Luku 11:34 - FỊAFỊA BAỊBỤLỤ

³⁴ Ị́ atọrụngbọ ma tọnjọ sọ oju mẹ pịrị wararị. Ị́ atọrụngbọ iḅi wararị ḅẹḅẹ, í bebe oju mẹ bele anị ḅụ ḅin ḅa; kụma ị́ atọrụngbọ iḅi-a ḅẹḅẹ í bebe oju mẹ kanakana ḅio sime ḅa.

Luku 11:34 Iomraidhean Croise

Suku-saakị 19:11

Tẹ ịn mịẹtẹ owiapụ ma tẹ warị mẹ ḅẹ ḅọkọ mẹ ḅụ simearị apụ ma, kala na, opu na atọrụngbọ pụnm, tẹ mịẹtẹ ịn ḅara kẹ ḅii, ḅii ḅọkọ mẹ ḍọkịm.

Devidi-Anume 119:18

Ị̀ atọrụngbọ finjii, mịẹ tẹ arị í oloko mẹ ḅio simearị ḅụụ-buama karakara aị ma ẹrị ḅẹ ḅara.

Devidi-Anume 81:12

Ọkọẹrẹsị àrị ịn wẹrịso tẹ ini ịna kọngọ kụrọma etela ma mẹnjị tẹ in ḅii-ye ḅii-ye mịẹm.

Egberima-Ẹkwẹn 21:4

Si-sịḅịḅio-sụa apụ ma ịna ḅụụ-gelema na opu ẹkwẹn na mie ḅẹrẹtọn ịn pịrịarị, anịsakị mie mẹ si mịẹẹ.

Egberima-Ẹkwẹn 28:22

Amịna ḅụụ ngẹrị balarị apụ ma fọnya ngọ kọn ḍuka nwenii igoin ḅo in fomu ḅẹ sakị in nimi-a.

Ayịzaya 29:10

KỊNỊNYANAḄỌ ḅe mịẹ tẹ í mono ḅụụ-lọkọ nyana tẹẹ, ị́ tẹlẹma fama tẹ mono ḅọrọ-so. Ịkịankoroapụ ma anie tomi ma tọrụngbọ sọ ḅẹ apụ, kụma Tamụnọ ịna tọrụ fịna tẹẹ.

Ayịzaya 42:19

Tọrụngbọ-pụụn ị̀ fịrịmẹnjịḅọ nẹngị ḅọ emi, ye-naa-a à kẹ oku fịrịmarị ḅọ ḅe nẹngị ḅọ?

Ayịzaya 44:18

Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.

Ayịzaya 5:20

Yei, ọ́ fa tẹẹ! Ó siye kẹ iḅiye sịn tẹ iḅiye kẹ siye sịn-arị. Ọ́ kanakana kẹ bele kiri ḍima tẹ bele kẹ kanakana kiri ḍimarị. Ọmịnị akụye kẹ ḅẹlẹ ye sọma tẹ ḅẹlẹ ye kẹ akụye sọmarị.

Ayịzaya 6:10

Anịtẹso ori ị̀ ḅẹẹm, “Mịẹ tẹ mịna atomi ma akuroma ma oḅoku, ịna aḅeri iningi, tẹ ịna atọrụngbọ pụụn, mịẹ tẹ ịn ḅarị inetẹ ye ẹrị, anịanịa naa, anịanịa ye fie ye naa ḅịa ḅara. Ini ọkọ mịẹ namịna, mimgbe ịn pịkị ị̀ dama-ḅo tẹ gwọọ tẹ.”

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Makị 4:12

anie mịẹ ẹrẹsị, in ḍiki-ḍiki-ḍikiarị sọ ini ẹrị-a; in poki-poki-pokiarị sọ, ini anị fiearị ye naa-a. Kẹ gotẹ ọkọ ḍukoarị, ini ọkọ mịẹ namịna, mimgbe ịn pịkị Tamụnọ da tẹ ori ịna si-wẹrịso tẹ.

Makị 7:22

sẹfị, opu pọkọ-ḅẹngbọ sụa na, kịrị-kịrị asi amịẹaị mịẹ na; oḅori-kẹ-kịnịsịn, tọrụ-gbẹ-a amịẹaị mie, afana, jụmọ ḍuko sima mḅọ ọḅụjụ ḅụ, ḅụụ-gelema na oḅori amịẹaị na:

Makị 8:18

Ọ́ kọkọ tọrụngbọ nyana wararị — ọmịnị inetẹ ye ẹrị-a? Ọ́ kọkọ ḅeri nyana wararị — ọmịnị inetẹ ye naa-a? Ọ́ kẹ ḅiokoroma-a

Luku 11:35

Ọkọẹrẹsị ḍụkụ tẹ ị́ ḅụụ ḅio simearị bele mẹ ḅo kanakana sọma.

