Luku 12:19 - FỊAFỊA BAỊBỤLỤ

¹⁹ Anịtẹso àrị ị̀ ḅụụ ḅẹẹ ḅa, Fụḅara iḅi tomḅọ! Tọnwa akụra ḅụ ị́ kẹ anga ḅẹ ngọ ị́ nwẹn nyana tẹ. Ịnyọsaraa, fị, ḅuu tẹ ḅioḅẹlẹẹ.’

Luku 12:19 Iomraidhean Croise

Jobu 14:1

Ẹrẹḅọ iyi tomḅọ boowa aḍin nwẹn nyanam, anịsakị ḅụụ-fụka mḅọ ḅụụ ḅin wararị.

Devidi-Anume 49:18

Tomḅọ nwẹnị ọkị mịnẹ mịẹ ḍumo mẹ ḅụ ye mḅọ na iḅi fama tẹ, tẹ kịnị anịẹrẹsị mḅọ tokiniarị sọ,

Devidi-Anume 62:10

Gbiri-gbiri-gbiri mịẹ ye kẹ ḅiokpọma ma; kụrọ-ḅara kẹ jụmọ nye ọkị kẹ ḅiokpọma ma; ị́ ngọ nwẹnị sun tọrọkọ-tọrọkọ muarị sọ, anị ḅụ sịrẹrẹ ma.

Egberima-Ẹkwẹn 10:2

Japụ mingirima ḅụ ị́ kọn-arị ngọ mẹ gbọrụ iḅi sọ kẹ ị́ mịẹ ḅịa; kụma jen-apụ mingirima-a inetẹ í ḍumo ḅọrọma ḅa.

Egberima-Ẹkwẹn 14:24

Ye-nimiapụ ma ini ngọ kẹ gbẹẹ-ye ḅụ ịn pịrịarị, kụma oḅori-sọarị atomi ma ịna oḅori-sọ mie kịnị kẹ ịn nimiarị ye.

Egberima-Ẹkwẹn 18:11

Anị sime-ḅara sime-ḅara sọ, ngọ-kọnapụ ọkịarị mịnẹ ịna ngọ ịn gbaịn ḅọrọma ḅa, geletẹ, kụrọtẹ, opu ama gbori-ikelema wararị onu ọkụ.

Egberima-Ẹkwẹn 23:5

Í igbigi inetẹ fiin so ḅa, gbala anị pamba-sụa tẹ igo kịka tẹ fiin som pembe ḅara.

Egberima-Ẹkwẹn 27:1

Ḅaa gotẹ ḅụụ-boma ma. Mịọkụ na anị sakị na ogbo ḅụ paka ḅẹ ye í nimi-a.

Nimi Tolumaḅọ 11:9

Yei asambịrịma tomḅọ, ị́ asa sakị ḅụ ḍerekuu, anịsakị yee ị́ asambịrịma sakị mẹ ḅụ í ḅioḅẹngbọ ị́ ḅụụ kuroma ye sọ; í ḅioḅẹngbọ tọn ị́ pịrị etela, etela na, ị́ atọrụngbọ ẹrị ye, ẹrị ye na ḅụ mẹnjịị. Kụma nimi mịnẹ, mịna aị mamgba gotẹ, Tamụnọ ị́ kẹ ḅẹrẹkọn ḅo ḅa.

Nimi Tolumaḅọ 2:24

Tomi fị-na-ḅuu-na tẹ pịkị ịn lịlị ye ḅụ tọrụ-ḅẹlẹ nyana mẹ, anị nẹngị ye ofori. Miemẹ sọ arị ẹrịm, Tamụnọ ḅara ḅom;

Ayịzaya 22:13

Anie nakara, ọ́ ḍẹrị, ḍẹrị tẹ tiim. Ọmịnị anana na opu anama na ḅaa pẹị tẹ iru ḅuum. Ọ́ ḅẹẹm, “Wa paa fị-na-ḅuu-na ḅarị ya! Ḅaa ḅụ wa fịị tẹ apụ sọ ḅarị sakị.”

Ayịzaya 5:11

“Ọ́ fa tẹẹ! Dede-funfun mie ọ́ saakị tẹ sakị iru ḅuuarị ye, tẹ ḅoḅiri anga ḅụ ó sime tẹ ḅuu alama tẹ iru ọmịna tọrụ ḅaarị.

Ayịzaya 5:8

Ọ́ fa tẹẹ! Ọmịnị ja warị, ja warị na ja ḍụọ ja ḍụọ na fẹ-fẹ tẹ kẹ ọ́ nyana wẹrịtẹ aị ḅụ sụarị apụ ma. Japụ anga ḅẹ gbọrụḅọ anga sọ ḅarị, tẹ ọmịnị ngẹrị amakiri mẹ ḅio angarị.

Ayịzaya 56:12

Mịna iru ḅuu apụ ma ḅẹẹarị, ‘Ó yee wa iru kalịye ḅuu wa, tẹ wa inetẹ nyana ḅẹ ye mẹmgba ḅuu siin! Ḅaa ḅụ wa iḅi mịmgba wa sime-ḅara nẹngị ḅarịya!’ ”

Hosiya 12:8

Ịn ḅẹẹarị, ‘Wa ye-kọn tẹẹ, wa ye nyana sara tẹẹ. Tẹ gbọrụḅọ-sọ inetẹ wa kịnị-inoma ḅara kẹ ngọ-kọnm ḅẹ ye kẹ wamịna sịḅị-sẹịn ḅịa.’

