Luku 11:36 - FỊAFỊA BAỊBỤLỤ

³⁶ Ị́ bebe oju mẹ bele anị ḅụ ḅin wararị tẹ gbọrụ pakịrị anga sọ kanakana ḅio ofori ḅẹḅẹ anịmgba ḅịya paka ḅa, gbala tọnjọ bele ḅịya ị́ sarama ḅara.”

Luku 11:36 Iomraidhean Croise

Egberima-Ẹkwẹn 1:5

Mịna egberima-ẹkwẹn ma inetẹ ye kẹ ye-nimi atomi ma nimi ḅụ sọ sụa ḅa, pịkị datụkụma kẹ ḍiri-ẹrịapụ ma pịrị ḅa,

Egberima-Ẹkwẹn 20:27

KỊNỊNYANAḄỌ ḅe kuroma na tẹmẹ-ḅioḅẹngbọ na kẹ wa pịrịm wa inetẹ ḅụụ ḅọị ḅịa.

Egberima-Ẹkwẹn 6:23

Ini ị́ ḅẹẹarị mịẹ ḅẹ aị ma, ḅịyarị bele sọ wararị; ị́ mịẹ-irima tẹ ịn kẹ ị́ da karakarama ye mẹ inetẹ ị́ anga ḅẹ ḅara kẹ í toluma ḅa.

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Ayịzaya 8:20

Ị́ ịn pakịrị ḅa, “Ọ́ KỊNỊNYANAḄỌ ḅe kẹ ó tolumarị ye pokii — ọ́ ḍụẹịn ḅịḅị ḅiiarị apụ poki ma — in ḍuko ọ́ pịrị ḅarịye gbọrụ iḅi sọ kẹ ọ́ mịẹ ḅịa.”

Hosiya 6:3

Ó yee wa ḅụụkụrọma tẹ KỊNỊNYANAḄỌ ḅe nimi. Gbarịma-a ḅara ḅụ ó ḅo wa la ḅa ḅaaene ḅo ḅara ḅụ, opuma sara tẹ kiri pisimarị eene ḅara ḅụ.”

Matiyo 13:52

Mie ḅụ ori nwẹnị pakịrị, “Ọkọ ḅẹḅẹ, miemẹ fiearị mịnẹ Oloko Tolumaḅọ, tẹ Tamụnọ Ama-da mẹ ḅẹ gbọrụḅọ sọ ḅọ, mḅọ gbala warị nyanaḅọ tẹ amịna ngọ-koko-ḅio ḅụ ịwọ ngọ na elemu ngọ na ḅụ ye pakama-pakama-ḅoarị ḅọ kịka tẹẹ.”

Matiyo 5:15

Ene furutẹ amịna warị ḅio tọnjọ tọnjị ḅọ ye kẹ anị jụjụ-a; anie nakara mḅọ anị kẹ tọnjọ sịẹma ye ọgọnọ gbanatẹ anị bele kẹ warị mẹ ḅio sime-ḅọ sime-ḅọ pịrị ḅa.

Luku 11:35

Ọkọẹrẹsị ḍụkụ tẹ ị́ ḅụụ ḅio simearị bele mẹ ḅo kanakana sọma.

Luku 11:37

Jizọsị ẹkwẹn fama tẹso, Farịsiiḅọ nwẹnị ọ̀ sịn ò ḅo ori na ye fị; tẹ ọ̀ nwẹnị mu tẹ ye mẹ fị ḅẹ tẹ lẹgị.

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

Ẹfisọsị 4:14

Anịsakị wa ḅarị ḍọkọḍọkọ kala awọmẹ kịka tẹ tomi ḅịḅị finji tẹ ḍuko ye ḍuko ye, ọnụngọ na fẹrụ na sọ tẹ wa kẹ gbin ama-ḅara na ere-ḅara na da ḅịa, anie oḅori kẹ kịnị sịn ye tolumapụ, tẹ ịna aka na epele na ḅụ ja apụ da irimarị apụ ma kuroma ḅoarị aị ma.

Kọlọsị 3:16

Kịrayịsị oku mẹ na anị ḅẹ iḅi mẹmgba ọmịna aḅioḅẹngbọ ḅụ angaa. Nimi mẹmgba ḅụ ó ye kẹ jụmọ-jụmọ tolumaa. Ó Devidi nume mẹ ḅẹ aị na ja anume na fịafịa anume na suu; ó su Tamụnọ bomaa, ịmịẹtẹ-ḅẹẹ aḅioḅẹngbọ ḅụ.

Hiburu 5:14

Osi pakịrị anga kẹ anị ḍiki kụma, kụrọtẹ fịye mẹ sime ḍụḅa paka-ḅo tomi la tẹ apụ pịrịm, anie sakị mamgba anị mịẹ ḅụ inetẹ iḅi na si na ḅẹ kịrị lekiri ḅẹ apụ.

Jemụsị 1:25

Kụma ḅẹḅọ-ḅẹḅọ tẹ kweinma omoni ḅara-ḅio kịnị pakama-ḅoarị kara-gbasịtẹ oloko mẹ ḅio ḍiki tẹ, sakị mamgba anị kẹ ḅiokoromarị, tẹ poki ngẹrị poki tẹ kẹ ḅioḅọrọmaa ḅọ, kụma anị kẹ mịẹye ḅụ suuarị ḅọ, anị tomḅọ mẹ anie Tamụnọ boma ḅarị ḅọ, mḅọ mịẹarị ye ḅụ.

2 Pita 3:18

Kụma ọ́ paa ḍiki-ḅụụjịrị na wa Nyanaḅọ pịkị wa Ḅọrọmaḅọ Jizọsị Kịrayịsị nimi mẹ na ḅụ lolo tọrọkọ, tọrọkọ mu. Ebube sime ọ̀ pịrịị, mịọkụ mu ḅẹẹ-sakị ḅẹẹ-sakị la! Amẹnị.