịna sịḅị-ḅẹ-inume ma sọ kịẹn fama wararị. Ọkọẹrẹsị ọ́ ḅalafa ma; ó ye la tọnwa opulo-ngịangịa nẹngịm.