Luku 12:15 - FỊAFỊA BAỊBỤLỤ

¹⁵ Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Luku 12:15 Iomraidhean Croise

1 Amadapụ 2:40

ọ̀ nwẹnị ori asụ tẹlẹmatẹ Gati ḅụ Amadaḅọ Akisi ḍọkụma-mu, mu ori omoniapụ ma ḍọkị ḅẹ ḅara. Ori ịna ḍọkị-ẹrị tẹ ịn pịkịma ama ḅom.

Jobu 2:4

Anịtẹso Ekwesu ḅe nwẹnị KỊNỊNYANAḄỌ ḅe pakịrị, “Amụ ị́ ḅara kẹ ọ̀ ḅụụ akụ tẹịn ye lama-a. Tomḅọ ọ̀ nyana ye mẹmgba pịrị pakama ḅa ò ḍumo gotẹ.

Devidi-Anume 10:3

Si-sịḅịḅio-sụa tomḅọ ḅe ọ̀ mịẹ ḅẹ tẹ kuromarị siye mẹ kẹ ḅụụ bomarị: Opu pọkọ-ḅẹngbọ sụa tomḅọ ḅe Tamụnọ wori-wori tẹ ọ̀ sịkịarị.

Devidi-Anume 37:16

Iḅi tomḅọ ḅe nyana kala ye mẹ, si-sịḅịḅio-sụapụ mamgba kọọn sara ngọ ma nẹngị lamam.

Devidi-Anume 62:10

Gbiri-gbiri-gbiri mịẹ ye kẹ ḅiokpọma ma; kụrọ-ḅara kẹ jụmọ nye ọkị kẹ ḅiokpọma ma; ị́ ngọ nwẹnị sun tọrọkọ-tọrọkọ muarị sọ, anị ḅụ sịrẹrẹ ma.

Egberima-Ẹkwẹn 15:16

Tomḅọ igoin tẹ KỊNỊNYANAḄỌ ḅe ḍiki-ḅalafarị iḅi mḅọ ngọ-kọn tẹ ḅụụ-fụka ḅio sọ nẹngịm.

Egberima-Ẹkwẹn 16:16

Nimi na ḍawọye na nyana kpọma iḅi golu na seleḅa na nyana nẹngịm.

Egberima-Ẹkwẹn 28:16

Iḅi-sịḅịḅiosụa-a ḅẹrẹtọnḅọ ḅe tẹ guda-guda ḅara kẹ kịnị na mịẹarị ḅọ mẹ ajagidi sọ ḅa. Kịnị mingirima ḍiki-ḅioḅuarị ḅẹrẹtọnḅọ ḅẹrẹtọn alama ḅa.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Mayịka 2:2

Ḍụọ ịna aḅụụ ḅẹlẹ-ḅẹlẹ, ini arị kọrị ọkịm; warị ịna aḅụụ ḅẹlẹ-ḅẹlẹ, ini arị ọkịm; gberie-sọ kpaịn sime tomḅọ mẹ pịrị-a mḅọ ere-furo-o, mḅọ nyana aị-o.

Habakọkụ 2:9

Ị́ fa tẹẹ! Ị́ kụrọ-kụrọ ḅara kẹ ọkị aị ḅụ ị́ warị-suku kọnma tẹ, ị́ pịkị ḅụụ kụrọma tẹ mịẹ tẹ í sime yọ mẹ gberie-sọ anị la ḅịa ḅara sime tẹ!

Makị 7:22

sẹfị, opu pọkọ-ḅẹngbọ sụa na, kịrị-kịrị asi amịẹaị mịẹ na; oḅori-kẹ-kịnịsịn, tọrụ-gbẹ-a amịẹaị mie, afana, jụmọ ḍuko sima mḅọ ọḅụjụ ḅụ, ḅụụ-gelema na oḅori amịẹaị na:

Luku 12:16

Anịtẹso Jizọsị mị egberima-ẹkwẹn mẹ kọn ịn pịrịm: “Gbọrụ sakị gbọrụ ngọ-kọn ḅọ kiri lolo tẹ fịaị pakama lamam.

