Luku 11:53 - FỊAFỊA BAỊBỤLỤ

⁵³ Jizọsị anịanga koroma so tẹso, Oloko toluma apụ ma na Farịsiiapụ ma na nwẹnị saakị akụ tẹmẹ ḅụ ò ḍuko aị ma na tụḅụrụ, tẹ nwẹnị kịrị-kịrị aị kẹ ò ḅii,

Luku 11:53 Iomraidhean Croise

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Luku 11:52

“Ọmịnị Oloko toluma apụ, ọ́ tẹkẹlẹ tẹẹ! Kẹ ḅọkọ finji tẹ nimi warị mẹ sọ ḅẹ sambị mẹ ọ́ ḅọị tẹ, ọmịnị ḅioju sọ sọ-mu ḅịa, ọ́ pịkị ḅụụkụrọma tẹ sọ-mu ḅẹ apụ kikiarị!”

Luku 11:54

tẹ ini inetẹ ḅara, inetẹ ḅara kẹ ò tuu ḍiki ọ̀ ḅịḅị siye paka-ḅo ḅarị ḅoto.

Luku 20:20

Miemẹ ḅụ ịn nwẹnị ini na-iḅi ḅẹ sakị ḍọkị. Ini ọḅụ kẹ ja atomi pịrị fịm mịnẹ ini ịna ḅụụ kẹ ó ḍukamẹnjịarị karakara atomi elekima, tẹ ini ịn kẹ fịrịma tẹ in mu ọ̀ ḅịḅị ḅụ ye naa ḅo, tẹ ịn kẹ ọ̀ kẹ Romu ḅẹ Ḅẹrẹtọnḅọ ḅe opu kụrọ ḅara-ḅio suu ḅẹ ḅara, kịrị-kịrị aị kẹ Jizọsị gbela ḅụ.

Luku 20:27

Anịtẹso Sadusii ḅẹ ja apụ, anie fị-ḅụ-saakị minini-a apụ ma, nwẹnị ḅo Jizọsị la tẹ ḅẹẹ,

Fịrịmẹnjịapụ 26:9

“Yẹrị ḅioju sọ àrị inetẹ ḅara, inetẹ ḅara mịẹ tẹ Nazarẹtị ḅẹ Jizọsị ḅe mẹnjị mẹ dasịẹma ḅẹ ḍọkịm.

1 Kọrịntị 13:5

ḅẹlẹma ḅụ si ye-mịẹ-ḅara, anịanịa tọrụ-kpọ, anịanịa ḅụụ-sịnịsịnị ofori; ḅẹlẹma pịkị si kẹ ḅioḅẹngbọ sụa kịnị pịrị pịrị-a;

2 Kọrịntị 8:6

Mie ḅụ, wa ḍuko kụrọma Tayịtọsị, mị ḅẹlẹma karakara kọrịnama mẹ saakị ḅọ ḅe pịrịm, mịnẹ ọ̀ ḅara sin ma tẹ ḅarasụa ọ́ pịrị tẹ ọ́ kọrị fama.