Fịrịmẹnjịapụ 13:11

Mịọkụ KỊNỊNYANAḄỌ ḅe ḅara kẹ ị́ lama ḅa, tẹ ị́ tọrụngbọ-pụụntẹ ị́ ḅarị bele ẹrị ḅịa mu gbọrụ sakị la ḅa.” Anị gbọrụ kiri kpiti tẹ oḅuto nwẹnị Ẹlịmasị atọrụngbọ gbaịn, tẹ ọ̀ nwẹnị ikelekele tẹ ḅara kẹ ori ọlọ mẹnjị ḅẹ ḅọ ḍọkị.

Fịrịmẹnjịapụ 2:46

Ene gbarịma-a ḅara ịn nwẹn kẹ Tamụnọ-warị mẹ ḅio gbọrụ ogbo ḅẹ apụ ḅara kẹ kobirim, tẹ nwẹnị ini anga awarị ḅụ ye fị, ḅioḅẹlẹ na ḅụụ-iderima aḅioḅẹngbọ na ḅụ.

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

2 Kọrịntị 1:12

Wa kẹ ḅụụ-tọn-arị ye anie, wamịna tẹmẹ ḅioḅẹngbọ ḍuko wa pịrịarị ḅara ḅụ, mị tomikiri mẹ ḅụ wa kọn-arị ḍumo mẹ, jen-a jen-a wamịnị na ọmịnị na gboloma ye ḅụ, Tamụnọ karakara na, aka na, epele na ofori ḅara na, mie wa kẹ anị kọn-arị, Tamụnọ ḍiki-ḅụụjịrị mẹ ḅẹ kụrọ ḅụ, tomḅọ nimi ḅụ-a.

2 Kọrịntị 11:3

Ị̀ ḅalafaarị mịnẹ kịnị ḅo ọmịna akuroma sima kọsịma tẹ mịẹtẹ ọ́ Kịrayịsị ḅụ ọ́ nyana karakara minini mẹ sịkị ḅa — anị gbọrụ ḅara mẹ mie ododo ḅe, aka na epele na kẹ, iruo aị ḅụ oḅori kẹ Ivu sịn ḅara.

2 Kọrịntị 4:4

In gotẹ minini-a ye anie mị tomikiri mẹ ḅẹ oru ḅe ịna akuroma kẹ kanakana ḅio wẹrị wararị. Ọ̀ ḍụkụ tẹ ịn ḅịya ịn saramarị bele mẹ ẹrị-a, anie Kịrayịsị ebube mẹ gboloma Iḅi-Oku mẹ ḅẹ bele mẹ. Kịrayịsị ḅe anie karakara ḅara kẹ Tamụnọ na kịkarị ḅọ ḅe.

Ẹfisọsị 1:17

tẹ wa Nyanaḅọ Jizọsị Kịrayịsị Ḍa, ebube Ḍaḅọ ḅẹ, ḅara ḅiiarị mịnẹ ọ̀ Tẹmẹ ḅe kẹ ọ́ pịrịị, ori ọ́ mịẹtẹ ó ye nimi, tẹ pịkị Tamụnọ mịẹfinji ọ́ pịrị, mịẹtẹ ọmịnị ò nimi ḅarị ḅara.

Ẹfisọsị 6:5

Ọmịnị omoniapụ, ọmịnị in ḍiki-ḅalafa ḅara na ḅụụ-tukutuku na kẹ tomina sime-ḅara ḅụ ọmịna sịḅịdapụ ma ḅịḅị pokii; epele ofori ḅioḅẹngbọ ḅụ, ọ́ fịrịmẹnjị Kịrayịsị pịrịarị pembema ḅara.

Kọlọsị 3:22

Omoniapụ, ye mamgba ḅụ ó tomikiri ḅụ ọ́ nyanapụ ma ḅịḅị pokii, ini ọmịnị ẹbịarị sakị ḅụ kịngẹ-a, mịẹ ịna tọrụ da tẹ ini ó tokini ḅẹ ẹrẹsị; kụma ọ́ karakara ḅioḅẹngbọ ḅụ anị mịẹ, ọ́ nyana KỊNỊNYANAḄỌ ḅe pịrị mangịma gotẹ.