Luku 11:39 - FỊAFỊA BAỊBỤLỤ

³⁹ Mie ḅụ KỊNỊNYANAḄỌ ḅe nwẹnị ọ̀ ḅẹẹ, “Mịọkụ ọmịnị Farịsiiapụ, ọmịna akọpụ ma na ẹfẹrẹ ma na ọḅụjụ mịẹ ọ́ kẹ ye sịn tẹ sịkịrị, sịkịrị ye, kụma ọmịna aḅụụ ḅio ḅụ ọ́ ḅụrụ kọsị wararị, kụrọ-kụrọ amịẹaị na, si na, ọmịna aḅụụ ḅio ḅin wararị!

Luku 11:39 Iomraidhean Croise

Suku-saakị 6:5

KỊNỊNYANAḄỌ ḅe nwẹnị ẹrị mịnẹ tomikiri mẹ ḅụ tomi asi-sịḅịḅio mẹ ḍụḅa tẹ, anịsakị tomi kuroma ḅụ ịn mịẹ ḅẹ tẹ sakị mamgba ịna aḅioḅẹngbọ simearị aị goyegoye, si-aị sikima jen ofori.

2 Paka-aị 25:2

Ọ̀ KỊNỊNYANAḄỌ ḅe tọrụ ḅụ kuraye mịẹm, anịsọ ye kẹ ọlọ-ọlọ ọkụ ofori ḅioḅẹngbọ ḅụ-a.

Devidi-Anume 22:13

Ini ọkụkụ ḅịḅị finji ḅara kẹ ịna aḅịḅị finji tẹ: oloku-oloku ị̀ daarị, ị̀ kanị pẹị ḅẹ ọkụ.

Egberima-Ẹkwẹn 26:23

Ḅioḅẹngbọ sime-ye kịrị tẹ kọn-arị ẹkwẹn mẹ, karakarama tẹ í kuromarị ye kikimarị mẹ, kịkarị ye anie ferefere tẹ gịlasị kẹ yela-a aḅaịn-ḅẹlẹ ọḅụjụ gbaịn.

Egberima-Ẹkwẹn 26:25

Arị ḅeri ḅụ ḅẹlẹ ḅa, kụma ò minini ma, ò ḅioḅẹngbọ ḍiki-ḅioḅu ḅin pampam wararị ẹrẹsị.

Egberima-Ẹkwẹn 30:12

Japụ emi tẹ kuromarị ịn kpaịn wararị, ini ini inetẹ ḅẹ ḅara kẹ ḅụrụ-kọsị wararị ogbo.

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Izikẹlị 22:25

Sịḅịdapụ ma ọkụkụ amẹẹ kịkarị, anie ịn ḅaa tẹ anama gotẹ ekirearị aị. In tomi ma ḅaarị, ini inetẹ ọkị igbigi mamgba na ịn nyana jaị na, tẹ ịna kịnị-ḅa mẹ ḅụ tọnwa ereme kẹ diapụ-fịtẹ-ereme ḅara wẹrịarị.

Izikẹlị 22:27

Kọnsịnị fịrịmẹnjị-opuapụ ma kịkarị aị anie anamakiri amẹẹ tẹ ịn ḅaa tẹ anama ma kanị-kanị-sararị aị. Ngọ-kọn mie ịn gotẹ kịnị ḅaa si mịẹarị ye.

Zẹfanaya 3:3

Anị ḅẹ fịrịmẹnjị-opuapụ ma oloku ma ḅọrọarị ọkụkụ kịkarị; anị ḅẹ ḅẹrẹkọn-apụ ma ḅuru-pọkọtarịarị anamakiri kịkarị, pẹịye-pẹịye pọkọ-ta-a ḅụra ḅara ḅụ ḅo dede la ḅẹ mgbe gbọrụmgbọ-sọ ịn kọnma-kọnma-a.

