Luku 12:21 - FỊAFỊA BAỊBỤLỤ

²¹ Tẹ Jizọsị nwẹnị ẹkwẹn gbaịn ḅụ ḅẹẹ, “Mị-ḅara mie anị sime ngọ kobiri kpolima ḅụụ wẹrịma tẹ Tamụnọ tọrọkọ ye nyana-a apụ ma pịrị ḅara.”

Luku 12:21 Iomraidhean Croise

Egberima-Ẹkwẹn 13:7

Ja atomi amịna aḅụụ kẹ ngọ-kọnapụ ḅara wẹrịarị, kụma ịn nyana ye ofori. Osi apụ amịna aḅụụ kẹ igoin ḅara wẹrịarị, kụma ini ngọ kọn wararị.

Hosiya 10:1

Izirẹlịapụ ma kịkaye girepu mgbọlụ sụarị vaịnị sịn tẹ girepu sụa ḅinma wararị ye. Ịn lọkọlọkọ la ḅara anie ịn pịkị agbamịẹ-anga nama la ḅara. Ịna amakiri fịaị pakama sara la ḅara anie ịn pịkị kẹ ịn sunsin pịrịarị tọn-tọn ḍụḅarị ḅeriaị ma mịẹ iḅima la ḅara.

Habakọkụ 2:9

Ị́ fa tẹẹ! Ị́ kụrọ-kụrọ ḅara kẹ ọkị aị ḅụ ị́ warị-suku kọnma tẹ, ị́ pịkị ḅụụ kụrọma tẹ mịẹ tẹ í sime yọ mẹ gberie-sọ anị la ḅịa ḅara sime tẹ!

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 16:11

Tomikiri ḅẹ ngọ sọ ọ́ wẹrị kpaịnma-a sakị ndẹẹ ini inetẹ karakara ngọ kẹ ọmịna ḅara sụa ḅarị ḅara?

Luku 6:24

Kụma mịọkụ ngọ-kọn wararị apụ ọ́ tẹkẹlẹ tẹẹ; ọmịna tọrụ-ḅẹlẹ ọ́ nyana fama tẹẹ!

Romu 2:5

Kụma ị́ kọngọ kụrọ na kụrọ ḅioḅẹngbọ na nyana wararị, miemẹ mịẹtẹ Tamụnọ ịganị na ọ̀ karakara ḅẹrẹkọn mẹ na ḅo ḅẹ Ene mẹ ḅụ anị si ị́ pịrị tẹịn ḅa.

2 Kọrịntị 6:10

karakaraye ịn wa kururuma ḅẹ mịẹm, sakị mamgba wa ḅioḅẹlẹarị; wa igoin-apụ kịkarị, kụma wa mịẹtẹ tọnwa-apụ ngọ kọn-arị; wa gberie-sọ nyana-a apụ ḅara simearị, anịsọ wa ye goyegoye nyana wararị.

1 Timoti 6:9

Kụma ye kọn ḅẹ-ḅiiarị apụ mu daaḍiki ḅio sọ sọm, tẹ oḅori kẹ tomḅọ sịn na, ye kẹ mḅọ lama ḅẹ akuroma na ḍiein ḅio sọ, anị nwẹnị ịn nụnụ mu fịị na fa na ḅio suu.

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

Mịẹfinji 2:9

Ị́ ḅụụ-fụka ma à nimi wararị; à nimim ị́ igoin wararị — kụma karakara-ḅara-ḅụ ị́yẹrị anie ngọ kọn ḅọ. Si aị tẹ, Juu-ḅẹ-apụ-a tẹ amịna ḅụụ kẹ Juu-ḅẹ-apụ sịn-arị apụ ma kẹ ị́ mịẹ simearị aị ma à nimim. Ini ma anie sime Ekwesu pịrị ogbo mẹ ḅẹ apụ.