Luku 11:49 - FỊAFỊA BAỊBỤLỤ

⁴⁹ Miemẹ gotẹ Tamụnọ amịna Nimi ḅụ ḅẹẹm, ‘Àrị ịkịankoroapụ na oku-mẹnjịapụ na kẹ fịrịma ḅa; ini ịna ḅụ ḅẹ ja apụ ḅaa ḅa, tẹ pịkị ḅaa-ḅọkọ kẹ ja apụ ḍọkị ḅa.’

Luku 11:49 Iomraidhean Croise

Jerimaya 7:25

Àrị Ijiputi ḅụ ọmịna elemu aḍapụ ma pakama-ḅo ene ọkị-ḅo mịẹ gbọrụ ene mẹ la, àrị ị̀ fịrịmẹnjịapụ ịkịankoroapụ ma kẹ ọ́ fịrịma-fịrịma-fịrịmarị.

Matiyo 22:6

tẹ osi apụ fịrịmẹnjịapụ ma kun fomu tẹ ịn ḅaam.

Luku 11:48

Ọmịnị ḅara na minini tẹ mịnẹ ọmịna atẹngịapụ ma mịẹ aị ma ọmịna ḅụụ-ḅẹlẹm; ini ịkịankoroapụ ma ḅaam, ọmịnị ịna aḍuḅu ma tẹlẹmam.

Luku 24:47

tẹ ori ẹrẹ ḅụ in si ḅụ pịkị na, si-wẹrịso na oku mẹ ḍuko sịẹ mamgba pịrị ḅa, Jeruselemu ḅụ saakị.

Jọnị 16:2

Ama-awarị ma ḅio ini ó dee pakama ḅa, tẹ sakị ḅo ḅa, tẹ ọ́ ḅaa ḅọ, ḅaa ḅọ ọkị ḅa mịnẹ mḅọ mie mịẹarị ye ḅụ mḅọ fịrịmẹnjị Tamụnọ pịrịarị.

Fịrịmẹnjịapụ 1:8

Kụma Fịafịa Tẹmẹ ḅe ḅo ọmịna ọgọnọ gbana sakị, kụrọ ọmịna ḅụụ ḅio ḅin tẹ, ó Jeruselemu ḅụ na, Judiya ḅụ na, Sameriya ḅụ na, bebe tomikiri mẹ ḅụ na ị̀ ḅụụ ḅẹ aḅẹrẹ ma ḍuko-ḍuko tomi pịrị ḅa.”

Fịrịmẹnjịapụ 11:27

Anị sakị mẹ ḅụ ja ịkịankoroapụ Jeruselemu ḅụ sime tẹ Anịtọkụ mẹ ḅom.

Fịrịmẹnjịapụ 22:20

Tẹ ini ị́ ḅẹrẹ-kiri sime-ḅọ Sitivini ḅaa sakị à ḅarana sime tẹ ini ọ̀ ḅaa ye mẹ mininim, tẹ yẹrị anie pịkị ọ̀ ḅaa apụ ma akapa ḍikiḍiki ye.’

Fịrịmẹnjịapụ 7:57

Sịẹ-Kobiri mẹ ḅẹ apụ ma nwẹnị oloku pakama tẹ ḅara kẹ ịna aḅeri gbaịn. Anịtẹso, gbọrụ ḅụ ḅụ, inimgba anị-gbọrụ-kirikiri mangị mu ọ̀ lam,

Fịrịmẹnjịapụ 8:3

Kụma Sọlụ mịẹ tẹ sọsị mẹ fama ḅẹ ḅara ḍọkịm gotẹ ọ̀ warị-warị sọ-sọ tẹ Jizọsị minini apụ ma, owiapụ na ereme na, kun kun ikoli suum.

1 Kọrịntị 1:24

Anịsọ, Juu-ḅẹ-apụ ma na, Ja asịẹ ḅẹ apụ ma na ḅụụ, Tamụnọ sịn ọ̀ ḅụụ pịrị tẹ apụ ma ḅụ, mị ẹkwẹn mẹ anie, Kịrayịsị anie Tamụnọ kụrọ, pịkị Tamụnọ ye-nimi mẹ.

1 Kọrịntị 1:30

Kụma Tamụnọ ọ́ kẹ ḅo Kịrayịsị Jizọsị na gboloma tẹ, Tamụnọ Kịrayịsị kẹ wamịna nimi sọma tẹ. Ọ̀ ḅụụ ḅụ wa pịkị ḅo Tamụnọ na kura apụ sọ tẹ, pịkị Tamụnọ fịafịa atomi, tẹ ḅo si omoni ḅara-ḅio ofori apụ sọ tẹ.

Ẹfisọsị 4:11

Ori anie “ḍiepịrị-aị kẹ tomi pịrị ḅọ ḅe”; ọ̀ ja apụ tọnm ịn fịrịmẹnjịapụ sọọ, osi apụ ịkịankoroapụ, osi apụ iḅi-oku mẹ ḍuko wasama apụ, osi apụ Agbamịẹapụ na ye-tolumapụ na.

Kọlọsị 2:3

Ori anie sambị mẹ tẹ ịn kẹ Tamụnọ kikima wẹrị wararị ngọ mamgba ḅẹ warị finjiarị ḅọ, anie nimi na, ye ḍawọ ḍin na, tẹ ọ̀ ḅụụ ngẹrị ḅụ simearị aị ma.

Mịẹfinji 16:6

Ịn Tamụnọ atomi ma na, ịkịankoroapụ ma na, ọmbie ọsụmam ẹrẹsị, mịọkụ ị́ ọmbie kẹ ịn pịrị tẹ in ḅuu tẹ. Ịn la na-iḅi fomu-ḅara mie ịn la ye.

Mịẹfinji 18:20

So, ḅioḅẹlẹẹ, á fa tẹ ye mẹ gotẹ! Ọmịnị Tamụnọ atomi na, fịrịmẹnjịapụ na, ịkịankoroapụ na, ó ḅioḅẹlẹẹ! Kẹ gotẹ ọkọ ḍukoarị, Tamụnọ á kẹ ọ́ mịẹ-aị ma ḅẹ ḅẹrẹ pẹlẹ á ḅara sima tẹ!