Luku 11:43 - FỊAFỊA BAỊBỤLỤ

⁴³ “Ọmịnị Farịsiiapụ, ọ́ tẹkẹlẹ tẹẹ! Ama-awarị ḅio iḅi lẹgị anga sikima ọ́ pịrị, na ogumaḅiri ḅụ kụn ḅara kẹ ọ́ sịn na anie ọmịna ḅụụ ḅẹlẹ-ḅẹlẹ ye.

Luku 11:43 Iomraidhean Croise

Egberima-Ẹkwẹn 16:18

Ḅụụ-gelema tomḅọ ḅọrọma mu gulugulu fịị ḅio suu-suum, tẹ opu ẹkwẹn tomḅọ ḅịkịma gbereima koroma-koromam.

Matiyo 11:16

“Mịọkụ ye wẹrịtẹ simearị ḅara ḅụ, à ḅọrọ tiye kẹ mị sakị mẹ ḅẹ apụ ma tọnma ḅẹ? Ịn kịkarị ye anie ogumaḅiri ḅụ lẹgị wararị awọmẹ. Gbọrụ ogbo oloku osi apụ pịrị tẹ ḅẹẹarị,

Luku 20:46

“Ọmịnị Oloko toluma apụ ma ḍiki ḅụụ kịẹn. Ịn ḍọkịarị ye jen-a, nangwọtẹ opu akapa sụa tẹ mẹnjịma ḅọrọ na, ogumaḅiri ḅụ tomi kụn ḅara kẹ sịn-ḅịḅị kẹ ịn pịrị na, ama-awarị ḅio lẹgị anga sikima ịn pịrị na, fịye kiri iḅitẹịn anga ḍọkị na sikima.

Romu 12:10

Ọ́ karakara Kịrayịsị ḍukamẹnjị amịnapụ ḅẹlẹma nyana jụmọ-jụmọ pịrịị, tẹ ḅio-sẹsẹ ḅụ jụmọ-jụmọ balaa.

Filipayị 2:3

Ó tomikiri ḅẹ opu ḍọkị ḅụụ pịrị gotẹ gberie-sọ mịẹ ma; anịanịa papaa ḅụụ-boma tẹmẹ sọ ọ́ nyana ma, kụma ọ́ ḅụụ iderima jụmọ-jụmọ pịrịị, tẹ sakị mamgba ja apụ ọkị ọmịna aḅụụ nẹngịmaa.

3 Jọnị 1:9

À kpụlụtẹ ḍiri kẹẹ tẹ kẹ sọsị ḅẹ apụ ma fịrịmam, kụma Diyotẹrẹfisi, amịna ḅụụ kẹ sịḅịdaḅọ sọma ḅẹ ḍọkịarị ḅọ ḅe, à ḍuko ye kẹ ye-sịn ḅẹ ḅii-a.