Luku 11:9 - FỊAFỊA BAỊBỤLỤ

⁹ “Ọkọẹrẹsị àrị ọ́ ḅẹẹarị, ó ḅii, ọmịna ḅara la ḅa, ọ́ ḍọkịị, ọmịnị ẹrị ḅa, ọ́ ḅakụụ, ịn ḅọkọ mẹ finji ọ́ pịrị ḅa.

Luku 11:9 Iomraidhean Croise

Devidi-Anume 118:5

Ì opu tọrụsiẹrị ḅụ à KỊNỊNYANAḄỌ ḅe sịnm; ori ị̀ ḅịḅị ọkị tẹ ị̀ pakama-ḅom.

Devidi-Anume 27:4

À KỊNỊNYANAḄỌ ḅe ḅara ḅụ gberie ḅii tẹ; anị kpọkpọ gberie mẹ mie arị ịgbanịarị: anie, ì ḍumo-ene mamgba kẹ KỊNỊNYANAḄỌ ḅe warị mẹ ḅio anga, anị yọ ḅụ ori iḅi ḍikiḍiki ḅụ ḅụụ-bua, tẹ ọ̀ ḅara datụkụma ḅii.

Devidi-Anume 27:8

Ị́ “Ḅo sunsin ị̀ pịrịị” ḅẹẹ sakị: à pakịrịm, “KỊNỊNYANAḄỌ, à ḅo ḅa.”

Devidi-Anume 34:10

Ọkụkụ ma sọ fị ḅẹ ye nyana-a tẹ ḅuru ịn tarịarị: kụma KỊNỊNYANAḄỌ ḅe ḅịḅị pokiarị apụ ma iḅiye tẹ ịn nyana ḅịa ye ofori.

Devidi-Anume 34:4

À KỊNỊNYANAḄỌ ḅe tẹkẹm, tẹ ori ị̀ pakịrịm: ị̀ ḅalafamarị aị mamgba ḅio ori ị̀ pakama-ḅom.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Sọlọmọnị Ḅẹlẹtẹịn Nume 5:6

À ḅọkọ mẹ finji ị̀ ḅẹlẹmaḅọ pịrịm, kụma ọ̀ mẹnjị so tẹẹ. À kpọma ọ̀ pọkọ naa ḅẹ ḅiim! Àrị ọ̀ ḍọkịm, kụma arị ọ̀ ḍọkị ẹrị-a, arị ọ̀ sịnm, kụma à pakịrị ḅịḅị naa-a.

Ayịzaya 45:19

Amụ à ḅọị anga ẹkwẹn-a anịanịa à mịẹ ḅẹ ye kikima. Amụ arị Izirẹlịapụ ma ḅara ḅii-a, mịnẹ ịn kịnị ofori yọ mẹ ḅụ ị̀ ḍọkị. Yẹrị anie KỊNỊNYANAḄỌ ḅee, tẹ karakara mẹ ḍukoarị; à mịẹ tẹ kịnị kuraye nimiarị.

Jerimaya 29:12

Anịtẹso ọmịnị ị̀ sịn ḅa. Ó ḅo tẹ ị̀ tẹkẹ ḅa, tẹ arị ọ́ pakịrị ḅa.

Jerimaya 33:3

Ị̀ sịịn, anịsakị àrị ị́ pakịrị ḅa. À ḅụụ-buama-aị na ḅụụ-gbiripuma-aị na tẹ ị́ arịḅẹ gberie-sọ nimi-a ḅẹ aị ḍuko ị́ pịrị ḅa.

Danẹlị 9:3

Tẹ à kpọma tẹmẹ-la ḅara kẹ KỊNỊNYANAḄỌ Tamụnọ ḅe tẹkẹm, ye sime-ḅara kẹ ori na ẹkwẹnmarị, ḅuru-ịmọarị, akpa ḅiriarị, pịkị fọọn ḅio lẹgịarị.

Matiyo 21:22

Ó minini nyana kụma, tẹkẹ ḅụ ó ḅii ye, ḅii ye ọmịna ḅara la ḅa.”

Matiyo 21:31

Mịna maa apụ ma ḅụ tụḅọ amịna ḍaḅọ ḅii ḅara mịẹ?” Ịn nwẹnị pakịrị, “Omongiḅọ ḅee.” Mie ḅụ Jizọsị ịn ḅẹẹm, “À ḍuko ọ́ pịrịarị: ama-igbigi da apụ ma na, ama-mẹnjị-ereme ma na ọ́ ḅọrọ tẹ tarị mu Tamụnọ Ama-da mẹ suku-ḅio simearị atomi sọ ḅa.

Matiyo 6:29

Kụma yẹrị ọ́ ḅẹẹarị, mịnẹ Ama-da Sọlọmọnị, ọ̀ kọn sara ngọ mamgba ḅụ sọ, ọ̀ sụa kapa amụ iḅi mịna afịlawa ma na gbasị-a.

Makị 11:24

Miemẹ gotẹ à ḍuko ọ́ pịrịarị; ọ́ tẹkẹ tẹ Tamụnọ ḅara ye ḅiiarị sakị ḅụ, ó mininii mịnẹ anị ọmịna ḅara la tẹ, anịsakị ó ḅii ye, ḅii ye Tamụnọ kẹ ọ́ pịrị ḅa.

