Luku 12:18 - FỊAFỊA BAỊBỤLỤ

¹⁸ Ọ̀ nwẹnị ọ̀ ḅụụ ḅẹẹ, ‘Mie à mịẹ ḅarịye. Àrị ị̀ fịye koko awarị ma kaan-sara ḅa, tẹ ḍụḅa arị nẹngị aị nama ḅa, tẹ ị̀ mbịaka ma na osi ngọ mamgba na kẹ koko ḅa.

Luku 12:18 Iomraidhean Croise

Devidi-Anume 17:14

mị ḍumo ḅụ in ḅiiarị aị mamgba nyana tẹ apụ ma ḅara-ḅio ị̀ ḅọrọma-a. Ị́ kẹ koko ịn wẹrịma atọrụsiẹrị ma kẹ in fomuu; yee kirikọn-aị ma sime ịna awọmẹ pịrị, ini na iḅi ḅẹ ḅara jaị pịkị sime ịna afuro ḅẹ apụ pịrị!

Matiyo 6:26

Ó So-tọrụ fiin ma ḅọrọarị afeni ma ḍikii: ịn ḍụọ ḍiḅi tẹ, soku tẹ, fịaị kobiri mu koko ḅụụ wẹrịma-a: anịsọ ịn paa ye fịarị, ọmịna Ḍaḅọ So-ḅio simearị ḅọ ḅe mie in kokoarị! Ọmịnị ma ọ́ kpọma ye la feni ma nẹngị-a?

Luku 12:17

Ọ̀ nwẹnị saakị kuroma amịna ḅụụ pịrị tẹ ḅẹẹ, ‘Mịọkụ à ma fịaị ma kẹ koko ḅẹ anga nyana-a ḅara mẹ à tọ-ḅara mịẹ ḅẹ?’

Luku 12:19

Anịtẹso àrị ị̀ ḅụụ ḅẹẹ ḅa, Fụḅara iḅi tomḅọ! Tọnwa akụra ḅụ ị́ kẹ anga ḅẹ ngọ ị́ nwẹn nyana tẹ. Ịnyọsaraa, fị, ḅuu tẹ ḅioḅẹlẹẹ.’

Luku 12:21

Tẹ Jizọsị nwẹnị ẹkwẹn gbaịn ḅụ ḅẹẹ, “Mị-ḅara mie anị sime ngọ kobiri kpolima ḅụụ wẹrịma tẹ Tamụnọ tọrọkọ ye nyana-a apụ ma pịrị ḅara.”

Luku 12:24

Odogo afeni ma ḍikii: in ye ḍiḅi-a, ịn pịkị soku-a; ịn pịkị ye koko awarị sọ nyana-a; Tamụnọ anie fịye kẹ ịn pịrị fịarị! Ọmịnị yela feni amẹẹ ma nẹngị lama wararị.

Luku 18:4

Tọnwa-tọnwa ḅẹ asakị á nwẹn kẹ ọ̀ dama-mum, kụma ọ̀ ḅụụ ḅẹrẹ-a, anị ḅẹ kunoma ọ̀ nwẹnị ọ̀ ḅụụ ḅẹẹ, ‘Tomi-juḅẹye, à Tamụnọ ḍiki-ḅalafa-a, pịkị tomi kẹ ye-sịn-a ḅẹsọ,

Luku 18:6

Tẹ KỊNỊNYANAḄỌ ḅe nwẹnị pịkị ḅẹẹ, “Anị si ḅẹrẹkọnḅọ ḅe ḍuko ye mẹ pokii.

Jemụsị 3:15

Anị nimi ḅara mẹ So-ḅio ḅo-a, anie tomikiri ḅẹ nimi, tẹmẹ ḅụ ḅẹ ye-a, oru ḅara ḅo nimi.

Jemụsị 4:13

Mịọkụ ọmịnị ì pokii, ọmịnị ḅẹẹarị apụ, “Mịmgba, anịanịa ḅaa, wa paka gbọrụ ama mu tẹ anịanga gbọrụ kụra sime, tẹ tuḅo kọn tẹ tọnwa igbigi mịẹ ḅa.”

Jemụsị 4:15

Ọ́ ḅẹẹ na-iḅi ye anie mie: “KỊNỊNYANAḄỌ ḅe ḍụkụ ḅẹḅẹ, wa ḍumo sime tẹ mie, anịanịa anie mịẹ ḅa.”