Luku 16:14

Farịsiiapụ ma miemẹ naa fama sakị in Jizọsị mịẹ sima ḅara kẹ ye mịẹm, ini igbigi ḅẹlẹmam ẹrẹsị.

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Luku 8:14

Nangị asịn ogboku koro mgbọlị ma anie naa tẹ tomikiri ḅẹ ḅalaḅala na, ngọ na mị tomikiri ḅẹ tọrụ-ḅẹlẹ na ḅo ịna ḅioḅẹngbọ ḅụ anị ponoma ḅaa apụ, tẹ ịn ḅụụkụrọma sụa mgbọlụ sọ gbala-gbala ḅịya-a gbamasom.

1 Kọrịntị 6:10

anịanịa furuarị ḅọ, anịanịa opu pọkọ-ḅẹngbọ sụa ḅọ, anịanịa iru ḅuu ḅụramarị apụ anịanịa ja apụ ḍuko-simarị apụ, anịanịa furuapụ mịna aị ma mịẹarị apụ ma ḅẹ gbọrụḅọ-sọ Tamụnọ ama-da tẹ ḅẹrẹtọn-arị anga mẹ ḅụ sime ḅịa.

Kọlọsị 3:5

Ọkọẹrẹsị, ó tomikiri ḅẹ aị tẹ oju ḅio ọmịnị ịgbanịarị aị ma ḅaa siin, anie mịna aị ma kịka aị: kura-a ḅara ḅụ owiḅọ na ẹrẹḅọ na gboloma na, ḅụụ gbẹẹ-a ye-mịẹ-ḅara na, lẹlẹ ye pịrị na, si ḅara kẹ tẹmẹ-lokoloko ye pịrị na, opu pọkọ-ḅẹngbọ na (miemẹ oru tẹkẹ na anị na gbọrụ ḅara).

2 Timoti 3:2

Tomi ịna ḅụụ ngẹrị bala ḅa, fị-ye fị-ye pọkọ-ta-a, ḅụụ-boma na ḅụụ-gelema na; ịn ja apụ mịẹ-sima ma ḅọrọ ḅa, ini ịna ḍapụ-na-iyingiapụ-na ḅịḅị poki ḅịa, ịmịẹtẹ ḅẹẹ ḍịn-a, Tamụnọ etela kẹ ye-sịn-a;

Hiburu 13:5

Ọmịnị ọmịna aḍumo wẹrị ḅelema igbigi ḅẹlẹma ḅụ, tẹ ọ́ nyana ye ọmịnị na iḅi. Kẹ gotẹ ọkọ ḍukoarị, Tamụnọ ḅẹẹ tẹ, “Gbala-gbala àrị ị́ sịkị ḅịa; gbala-gbala àrị ị́ kẹ gbin koroma tẹ so ḅịa.”

Jọsụwa 7:21

Ọmụ ḅio ọkị aị ma ogbo-ḅio à Sina ḅụ ḅo gbọrụ iḅitẹ ḅara ofori ọgọnọ gbana opu kapa na, seleḅa pakịrị oyia asi na, golu kpoo mesi oyi finji iku kọn golu gbọrụ kpo na ẹrịm, tẹ nwẹnị arị mọnị tẹ arị ọkị; anịsakị ḍikii, arị ị̀ akpụrụ-warị ḅio arị kẹ kiri-ḅio ḍiḅi tẹ seleḅa mẹ kẹ arị suku-ḅio suu wararị.”

2 Pita 2:14

Sakị mamgba ịna atọrụngbọ jen anga ofori, si mẹnjị kọn-arị ereme ọgọnọ sikima tẹ; si mịẹ ịna apọkọ tata-a. In minini kụrọ-a apụ dogi-mu ḍiein ḅio koromarị. Ini ịna aḅioḅẹngbọ tẹlẹma tẹ kẹ opu pọkọ-ḅẹngbọ sụa ḅara wẹrịarị. Ini ma Tamụnọ wori-nume ịna ọgọnọ emi!

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.