Luku 12:16 - FỊAFỊA BAỊBỤLỤ

¹⁶ Anịtẹso Jizọsị mị egberima-ẹkwẹn mẹ kọn ịn pịrịm: “Gbọrụ sakị gbọrụ ngọ-kọn ḅọ kiri lolo tẹ fịaị pakama lamam.

Luku 12:16 Iomraidhean Croise

Jobu 12:6

Furuapụ ma akpụrụ-awarị ma dein sime wararị, anịsakị Tamụnọ ịganịma apụ ma ye ịn la-a, inima tẹ ḅara-ḅio ịna oru-tamụnọ kẹ ḅo apụ ma.” Jobu nwẹnị pịkị Jọfa ḅẹẹ:

Jobu 24:23

Ori ịn wẹrị kpaịnmam, tẹ ịn palị sịẹmam; anịsakị ori atọrụngbọ ịna etela ma ḅụ emii.

Devidi-Anume 73:12

Anị ḅara mie si-sịḅịḅio-sụapụ ma kịkarị ḅara. Ịn nyana sara wararị tẹ pịkị sakị mamgba ja aị, ja aị nyanarị.

Devidi-Anume 73:3

àrị afana tẹmẹ nyana ḅụụ-gelema apụ ma pịrịm ẹrẹsị, à ye si-sịḅịḅio-sụapụ ma na iḅi ye ẹrị sakị.

Izikẹlị 16:49

Árị na árị eremịna-awọmẹ ma na ḅụụ-tọnm mịnẹ ini ịn fị ḅẹ afịaị nyana saram, tẹ pịkị dein na gbene na ḅụ angam, kụma ini igoin-apụ ma na ye nyana ḅẹ ḅọkọ nyana-a apụ ma na koko-a.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Matiyo 13:8

Kụma mgbọlị ma ḅẹ jaị iḅi kiri korom, tẹ arị nwẹnị so-paka tẹ mbịaka sụa; jaị sọnọa si, sọnọa si sụam, osi-aị tesi-tesi, osi-aị pịkị suei-suei.”

Matiyo 5:45

miemẹ mịẹtẹ ó ḅo ọmịna So-ḅio ḅẹ Ḍaḅọ ḅe awọmẹ sọ ḅa. Kẹ gotẹ ọkọ ḅẹẹarị, ori mie mịẹtẹ ịrụa mẹ gbọrụ ḅara kẹ ḅịya iḅi atomi na, si-mịẹapụ na saramarị ye, tẹ ọ̀ pịkị eene kẹ iḅiye mịẹ apụ na siye mịẹ apụ na pịrịarị ye.

Luku 12:15

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Luku 12:17

Ọ̀ nwẹnị saakị kuroma amịna ḅụụ pịrị tẹ ḅẹẹ, ‘Mịọkụ à ma fịaị ma kẹ koko ḅẹ anga nyana-a ḅara mẹ à tọ-ḅara mịẹ ḅẹ?’

Fịrịmẹnjịapụ 14:17

Kụma sakị mamgba ori ori emi nwẹn ḅẹẹ elekima kẹ tomi ḍiearị, ọ̀ mịẹarị iḅi aị ma ḅụ; ori mie So-ḅio ene koroma ọ́ pịrịarị, pịkị ḍiḅi aị ma pakama-ḅo ọ́ pịrịarị karakara asakị ḅụ; ò fịye kẹ ọ́ pịrị fị tẹ ḅioḅẹlẹ ọmịna aḅioḅẹngbọ ḅin-arị.”