Luku 12:2 - FỊAFỊA BAỊBỤLỤ

² Gbaịn wararị ye goyegoye anị finji ḅa, tẹ ḅọị ye tẹ tomi nimi ḅịa ye pịkị ofori.

Luku 12:2 Iomraidhean Croise

Nimi Tolumaḅọ 12:14

Kẹ gotẹ ọkọ ḅẹẹarị, Tamụnọ wa mịẹ ye goyegoye kẹ ḅẹrẹkọn ḅo ḅa, anị ḅọị ḅara ḅọị ḅara sọ, anị ḅọrọ iḅiye-o, anịanịa siye sọ.

Jerimaya 16:17

Ịn mịẹarị ye goyegoye arị ẹrịarị. Gberie sọ ị̀ ḅụụ ḅụ kikima-a; ịna asi ma ị̀ tọrụ gbarị-a.

Hosiya 8:13

Ini agbamịẹ-mịẹ ị̀ pịrị tẹ arịḅẹ nama mẹ pẹịarị. Kụma yẹrị KỊNỊNYANAḄỌ ḅe, ịna mịẹ ye ḅẹlẹma-a, tẹ mịọkụ arị ịna si kẹ ḅiokoroma tẹ anị gotẹ in fomu ḅa; arị ịn kẹ pịkị Ijiputi fịrịma ḅa!”

Makị 4:22

Ḅọị wararị ye goyegoye paka-ḅo ogbo la ḅa, tẹ gbaịn wararị ye goyegoye ịn pịkị anị finji ḅa.

Luku 8:17

“Ḅọị ye goyegoye paka-ḅo ḅa, gbaịn wararị ye goyegoye ini anị ḍọkị pakama-ḅo ogbo lama ḅa.

Romu 2:16

Mie ḅụ à kẹ ḅo Iḅi Oku mẹ sime-ḅara anie, Tamụnọ Jizọsị Kịrayịsị ḅụ ḅọrọ tẹ tomikiri mẹ kọn ḅarị Ene mẹ, ọrụḅọ-ọrụḅọ ḅioḅẹngbọ suku-ḅio sime ḅọị wararị aị mie ọ̀ kẹ mḅọ kọn ḅarịye.

1 Kọrịntị 4:5

Anie mịẹ tẹ, sakị mẹ amụ la-a ogbo ọ́ ḅẹrẹ-ḅarasii pẹlẹ gbọrụḅọ-sọ pịrị ma. Kunoma ḅẹrẹkọn mẹ koru mu KỊNỊNYANAḄỌ ḅe sakị la, tẹ mịọkụ kanakana ḅio kikima wararị aị mamgba, ori ọkị-ḅo bele ḅio sara fama tẹ, pịkị tomina ḅioḅẹngbọ jụ ḅio simearị akuroma mamgba pakama-ḅo fama ḅa. Anị ḅo ọkọ la sakị ọrụḅọ-ọrụḅọ Tamụnọ ḅara mḅọ la tokini nyana ḅa.

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.