Luku 11:40 - FỊAFỊA BAỊBỤLỤ

⁴⁰ Oḅori atomi! Ó nimi-a mịnẹ Tamụnọ ḅe tẹ ọḅụ mẹ tẹmẹḅọ ḅe mịẹ pịkị ḅioju mẹ sọ tẹmẹ ye?

Luku 11:40 Iomraidhean Croise

Suku-saakị 1:26

Anịtẹso Tamụnọ nwẹnị ḅẹẹ, “Mịọkụ wa tomi tẹmẹ ḅa; ịn wa sime-ḅara sime tẹ wa kịka ḅa. Ịn kụrọ kọn tọrụ-minji ḅẹ inji mẹ na, So-tọrụ ḅẹ afeni ma na, opu anama ma na, kpongbo mẹmgba na, ḅẹẹye-ḅẹẹye tẹ kiri mẹ ọgọnọ ikiriarị ye goyegoye pịrị ḅa.”

Suku-saakị 2:7

Anịtẹso KỊNỊNYANA-TAMỤNỌ ḅe nwẹnị kiri mẹ ḅụ lịka ọkị tẹ kẹ tomḅọ sime-ḅara sime mḅudu tẹmẹ tẹ nwẹnị ḍumo-pịrị-ọwụ sara ò nini ḅio suu, tẹ tomḅọ ḅe nwẹnị saakị ḅo ḍumo wararị ḅọ sọm.

Devidi-Anume 14:1

Oḅori atomi ma amịna aḅụụ ḅẹẹarị, “Tamụnọ ofori.” Inimgba ḅụrụ-kọsị fama wararị, tẹ ịn ḅalafama aị mịẹ tẹẹ; kuraye mịẹarị gbọrụḅọ-sọ ofori.

Devidi-Anume 33:15

Ori mie in kuromarị aị kẹ ịna ḅioḅẹngbọ suuarị: tẹ ịn mịẹarị ye goyegoye nimi wararị.

Egberima-Ẹkwẹn 1:22

Oḅori-sọarị atomi! Tọ sakị na gbasị ye ọ́ nwẹn kẹ oḅori-sọ ḅẹ? Tọ sakị na gbasị ye ọ́ nwẹn kẹ ḍawọye ḍiki-iderima ḅụ ḍereku ḅẹ? Gbala-gbala ó minini tẹ ye ḍawọ ḅịa?

Egberima-Ẹkwẹn 8:5

Amụ ọ́ ḍụḅa paka-ḅo tomi la-a? Ọ́ ḍụḅa paka-ḅo tomi la tẹ ḅara simee. Ọmịnị oḅori-sọarị aro? Ọ́ ḍawọ tẹ sịḅịḅio nyanaa.

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Zẹkaraya 12:1

Mie Izirẹlị gboloma oku tẹ KỊNỊNYANAḄỌ ḅe, So-tọrụ mẹ finjima pakama, tẹ Kiri mẹ tẹmẹ, tẹ ḍumo kẹ tomi pịrị ḅọ ḅe ḅara ḅo ye. Ori mẹẹ,

Kịẹn-aḅịḅị 16:22

Kụma Mozizi na Erọnị na nwẹnị ịna atọrụ-kuḅu kẹ ḅịkị kiri koro tẹ ḅẹẹ, “yei, Tamụnọ, oju-meni mamgba ḅẹ atẹmẹ ma ḅẹ Tamụnọ, kpọkpọ gbọrụ tomḅọ mịẹ si ḅụ ị́ ịganị nyana bebe tomina-ogbo mẹ pịrị ḅẹ?”

Matiyo 23:17

Tọrụngbọ-pụụntẹ oḅori amẹẹ! Ndẹẹ kụrọ nyana osi ye nẹngị ye, golu mẹ mụnọọ, Tamụnọ-warị mẹ tẹ golu mẹ wẹrị fịafịamarị ye mẹ?

Matiyo 23:26

Tọrụngbọ-pụụntẹ Farịsiiapụ! Ọ́ tarị ḅio mẹ sịkịrị fịafịamaa, anịsakị ọḅụ mẹ sọ fịafịa ḅa.

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

Luku 24:25

Anịtẹso Jizọsị nwẹnị ịn ḅẹẹ, “Ọmịnị kụma ọ́ kpọma oḅori-sọ ḍinm! Ịkịankoroapụ ma ḍuko aị ma ḅẹ gberie sọ ọmịnị inetẹ sarasarama minini-a.

1 Kọrịntị 15:36

Ị́yẹrị oḅori-ḅọ! Ị́ sịnmgbọlị kẹ kiri-ḅio ḍiḅi kụma, anị so-paka ḅịa, anị fịị-a ogbo.

Hiburu 12:9

Wamịna tomikiri ḅẹ aḍapụ wa datụkụma ḅẹ ye ḅụ wa fomuarị sakị, wa ịn mangịmarị. Nwẹnị ọkọ kụma ndẹẹ wa gotẹ anị ḅara nẹngị ḅara kẹ sịḅị-tuu wamịna tẹmẹ anga ḅẹ Ḍaḅọ ḅe pịrị tẹ ḍumo ḅịa ye!