Luku 11:7 - FỊAFỊA BAỊBỤLỤ

⁷ Kẹ ọkị mịnẹ í ikiaḅọ ḅe warị ḅioju sime tẹ pakịrị ḅa, ‘Ị̀ ḅụụ fụkama ma! Ḅọkọ ịkasị kụra-ḅio iḅerea, tẹ ị̀ awọmẹ na ị̀ na monoarị. Àrị inetẹ saakị tẹ kẹ ị́ pịrị ḅẹ gberie-sọ ofori.’

Luku 11:7 Iomraidhean Croise

Sọlọmọnị Ḅẹlẹtẹịn Nume 5:3

À ḅịtẹ siin famatẹ anịsakị, ndẹẹ à pịkị ḅịtẹ ịnwaịn tẹ kapa sụa ḅẹ ḅara? Arị ị̀ aḅụọ sịkịrị fịafịamatẹ, ndẹẹ à pịkị siin arị ḅụrụma ḅẹ ḅara?

Matiyo 25:10

Anie ḅụ ye-nimia-apụ ma nwẹnị pulo mẹ fẹẹ ḅẹ mu; tẹ in mu wararị ogbo ere-ịyaḅọ ḅe nwẹnị ḅo la. Tẹlẹma sime wararị sọnọ ereme ma nwẹnị ori na so ere-ịya-alalị mẹ fị ḅẹ warị mẹ ḅio mu, tẹ nwẹnị ḅọkọ mẹ gbaịn.

Luku 11:6

Ì ikiaḅọ gbọrụḅọ ye-muarị tẹ mịọkụ ḅo ị̀ warị agba wararị, tẹ à kẹ ọ̀ pịrị fị ḅẹ gbọrụ fịye sọ à nyana-a!’

Luku 11:8

Ọkụma ndẹẹ anị sime ḅẹ ḅara? À ḍuko ọ́ pịrịarị, ọmịnị maa apụ ikia mẹ gotẹ ọ̀ saakị tẹ fịturu mẹ kẹ ị́ pịrị-a sọ, ị́ ḅụụ-jịrị-a tẹ ḅii, siin ḅiiarị ye mẹ ẹrẹsị ọ̀ saakị tẹ í ḅiiarị ye la ḅara, la ḅara kẹ ị́ pịrị fama ḅa.”

Luku 13:25

Warị nyanaḅọ ḅe saakị tẹ ọ̀ ḅọkọ gbaịn ḅa; anịsakị ọmịnị etela sime apụ ma ḅọkọ mẹ ḅakụ tẹ ḅẹẹ ḅa, ‘Wanyanaḅọ ḅọkọ mẹ finji wa pịrịị!’ Ori ọ́ pakịrị ḅa, ‘Àrị ó ḅo anga nimi-a!’

Luku 7:6

Mie ḅụ Jizọsị nwẹnị ini na mu. Ọ̀ warị mẹ la ḅẹ-yearị ogbo, ọmụ-alaḅọ ḅe ikia apụ, tẹ ọ̀ fịrịma apụ nwẹnị ḅo Jizọsị la, tẹ ọ̀ kẹ ịn fịrịma fịrị mẹ ḍuko ọ̀ pịrị, mịnẹ, “Ị̀ Nyanaḅọ, ị́ ḅụụ fụkama ị̀ pịrị ma. Ị̀ warị í pembema ḅọ da su la-a,

Galesiya 6:17

Gbaịn ḅụ: yee gbọrụḅọ-sọ ḅarị jen ḅụụ-fụka kẹ ị̀ pịrị ma; kẹ gotẹ ọkọ ḍukoarị, ì oju mẹ ḅẹ ịnọ akiri ma ḍie-pakamarị mịnẹ yẹrị Jizọsị omoniḅọ.