Makị 13:37

Ọkọẹrẹsị à ḍuko ọ́ pịrịarị ye mẹ, à ḍuko inweni-mgba pịrịarị: Ọmịnị ẹbịị!”

Luku 11:10

Ḅii ḅọ, ḅii ḅọ mḅọ ḅara la ḅa; ḍọkị ḅọ, ḍọkị ḅọ ẹrị ḅa, tẹ ịn pịkị ḅọkọ mẹ finji ḅakụ ḅọ, ḅakụ ḅọ pịrị ḅa.

Jọnị 14:13

Tẹ ọmịnị ị̀ ẹrẹ ḅụ ḅii ye, ḅii ye à mịẹ ọ́ pịrị ḅa, mịẹtẹ tomi Tụḅọ ḅe ḅụ ḅọrọ tẹ Ḍaḅọ ḅe ebube mẹ ẹrị ḅẹ ḅara.

Jọnị 15:16

Ọmịnị ị̀ sẹlẹ-ọkị-a, yẹrị rẹ ọ́ sẹlẹ-ọkị tẹ tọnm mịnẹ ó mu mgbọlụ sụa lama, anie sime ene la ḅarị mgbọlụ. Mie ḅụ ọmịnị ị̀ ẹrẹ ḅụ ḅii ye, ḅii ye, Ḍaḅọ ḅe anị kẹ ọ́ pịrị ḅa.

Jọnị 15:7

Ọmịnị ị̀ ḅụụ ḅio emi tẹ ị̀ ẹkwẹn mẹ pịkị ọmịna ḅụụ ḅio emi ḅẹḅẹ ọmịna ḅụụ-ḅẹlẹ tẹ ó ḅii ye, ḅii ye ọ́ nyana ḅa.

Jọnị 4:10

Jizọsị nwẹnị pakịrị, “Ị́ nwẹnị Tamụnọ kẹ tomi pịrị, pịrị ye na, ị́ ḅara minji mẹ ḅiiarị ḅọ ḅe na nimi namịna, mimgbe rẹ mie ọ̀ ḅara ị́ ḍumo-pịrịarị minji ḅii ọkị ḅarịye.”

Romu 2:7

Japụ sakị mamgba mịẹtẹ iḅi ẹrẹ na, kụn na sime gbamaso ḍumo na sime ịn pịrị ḅẹ ye ḍọkịarị: sime gbamaso ḍumo anie Tamụnọ pịkị kẹ ịn pịrị ḅarị ye.

2 Kọrịntị 6:2

Ọ́ Tamụnọ ḍukoarị ye naa: “Àrị iḅi kẹ ọ́ mịẹ ḅẹ sakị la sakị, arị ọ́ naam; arị ọ́ ḅọrọma ḅẹ ene mẹ ḅụ, à ḅarasụa ọ́ pịrịm.” Ó pokii! Mie Tamụnọ iḅi kẹ wa mịẹ ḅẹ sakị mẹ; mie ọ̀ wa ḅọrọma ḅẹ ene mẹ!

Hiburu 11:6

Minini nyana-a tomḅọ inetẹ Tamụnọ ḅụụ-ḅẹlẹ ye mịẹ ḅịa, kẹ gotẹ ọkọ ḍukoarị, Tamụnọ ḍọkụma-ḅoarị ḅọ, ḅoarị ḅọ minini ḅa mịnẹ ori emi, tẹ gbẹẹ-ye kẹ ò nimi ḅẹ ḍọkịarị apụ pịrịarị.

Hiburu 4:16

Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

Jemụsị 1:5

Kụma ọmịna ḅụ nimi nyana-a ḅọ emi-emii, mḅọ Tamụnọ tẹkẹẹ, ori anị kẹ mḅọ pịrị ḅa; kẹ gotẹ ọkọ ḍukoarị, Tamụnọ anie tọn-a ḅara na ḍiki-ḅụụjịrị nyana ḅara na kẹ ye kẹ kịnị mamgba pịrịarị ye.

Jemụsị 5:15

Mie minini ḅụ kọn tẹkẹ mẹ obiḅọ mẹ gwọ ḅa; KỊNỊNYANAḄỌ ḅe mḅọ kẹ ḅo oju kụrọtẹ ḅọ mịẹ ḅa, tẹ mḅọ mịẹtẹ asi ma wẹrịso mḅọ pịrị ḅa.

1 Jọnị 3:22

Wa ọ̀ ḅara ḅii ye, ḅii ye wa nyanarị, wa ọ̀ ḅịḅị poki tẹ, ori oloko koko tẹ ò ḅioḅẹlẹmarị ye mịẹarị ẹrẹsị.

Mịẹfinji 2:24

“Kụma ọmịnị Tayatira ḅụ kirikọn-apụ ma tẹ amụ mị si tolumaye mẹ ḍukamẹnjị-a apụ; osi-apụ ma kẹ ‘Ekwesu pokolotẹ ḅọị aị sịn-arị aị ma amụ ọ́ ḍawọ-a.’ Àrị ọ́ ḅẹẹarị mịnẹ à jen ikuye kẹ ó ponoma ḅịa.