Luku 11:41 - FỊAFỊA BAỊBỤLỤ

⁴¹ Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 11:41 Iomraidhean Croise

Devidi-Anume 112:9

Mịẹḅẹ-ọkụ-ofori apụ ma ḅara sarasara ḅara mie ọ̀ kẹ ye kẹ ịn pịrịarị, tẹ ori iḅi-yemịẹ-ḅara mẹ gbarị-gbarị-a; ọ̀ kụrọ nyana ḅa, tomi pịkị ọ̀ mangịma ḅa.

Devidi-Anume 41:1

Igoin-apụ ma balarị apụ ma ḅioḅẹlẹ sime ịn pịrịm; KỊNỊNYANAḄỌ ḅe ḅarasụa ịn pịrị ḅa, ḅụụ-fụka ịn la sakị.

Egberima-Ẹkwẹn 14:31

Í igoin-apụ ponomarị ḅẹḅẹ, ị́ ịn tẹmẹ Tamụnọ ḅe mịẹ-simarị; kụma í iḅi kẹ igoin-apụ mịẹarị mẹ anie í sunsin Tamụnọ pịrịarị.

Egberima-Ẹkwẹn 16:6

Sịḅị-tuu tẹ pịkị ḅioḅẹngbọ kẹ ḅụụ ḅụ gbana na-iḅi ḅara simee, tẹ Tamụnọ í si-wẹrịso ḅa. KỊNỊNYANAḄỌ ḅe ḅịḅị pokii, anịsakị gbọrụ siye sọ ị́ ḅụụ paka ḅịa.

Egberima-Ẹkwẹn 19:17

Í ye kẹ igoin-apụ pịrịarị sakị anị kịkarị ị́ ye Tamụnọ ḅọlọarị, tẹ KỊNỊNYANAḄỌ ḅe anị kẹ ị́ gbẹẹ ḅa.

Danẹlị 4:27

Ọkọẹrẹsị, Gburo-gburo Opuḅọ, à kẹ í ḅeri nụnụ ḅarịye mẹ daa-ọkị. Ḅarị si mịẹ ma, karakara ye mịẹẹ, tẹ ḍiki-ḅụụjịrị nyana igoin-apụ pịrịị. Anịsakị í lolo tọrọkọ-tọrọkọ mu ḅa.”

Matiyo 26:11

Sakị mamgba ọmịnị igoin-apụ nyana ḅa, kụma sakị mamgba ọmịnị ị̀ nyana ḅịa.

Matiyo 5:42

Tomḅọ ḅo ị́ ḅara ye ḅii, ḅii mḅọ pịrịị; gbọrụḅọ ị́ ḅara ye ḅọlọ ḅẹ-ḅiiarị ḅẹḅẹ kẹ mḅọ ḅọlọọ.

Makị 7:19

anị mḅọ ḅioḅẹngbọ sọ-mu-a ẹrẹsị, kụma mḅọ furo ḅio mie anị sọ-muarị, tẹ sọ-mu mḅọ oju ḅio paka-soarị.” (Miemẹ ḍuko ḅụ, Jizọsị ḍuko pakama tẹ mịnẹ fị-fịaị mamgba fị na-iḅim.)

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 16:9

Tẹ Jizọsị nwẹnị paa ẹkwẹn tọrọkọ mu, “Ọkọẹrẹsị à ḍuko ọ́ pịrịarị, ó tomikiri ḅẹ ngọ mẹ kẹ ikia ọlọ ḅụụ pịrịị, mịẹtẹ anị ḅarị ọmịna ḅara ofori sakị ini ọ́ da sime-gbamaso warị ḅio suu ḅarị ḅara.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 19:8

Zakịyọsị nwẹnị saakị sịẹ tẹ KỊNỊNYANAḄỌ ḅe ḅẹẹ, “Ị̀ nyanaḅọ, ì pokii! À nyana aị mamgba à kẹ maa anga ḍie tẹ gbọrụ anga kẹ igoin-apụ pịrị ḅa, à pịkị inoma ḅara kẹ ḅara ḅụ ye ọkị ḅọ emi-emii àrị anị ḅẹ inia akiri kẹ mḅọ gbẹẹ ḅa.”

Fịrịmẹnjịapụ 10:15

Pọkọ mẹ nwẹnị sin ẹkwẹn ọ̀ pịrị, “Tamụnọ mịẹ fịafịama tẹ ye kẹ fịafịa-a ye sịn ma.”

Fịrịmẹnjịapụ 11:29

Jizọsị ḍukamẹnjịapụ ma tọn-pẹlẹm mịnẹ ịna ḅụ ọrụḅọ-ọrụḅọ mḅọ inetẹ ḅara kẹ ye kẹ sẹma tẹ ịn kẹ ḅarasụa Judiya ḅụ sime Jizọsị minini apụ ma pịrị ḅa.

Fịrịmẹnjịapụ 24:17

“À Jeruselemu la-a ala tẹ ḅara ḅụ à mu igbigi kẹ ị̀ ama ḅẹ apụ ma pịrị, tẹ pịkị agbamịẹ ḅẹ tẹ mum.

2 Kọrịntị 8:12

Ọ́ pịrị ḅẹ tẹ ḅio-sẹsẹarị ḅẹḅẹ, Tamụnọ pịkị ọ́ nyana tẹ pịrị ḅẹ-ḅiiarị ye mẹ daa-ọkị ḅa, ọ́ nyana-a ye ḅụ-a.

Ẹfisọsị 4:28

Furu-furuḅọ ḅarị furu ma, tẹ saakị kọrịnama kọrịị, mịẹtẹ mḅọ karakara ḅọkọ ḅụ mḅọ kẹ amịna ḅụụ ḍikiḍiki ḅẹ ye nyana tẹ pịkị inetẹ ḅarasụa igoin-apụ pịrị ḅẹ ḅara.

Tayịtọsị 1:15

Fịafịa wararị apụ ḅụ ye goyegoye fịafịam; kụma pilematẹ, minini nyana-a apụ ḅụ, gberie-sọ fịafịa-a, kẹ gotẹ ọkọ ḍukoarị, ịna akuroma na, ịna tẹmẹ aḅioḅẹngbọ na pilema tẹ.

Hiburu 13:16

Iḅi mịẹ na, ḅarasụa jụmọ-jụmọ pịrị na mẹ ọ́ kẹ ḅioḅọrọma ma, kẹ gotẹ ọkọ ḍukoarị, mịna agba aḅara ma mie Tamụnọ ḅụụ-ḅẹlẹarị ye.

Hiburu 6:10

Tamụnọ ò tomḅọ la kiri kẹ mḅọ pịrị-a so so-a. Ọ́ kọrị ọ̀ pịrị kọrịnama mẹ ọ̀ kẹ ḅioḅọrọma ḅịa, anịanịa ò gotẹ ọ́ nyana ọmịna pembema Kịrayịsị ḍukamẹnjịapụ pịrị ḅẹlẹma mẹ, anie ḅarasụa ịn pịrị ḅụ ó ḍie pakama ye mẹ, tarị tarị ọ́ mịẹ tẹ, pịkị mịọkụ mịẹarị ḅara mẹ.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.