Emọsị 6:13

Ọmịnị ó Lodeba (anị fiearị “papaaye”) ọkị ye kẹ ḅụụ bomarị. Ó bomarị, “Wa kụrọ la ḅara ḅụ wa Kanayịmụ ọkị tẹẹ.”

Habakọkụ 1:16

Ịn pịkị sunsin ịna ịgbọ ma pịrị tẹ agba mịẹ arị pịrịarị, ịna ịgbọ ma ye goyegoye ḅẹ iḅi tẹịn ye nyana ḅo ịn pịrịarị ẹrẹsị.”

Luku 12:18

Ọ̀ nwẹnị ọ̀ ḅụụ ḅẹẹ, ‘Mie à mịẹ ḅarịye. Àrị ị̀ fịye koko awarị ma kaan-sara ḅa, tẹ ḍụḅa arị nẹngị aị nama ḅa, tẹ ị̀ mbịaka ma na osi ngọ mamgba na kẹ koko ḅa.

Luku 16:19

“Gbọrụ sakị gbọrụ ngọ-kọnḅọ simem, tẹ kpọma ye la ḅụratẹ ḅiriaị ḅiri, ḅiri tẹ pịkị kpọma woso-woso ḍumo kọnm ene ḅaa ene, ḅaa ene.

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

1 Kọrịntị 15:32

Mị yọ à simearị Ẹfisọsị mẹ ḅụ, yẹrị tomḅọ ḅe, tomikiri ḅẹ kuroma kịngẹ gotẹ “piri-ḅio-ḅẹ nama” na ḅara owu sọ kụma, à nyana sọye ḅọrọ tiye? Kụma ịn fịtẹ-apụ saakịma tẹ in ḍumo ḍumo-a ḅẹḅẹ, ó yee wa tomi ẹkwẹn-arị ḅara mẹ ọkị ya, “Ó yee wa fị-na-ḅuu-na, ḅaa wa fịị ḅarị sakị.”

Filipayị 3:19

Ẹlị ḅio mie ịna kunoma, kẹ gotẹ ọkọ ḍukoarị, ịna meni-oju mẹ sọlịmarị aị mie ịn kẹ ịna tamụnọ sọma wararị. Ịna ḅụụ-jịrịma na-iḅi ye mie ịn kẹ ḅụụ-tọn-arị ye, tẹ sime mị tomikiri mẹ pịrị aị ngẹrị mie in kuromarị.

1 Timoti 5:6

Kụma amịna ḅụụ kẹ tomikiri ḅẹ tọrụ-ḅẹlẹ pịrị tẹ diḅọ-fịtẹ-ẹrẹḅọ ma, á fịị tẹ simearị kụra-ḅio iḅerea, á ḍumoarị nwẹn ḅẹẹ sọ.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

2 Timoti 3:4

ini mbasị ḅa, gbala-gbala ḅụụ da sịẹma-a ḅara kẹ ye mịẹ, tẹ opu amịẹaị gbọrsịḅị ịna sịḅị foinma ḅa; ịn Tamụnọ ḅẹlẹma ḅẹ nakara tomikiri ḅẹ tọrụ-ḅẹlẹ mịẹ ịn ḅẹlẹma ḅarịye;

Jemụsị 5:5

Mị tomikiri ḅụ ọ́ kọn-arị ḍumo mẹ ḅụ woso-woso amịẹaị na tọrụ-ḅẹlẹ na mịẹ anị ḅụ ḅin wararị. Ọmịnị ọmịna aḅụụ ḍikiḍiki tim-tim-ma ḅaa ḅẹ ene wẹrịma tẹ.

1 Pita 4:3

Ḅọrọtẹ sakị ọ́ kẹ oru nimi apụ ma ḅụụ-ḅẹlẹ tẹ mịẹ-mịẹ aị mịẹtẹ sakị mẹ ḅọrọ tẹ. Ḅụụ gbẹẹ-a amịẹaị na, ye go lẹlẹ na, iru ḅuu tọrụ-ḅaama na, gbiri-gbiri-gbiri alalị fị na, iru ḅuu ogbo-ogbo na, sịḅị-jịrịma oru tẹkẹ ḅara na, mie ọmịnị ọmịna aḍumo mamgba kẹ mịẹ-mịẹ ye.

Mịẹfinji 18:7

Á sọ opu mẹ na, á nyana tọrụ-ḅẹlẹ mẹ na gbasị tọrụsiẹrị na kururu na ọ́ nwẹn kẹ á pịrịị. Á kọkọ á ḅụụ ḅẹẹ ḅẹẹ: ‘Yẹrị amada-ẹrẹḅọ, mị yọ à yaụ-sime lẹgị tẹ! Yẹrị diḅọ-fịtẹ-ẹrẹḅọ-a, à kururu nimi ḅịa gbamasom!’

1 Samụẹlị 30:16

Ori ori ọkị ideri-mu sakị, ini ama mẹmgba ḅio wasama tẹ fịye fị-fị, iru ḅuu-ḅuu sẹkịarị, in gbala Filisiteniapụ ma ama mẹ na, Juda ḅẹ ama mẹ na ḅio fọịn ọkị aị mamgba ḅẹ gburo-gburo mẹ ẹrẹsị.