Luku 12:13 - FỊAFỊA BAỊBỤLỤ

¹³ Gbọrụ tomḅọ nwẹnị tomina-ogbo mẹ ḅio Jizọsị ḅẹẹ, “Ye-tolumaḅọ, ḍuko ì iyimbere pịrị tẹ ọ̀ wamịna ḍaḅọ koroma-so wa pịrị ye mẹ kẹ ị́ na ḍie.”

Luku 12:13 Iomraidhean Croise

Devidi-Anume 17:14

mị ḍumo ḅụ in ḅiiarị aị mamgba nyana tẹ apụ ma ḅara-ḅio ị̀ ḅọrọma-a. Ị́ kẹ koko ịn wẹrịma atọrụsiẹrị ma kẹ in fomuu; yee kirikọn-aị ma sime ịna awọmẹ pịrị, ini na iḅi ḅẹ ḅara jaị pịkị sime ịna afuro ḅẹ apụ pịrị!

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Luku 12:12

Kẹ gotẹ ọkọ ḍukoarị, Fịafịa Tẹmẹ ḅe ó ḍuko ḅẹ ye kẹ ó toluma ḅa sakị mẹ laa sakị.”

Luku 12:14

Jizọsị nwẹnị ọ̀ pakịrị, “Ì ikiaḅọ, tụḅọ ị̀ kẹ ḅẹrẹkọnḅọ, anịanịa ḍuu ḍie ḅọ sọma ọmịnị maa apụ pịrị?”

Luku 6:45

Iḅi tomḅọ mḅọ ḅioḅẹngbọ koko wararị iḅi aị ma ḅụ iḅi aị pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma ḅụ si-aị pakama-ḅoarị. Kẹ gotẹ ọkọ ḅẹẹarị, ḅioḅẹngbọ mẹ ḅio ḅin wararị aị ma mie ḅịḅị mẹ ḅụ paka-ḅoarị.

1 Timoti 6:5

tẹ tomi tẹ kuno-a aḅara kẹ ye-nụnụarị apụ, anie amịna akuroma ḅarịye kuroma-a apụ, tẹ ḅarị karakara mẹ ḅụ ofori apụ. Ini ọkịarị mịnẹ Tamụnọ nimi etela mẹ anie ḅọrọ tẹ ngọ kọn-kọn ḅọkọ.