Luku 12:17 - FỊAFỊA BAỊBỤLỤ

¹⁷ Ọ̀ nwẹnị saakị kuroma amịna ḅụụ pịrị tẹ ḅẹẹ, ‘Mịọkụ à ma fịaị ma kẹ koko ḅẹ anga nyana-a ḅara mẹ à tọ-ḅara mịẹ ḅẹ?’

Luku 12:17 Iomraidhean Croise

Nimi Tolumaḅọ 11:2

Kịrị-kịrị tọnwa anga ḅụ igbigi kẹ suu wẹrịị — karakara-ḅara-ḅụ tọnwa anga — kẹ gotẹ ọkọ ḅẹẹarị, gbala-gbala í nimi-a mịẹ tomikiri mẹ ḅụ ḅo ị́ la ḅarị si-fụḅara sime-ḅara.

Ayịzaya 58:7

Í fịye kẹ ḅuru-pọkọtarịapụ ma na fịị, tẹ ị́ ḅọkọ finji sime-yọ nyana-a igoin-apụ ma pịrịị. Kapa kẹ sụa ḅẹ ye nyana-a apụ ma pịrị sụa, tẹ ḅarasụa ị́ amịnapụ pịrị mẹ sịkị ma.”

Matiyo 16:7

Ịn nwẹnị saakị ini-ini-ini ogboku ḅịḅị ọkị-a tẹ ḅẹẹ, “Wa fịturu kẹ ḅo-a ye mẹ mie ó gotẹ miemẹ ḍukoarị.”

Matiyo 5:42

Tomḅọ ḅo ị́ ḅara ye ḅii, ḅii mḅọ pịrịị; gbọrụḅọ ị́ ḅara ye ḅọlọ ḅẹ-ḅiiarị ḅẹḅẹ kẹ mḅọ ḅọlọọ.

Luku 10:25

Gbọrụ Oloko tolumaḅọ ḅo Jizọsị ḅịḅị paka ḅẹ ye ḍọkị ḅẹ tẹ ò gbelam, “Ye-tolumaḅọ, à ḅọrọ tiye mịẹ kụma à sime gbamaso ḍumo nyana ḅẹ?”

Luku 11:41

Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 12:16

Anịtẹso Jizọsị mị egberima-ẹkwẹn mẹ kọn ịn pịrịm: “Gbọrụ sakị gbọrụ ngọ-kọn ḅọ kiri lolo tẹ fịaị pakama lamam.

Luku 12:18

Ọ̀ nwẹnị ọ̀ ḅụụ ḅẹẹ, ‘Mie à mịẹ ḅarịye. Àrị ị̀ fịye koko awarị ma kaan-sara ḅa, tẹ ḍụḅa arị nẹngị aị nama ḅa, tẹ ị̀ mbịaka ma na osi ngọ mamgba na kẹ koko ḅa.

Luku 12:22

Anịtẹso Jizọsị nwẹnị ò ḍukamẹnjịapụ ma ḅẹẹ, “Anịsakị mie à go ọ́ ḅẹẹarị ye mịnẹ ọ́ ḅarị ọ́ fị tẹ ḍumo ḅẹ ye na, ọ́ sụa ḅẹ kapa na gotẹ ḅụụ-ḅalaḅala ma.

Luku 12:29

“Ọkọẹrẹsị ọ́ ḅarị ḅio dein-a ḅara sime ma, sakị mamgba ọ́ fị ḅẹ ye na ó ḅuu ḅẹ ye na ḅẹ kuroma nyanarị.

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 16:3

Fịrịmẹnjịḅọ ḅe nwẹnị amịna ḅụụ ḅẹẹ, ‘Ị̀ sịḅịdaḅọ ḅe fịrị ḅụ ì sin ḅẹ tẹ. À tiye kọrị ḅẹ? Àrị ịnyọ nyana tẹ kiri soku ḅịa, kịnị ḅara ye ḅii pịkị ị̀ ḅụụ-jịrịmarị.

Luku 16:9

Tẹ Jizọsị nwẹnị paa ẹkwẹn tọrọkọ mu, “Ọkọẹrẹsị à ḍuko ọ́ pịrịarị, ó tomikiri ḅẹ ngọ mẹ kẹ ikia ọlọ ḅụụ pịrịị, mịẹtẹ anị ḅarị ọmịna ḅara ofori sakị ini ọ́ da sime-gbamaso warị ḅio suu ḅarị ḅara.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 19:17

Ọ̀ nwẹnị ḅẹẹ, ‘Mịẹ ḅaka, iḅi fịrịmẹnjịḅọọ. Í ye kalịye ọlọ kpaịnmam ẹrẹsị àrị ị́ kẹ oyia opu ama sịḅị dama ḅa.’

Luku 3:11

Ọ̀ nwẹnị pakịrị, “Maa kapa nyanaḅọ gberie kẹ nyana-a ḅọ pịrịị. Fịye nyanaḅọ kẹ fị ḅẹ ye ofori ḅọ na ḍiee.”

Fịrịmẹnjịapụ 16:30

Anịtẹso ọ̀ nwẹnị ịn sịn paka tẹ ḅẹẹ, “Ị̀ nyana apụ, ndẹẹ à mịẹ tẹ ḅọrọma ḅarịye?”

Fịrịmẹnjịapụ 2:37

Tomi ma ḅo miemẹ naa sakị ịna aḅioḅẹngbọ kpọma ịna ḅụụ-fụkamam, tẹ ịn nwẹnị Pita na osi afịrịmẹnjịapụ ma na ḅẹẹ, “Mịna apụ, mịọkụ wa ndẹndẹ mịẹ ḅẹ?”

Romu 12:13

Yee ọmịna pembema Kịrayịsị ḍukamẹnjịapụ tẹ mịẹ ḅẹ ọkụ ofori apụ ma ọmịnị na ọ́ nyana aị ḍiya, tẹ ọ́ ḅọkọ gbaịn igoniapụ pịrị ma.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

1 Jọnị 3:16

Kịrayịsị wa gotẹ fịị ye ḅụ mie wa ḅọrọ tẹ ḅẹlẹma fiearị ye nimi ye. Ọkọẹrẹsị, wamịnị sọ wamịna aḍumo kẹ wamịna amịnapụ ma pịrị saa fị tẹ!