Luku 12:12 - FỊAFỊA BAỊBỤLỤ

¹² Kẹ gotẹ ọkọ ḍukoarị, Fịafịa Tẹmẹ ḅe ó ḍuko ḅẹ ye kẹ ó toluma ḅa sakị mẹ laa sakị.”

Luku 12:12 Iomraidhean Croise

Paka-so 4:11

Anịtẹso KỊNỊNYANAḄỌ ḅe nwẹnị ọ̀ ḅẹẹ, “Tụḅọ tomḅọ ḅịḅị mẹ tẹmẹ? Tụḅọ ọ̀ mịẹtẹ ọ̀ ḅịḅị ikpopu, anịanịa ò ḅeri iningi, anịanịa ò ye ẹrịarị, anịanịa ọ̀ tọrụngbọ pụụn? Yẹrị KỊNỊNYANAḄỌ ḅe, anị mịẹ-a?

Paka-so 4:12

Anịẹrẹsị mịọkụ muu, anịsakị arị ị́ ḅịḅị mẹ na sime ḅa, tẹ ị́ kọn ḅẹ ẹkwẹn kẹ í toluma ḅa.”

Matiyo 10:19

Ini ọ́ kẹ ḅẹrẹkọn ḅo sakị, ọ́ ḅụụ-ḅalaḅala nyana ó ḍuko ḅẹ ye na, ọ́ kẹ anị ḍuko ḅẹ ḅara na pịrị ma; sakị mẹ la sakị ó ḍuko ḅarịye ịn kẹ ọ́ pịrị ḅa.

Matiyo 10:20

Kẹ gotẹ ọkọ ḅẹẹarị, ọ́ kọọn ḅarị ẹkwẹn mẹ ọmịna ḅara-kuḅu ḅẹ ye-a, ọmịna Ḍaḅọ ḅe Tẹmẹ ḅe ḅara mie ọ́ kọọn ḅarị ẹkwẹn mẹ ḅo ḅarịye, gbala ori ọmịna ḅụ ḅọrọtẹ ẹkwẹn-arị.

Luku 12:13

Gbọrụ tomḅọ nwẹnị tomina-ogbo mẹ ḅio Jizọsị ḅẹẹ, “Ye-tolumaḅọ, ḍuko ì iyimbere pịrị tẹ ọ̀ wamịna ḍaḅọ koroma-so wa pịrị ye mẹ kẹ ị́ na ḍie.”

Luku 21:15

gbala ẹkwẹn-aḅịḅị na nimi na tẹ yẹrị kẹ ọ́ pịrị ḅarịye mẹ ḅụ si kẹ ọ́ tọn apụ ma inetẹ ọmịna kuḅu sịẹ ḅịa.

Fịrịmẹnjịapụ 4:8

Tẹ Fịafịa Tẹmẹ ḅe Pita ḅụụ sọ ḅin ḅara ḅụ ọ̀ nwẹnị ịn pakịrị, “Ọmịnị tomi ma sịḅịdapụ na omongiapụ na,

Fịrịmẹnjịapụ 6:10

Kụma Tẹmẹ ḅe kẹ Sitivini pịrị nimi la ḅara ḅụ ori ẹkwẹn kụma ini inetẹ ò kuḅu sịẹ-a.

Fịrịmẹnjịapụ 7:55

Kụma Fịafịa Tẹmẹ ḅe Sitivini ḅụụ ḅio ḅin ḅara ḅụ ọ̀ nwẹnị tọrụ saakị so ḍiki tẹ Tamụnọ ebube ẹrị; ọ̀ pịkị Jizọsị ẹrịm ọ̀ Tamụnọ ama-ḅara anga sịẹ wararị.