Matiyo 15:19

Kẹ gotẹ ọkọ ḍukoarị, mḅọ ḅioḅẹngbọ ḅụ mie si akuroma, tẹ mḅọ sukuruma mu kịnị ḅaa na, sẹfị na, ja si amịẹaị na ḅụ suuarị aị ma sime tẹ paka-ḅoarị; furu na, iruo na ja apụ wori-sima na sọ, paa anị gbọrụ ḅara mẹ.

Matiyo 7:15

“Ọmịnị iruo ịkịankoro apụ ḍiki ḅụụ kịẹn; ini ọ́ ḍọkụma-ḅo ḅarị sakị anana oju mie ịn sụa tẹ ḅo ḅarịye, kụma ḅioju ḅụ ini ma anie karakaramatẹ piri ḅio anana kun pẹị-pẹị anama.

Luku 16:15

Jizọsị nwẹnị ịn ḅẹẹ, “Ọmịnị anie tomina tọrụ iḅi ọkị ḅẹ ḅara kẹ ye mịẹarị apụ, kụma Tamụnọ ọmịna ḅioḅẹngbọ sime ye nimi wararị. Tomi kẹ opu ye sịn-arị ye Tamụnọ tọrọkọ gberie-sọ gberie-a.

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”

Jọnị 12:6

Ori igoin-apụ ma balam kẹ ò miemẹ ḍuko-a, kụma ori furuḅọọ ẹrẹsị. Ori anie ịna igbigi-kokoḅọ, tẹ sakị mamgba ogbo ḅẹ igbigi mẹ ḅụ ye kpọmbị, kpọmbị tẹ kẹ amịna ḅara kuḅu ḅẹ mịẹye mịẹ mịẹm.

Jọnị 13:2

Jizọsị na ò ḍukamẹnjịapụ ma na ḅoḅiri fịye fị anga simem. Anị sakị ḅụ Ekwesu ḅe Judasị, Sayịmọnị Isikarịyọtị tụḅọ ḅe, Jizọsị kẹ tomina ḅara-ḅio dẹrịma ḅẹ kuroma mẹ kẹ ọ̀ ḅioḅẹngbọ ḅụ suu wẹrị tẹ.

Fịrịmẹnjịapụ 5:3

Pita nwẹnị ọ̀ ḅẹẹ, “Ananayasị, í tiegotẹ ḍụkụ Ekwesu pịrị tẹ ori í ḅioḅẹngbọ sọ tẹ ị́ mịẹtẹ í iruo Fịafịa Tẹmẹ ḅe pịrịarị, ị́ ḅara la kiri igbigi mẹ ḅẹ pakịrị kẹ wẹrị ḅụ?

Galesiya 1:14

À Juu-ḅẹ-apụ Tamụnọ nimi ḅara mẹ ḅụ sime sakị, ì pembema Juu-ḅẹ-apụ tẹ ị̀ ḅara ḅẹ apụ ḅẹ tọnwa-apụ ḅụ yẹrị tọrọkọ, anie à pịkị wamịna atẹngịapụ ma ama-anganga-ḅara ma ọlọ kụrọma ịn nẹngị fama ḅara.

2 Timoti 3:5

Tamụnọ etela mẹ ḅụ tọrụngbọ ẹrịarị pakịrị anga mẹ mie ini ọlọ-sịẹma ḅarịye, kụma nwẹnị anị ḅẹ karakara kụrọ mẹ sịkị ḅa. Ọkọ sime atomi ma ḅụ ị́ ḅụụ wẹrị ḅelemaa.

Tayịtọsị 1:15

Fịafịa wararị apụ ḅụ ye goyegoye fịafịam; kụma pilematẹ, minini nyana-a apụ ḅụ, gberie-sọ fịafịa-a, kẹ gotẹ ọkọ ḍukoarị, ịna akuroma na, ịna tẹmẹ aḅioḅẹngbọ na pilema tẹ.

Jemụsị 4:8

Ó ḅo Tamụnọ kpekii, ori sọ ḅo ó kpeki ḅa. Si apụ, ọ́ ḅara sịkịrịị! Ọmịnị mịẹ tomi ḍie apụ, ọmịnị ọmịna aḅioḅẹngbọ wẹrị fịafịamaa!