Luku 12:22 - FỊAFỊA BAỊBỤLỤ

²² Anịtẹso Jizọsị nwẹnị ò ḍukamẹnjịapụ ma ḅẹẹ, “Anịsakị mie à go ọ́ ḅẹẹarị ye mịnẹ ọ́ ḅarị ọ́ fị tẹ ḍumo ḅẹ ye na, ọ́ sụa ḅẹ kapa na gotẹ ḅụụ-ḅalaḅala ma.

Luku 12:22 Iomraidhean Croise

Luku 12:11

“Ini ọ́ kẹ ama-awarị, anịanịa ḅẹrẹtọn-apụ, anịanịa kụrọ-nyana apụ tọrọkọ ḅẹrẹkọn mu muu, ọ́ ḅụụ ḍụa ḅẹ ḅara, anịanịa ó ḍuko ḅẹ ye gotẹ ḅụụ-ḅalaḅala ma.

Luku 12:23

Ḍumo kpọma yela fịye nẹngịm, tẹ oju mẹ pịkị kpọma yela kapa nẹngịm.

Luku 12:29

“Ọkọẹrẹsị ọ́ ḅarị ḅio dein-a ḅara sime ma, sakị mamgba ọ́ fị ḅẹ ye na ó ḅuu ḅẹ ye na ḅẹ kuroma nyanarị.

1 Kọrịntị 7:32

À ḅiiarị ọ́ ḅụụ-ḅalaḅala nyana ma. Amụ ẹrẹḅọ sime-a owiḅọ ḅe KỊNỊNYANAḄỌ ḅe kọrịnama tẹ ọ̀ kọrịarị ye mẹ anie ọ̀ ḅụụ ḅẹrẹ tẹịn ye, ọ̀ ḅụụkụrọma tẹ KỊNỊNYANAḄỌ ḅe ḅioḅẹlẹma ḅẹ ḅara ḍọkịarị ẹrẹsị.

Filipayị 4:6

Ó gberie-sọ gotẹ ḅụụ-ḅalaḅala ma, kụma ọmịna tẹkẹ mamgba ḅụ, ọ́ Tamụnọ ḅara ọmịna ḅụụ-fụkamarị aị ma ḅii, tẹ sakị mamgba ịmịẹtẹ ḅẹẹarị ḅioḅẹngbọ kẹ ḅii.

Hiburu 13:5

Ọmịnị ọmịna aḍumo wẹrị ḅelema igbigi ḅẹlẹma ḅụ, tẹ ọ́ nyana ye ọmịnị na iḅi. Kẹ gotẹ ọkọ ḍukoarị, Tamụnọ ḅẹẹ tẹ, “Gbala-gbala àrị ị́ sịkị ḅịa; gbala-gbala àrị ị́ kẹ gbin koroma tẹ so ḅịa.”