Luku 12:1 - FỊAFỊA BAỊBỤLỤ

¹ Tomi ẹndẹ, ẹndẹ ma kobiri ḅin tẹ jụmọ-jụmọ ḅụọ ọgọnọ sịẹ ḅara sime tẹso, Jizọsị nwẹnị tarị ò ḍukamẹnjịapụ ma ḅẹẹ, “Ọ́ Farịsiiapụ ma ye sunmaye mẹ ḍiki ḅụụ-kịẹn, à fiearị ye anie, ịna mịẹ tomi ḍie amịẹaị ma.

Luku 12:1 Iomraidhean Croise

2 Amadapụ 7:17

Mịọkụ Izirẹlị ḅẹ amadaḅọ ḅe nwẹnị ori onyo-sẹịn ọmụ-alaḅọ ḅe tọn mịnẹ ori ogigo-ḅọkọ mẹ ḅẹ onyo-sẹịn; tomi ma nwẹnị ogigo-ḅọkọ mẹ ḅụ ori ọgọnọ ḅụ ọ̀ nanga-nanga ḅọrọ tẹ ọ̀ nwẹnị fịị, Tamụnọ tomḅọ ḅe wẹrịtẹ ọ̀ ḅẹẹ ḅara amadaḅọ ḅe ọ̀ fịrịma ọ̀ ḍọkụma-ḅo sakị.

Jobu 20:5

mịnẹ si-sịḅịḅio-sụaḅọ ḅe opu sọ mẹ kpụlụ wararị, anịsakị Tamụnọ nimi-a ḅọ ḅe ḅioḅẹlẹ mẹ boowa sakị ngẹrị anie anị kẹ simearị?

Jobu 27:8

Kẹ gotẹ ọkọ ḅẹẹarị, tiye Tamụnọ nimi-a ḅọ ḅe ḅiokpọ Tamụnọ ọ̀ pẹlẹ-siin sakị, Tamụnọ ọ̀ ḍumo ọkị so sakị?

Jobu 36:13

Ḅioḅẹngbọ ḅụ Tamụnọ nimi-a apụ ma ịganị ḅẹlẹmam; ịn ḅarasụa gotẹ owu-a ori ịn fịna sakị.

Ayịzaya 33:14

Zayọnị ḅẹ si-mịẹapụ ma tẹmẹ-naịn-naịn ḅụ oju-sẹkịarị. Ini mẹẹ, “Tamụnọ ḅẹrẹkọn kịkarị ye kọrị gbamasoarị fịnị. Wamịna ḅụ ọkọ kịka kọrị-fịnị ḅio sọ tẹ inetẹ fịị-a tẹ paka-ḅo ḅẹ ḅọ tụḅọ?”

Luku 11:44

Ọ́ tẹkẹlẹ tẹẹ! Ọ́ kịkarị ye anie kịnị arị emi ḅara nimiatẹ nanga ḅọrọarị aḍuḅu.”

Luku 12:56

Mịẹ tomi ḍie atomi! Ó so na kiri na ḍiki tẹ ene mẹ sime ḅẹ ḅara ḍukoarị, kụma tiye mịẹtẹ ọ́ mị sakị mẹ fiearị ye lekiri-a?”

Luku 5:1

Gbọrụ ene ḅụ, ḅụ Jizọsị Gẹnẹsarẹtị tọrụ akaka sịẹ wararị ogbo, tomi jụmọ-jụmọ sukuruma ma-mu ọ̀ lam, ịn Tamụnọ ẹkwẹn mẹ poki ḅẹ ḅara.

Luku 5:15

Kụma Jizọsị paa ereso ma-muarị, tẹ tomina-ogbo-ogbo ọ̀ dama-ḅo, tẹ ori ẹkwẹn naa tẹ pịkị ịna obi ḅụ gwọ ḅẹm.

Luku 6:17

Jizọsị fịrịmẹnjịapụ ma na tụndụ mẹ ọgọnọ koro ḅo lẹsẹrẹ-kiri la tẹso, anịanga ò ḍukamẹnjịapụ ḅẹ ja apụ ori na sịẹsimem. Tẹ gbọrụ opu tomina-ogbo, tẹ Judiya na, Jeruselemu na, pịkị Taya na Sayịdọnị na, anie tọrụ akaka ḅẹ opu ama ma, ḅụ ḅo apụ na;

Fịrịmẹnjịapụ 21:20

Ini ò poki tuma tẹso, inimgba Tamụnọ bomam. Anịtẹso ịn nwẹnị ḅẹẹ, “Mbire Pọlụ, ị́yẹrị sọ ẹrị tẹ ḅara Juu-ḅẹ-apụ ma kịẹnkịẹn-ọkụ-ofori ḅara kẹ Jizọsị minini apụ sọ tẹẹ, anịsọ ịn paa ịna Oloko mẹ ọlọ kụrọma wararị.

1 Kọrịntị 15:3

Yẹrị daa-ọkị ye mẹ mie à da-saḅama ọ́ pịrị ye, anie kpọma ḍuko ḅẹ ọkụ ofori ḅara kẹ iḅiọkụ yela wararị ye mẹ: mịnẹ Kịrayịsị wamịna asi gotẹ fịịm, Fịafịa Ḍiri mẹ ḅio anị kẹẹ koro ḅara ḅụ;

Hiburu 12:22

Anie nakara, ó ḅo la anga anie Zayọnị Tụndụ, ḍumo wararị Tamụnọ ḅe opu ama mẹ So-ḅio ḅẹ Jeruselemu mẹ, tẹ kịẹnkịẹn-ọkụ-ofori enjẹlị ogbo emi anga mẹ.

Jemụsị 3:17

Kụma, arịmgba ḅụ tarị ye, So-ḅio ḅo nimi mẹ anị wamaye nyana-a, anị pịkị dein wararị, gbene, pịkị ikia kẹ kịnị ḍọkị na; ọkụrụkụrụ anị ḅụ ḅin wararị, tẹ anị pakama ḅoarị mgbọlụ anie iḅi amịẹaị; ḅẹrẹ kẹ ḅioḅẹngbọ sụa wẹrị na, mịẹ tomi ḍie na anị nwẹn nyana-a.

1 Pita 2:1

Ọkọẹrẹsị, ó siye goyegoye ḅụ ḅụụ ḅelemaa; ọ́ ḅarị iruo ma, anịanịa tomina tọrụ iḅi ọkị ḅẹ ḅara mịẹ, anịanịa afana, anịanịa ja apụ mịẹ sima ẹkwẹn kọn, mịẹ ma.