Luku 11:8 - FỊAFỊA BAỊBỤLỤ

⁸ Ọkụma ndẹẹ anị sime ḅẹ ḅara? À ḍuko ọ́ pịrịarị, ọmịnị maa apụ ikia mẹ gotẹ ọ̀ saakị tẹ fịturu mẹ kẹ ị́ pịrị-a sọ, ị́ ḅụụ-jịrị-a tẹ ḅii, siin ḅiiarị ye mẹ ẹrẹsị ọ̀ saakị tẹ í ḅiiarị ye la ḅara, la ḅara kẹ ị́ pịrị fama ḅa.”

Luku 11:8 Iomraidhean Croise

Suku-saakị 32:26

Anịtẹso owiḅọ ḅe nwẹnị ḅẹẹ, “Ị̀ wẹrịso à so, gbala ene mẹ finjiarị.” Kụma Jekọbụ nwẹnị pakịrị, “Ị́ ì boma-a sime-ogbo, à ḍụkụ tẹ í so ḅịa.”

Luku 11:7

Kẹ ọkị mịnẹ í ikiaḅọ ḅe warị ḅioju sime tẹ pakịrị ḅa, ‘Ị̀ ḅụụ fụkama ma! Ḅọkọ ịkasị kụra-ḅio iḅerea, tẹ ị̀ awọmẹ na ị̀ na monoarị. Àrị inetẹ saakị tẹ kẹ ị́ pịrị ḅẹ gberie-sọ ofori.’

Romu 15:30

Sisi, mịnapụ, wa Nyanaḅọ Jizọsị Kịrayịsị ḅe ḅụ na, Tẹmẹ ḅe pịrịarị ḅẹlẹma mẹ na ḅụ, ọ́ paa ị̀ na sọ tẹ tẹmẹ-la ḅara kẹ Tamụnọ tẹkẹ ị̀ pịrịị.

2 Kọrịntị 12:8

Tẹra sakị à nwẹn kẹ KỊNỊNYANAḄỌ ḅe tẹkẹm, ọ̀ paa anị saakị sin.

Kọlọsị 2:1

Yee à ḍuko ọ́ pịrị, arị ọmịnị na, Lahodisiya ḅẹ apụ na, osi apụ mamgba na tẹ amụ ị̀ tọrụkuḅu ẹrị-a apụ ma, à kọrị ọ́ pịrị tẹ kọrịnama mẹ kụrọ la ḅara.

Kọlọsị 4:12

Ẹpafarasị sọ ó ḅiim; ori anie pịkị ọmịna ogbo mẹ ḅẹ jụmọ, tẹ fịrịmẹnjị Kịrayịsị Jizọsị pịrịarị ḅọ. Sakị mamgba ọ̀ tẹmẹ-la ḅara kẹ tẹkẹ ọ́ pịrịarị, Tamụnọ ḅara ḅiiarị mịnẹ ọ̀ mịẹtẹ ọ́ sịẹ-kụrọ, mịẹarị ye nimi tẹ ḅioḅẹngbọ mẹmgba kẹ minini tẹ Kịrayịsị ḍukamẹnjịapụ ḅara, tẹ busunu tẹ ḅara kẹ Tamụnọ ḅịḅị poki, tẹ ó ḅii ye mịẹ.

Ḅẹrẹkọn-apụ 14:17

Sọnọma aḍin ma tẹ ịna kopini afịaị mẹ ọkị sakị mẹ ḅụ á tẹmẹ-la ḅara kẹ ọ̀ tọrọkọ owum tẹ sọnọma aḍin karama ene mẹ ḅụ ọ̀ nwẹnị ḍuko á pịrị gbala árị ọ̀ ḅụụ-fụkama kụrọmam ẹrẹsị. Anịtẹso á nwẹnị sịḅịḅio pikirima ḅii-ḅịḅị mẹ ḍuko arị ama ḅẹ apụ pịrị.

1 Samụẹlị 1:12

Árị KỊNỊNYANAḄỌ ḅe tọrọkọ tẹkẹ tọrọkọ-tọrọkọ muarị sakị, Ịlayị á ḅịḅị ḍiki tẹ kẹ elekima sụarị.