Luku 11:29 - FỊAFỊA BAỊBỤLỤ

²⁹ Tomi ma ḅo Jizọsị gbori-ikelema tẹso, ọ̀ nwẹnị ḅẹẹ, “Mị sakị ḅẹ apụ ma in si lamam! Ịn ḅụụ-buamaye ḅiiarị, kụma Jona ḅụụ-buamaye mẹ sikima à jen kẹ in ḍie ḅịa.

Luku 11:29 Iomraidhean Croise

Izikẹlị 24:24

Anịtẹso àrị elekima sọ ọ́ pịrị ḅa ọmịnị à mịẹ tẹ ye goyegoye mịẹ ḅa. KỊNỊNYANAḄỌ ḅe ḅarị mịnẹ mie pakịrị sakị ó nimi ḅa mịnẹ ori anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe.”

Jona 1:1

Gbọrụ ene ḅụ, KỊNỊNYANAḄỌ ḅe ẹkwẹn Jona, Amitayị tụḅọ ḅe pịrịm.

Matiyo 3:7

Tomi ma ọkọ kẹ gbii-gbiima ọ̀ dama-ḅoarị ogbo Jọnị nwẹnị ẹrị mịnẹ tọnwa Farịsiiapụ na Sadusiiapụ ma na sọ ọ̀ ḅara minji sara ḅẹ ḅo tẹ. Tẹ ọ̀ nwẹnị ịn ḅẹẹ, “Ọmịnị ododo amẹẹ, tụḅọ ḅọrọ ḍuko ọ́ pịrị mịnẹ ọmịnị inetẹ Tamụnọ ḅara ḅo ḅarị fomu-ḅara mẹ ḅụ so ḅẹ?

Makị 8:38

Gbọrụḅọ yẹrị na ì tolumaye mẹ na gotẹ mị Tamụnọ nimi-a si ene mẹ ḅụ ḅụụ-jịrịarị ḅẹḅẹ, anị sakị mẹ ḅụ Tomḅọ Tụḅọ ḅe sọ mḅọ gotẹ ḅụụ-jịrị ḅa, ori ọ̀ Ḍa ḅe ebube ḅụ ọ̀ fịafịa enjẹlị ma na ḅo ḅarị sakị mẹ.”

Luku 11:16

Osi apụ, Jizọsị ḅịḅị paka ḅẹ ye ḍọkị ḅụ, ọ̀ ḅẹẹm mịnẹ ọ̀ Tamụnọ ọ̀ mịẹarị aị ma ọkịm nwẹn ḅẹẹ elekima kẹ in ḍie.

Luku 11:50

Ọkọẹrẹsị mị sakị mẹ ḅẹ atomi ma in fomu-ḅara kẹ ịn pịrị ḅa, tomikiri mẹ bịan tẹmẹ kụra-ḅio tomi ḅaa tẹ ịkịankoroapụ ma gotẹ,

Luku 12:1

Tomi ẹndẹ, ẹndẹ ma kobiri ḅin tẹ jụmọ-jụmọ ḅụọ ọgọnọ sịẹ ḅara sime tẹso, Jizọsị nwẹnị tarị ò ḍukamẹnjịapụ ma ḅẹẹ, “Ọ́ Farịsiiapụ ma ye sunmaye mẹ ḍiki ḅụụ-kịẹn, à fiearị ye anie, ịna mịẹ tomi ḍie amịẹaị ma.

Luku 9:41

Jizọsị nwẹnị pakịrị, “Ọmịnị minini nyana-a tẹ pịkị karakara kuroma-a apụ! Ọ́ sịn-arị àrị ọmịnị na sime tọ sakị la ḅẹ? Ndẹẹ àrị ọmịna amịẹaị ma inema la ḅẹ sakị?” Anịtẹso ọ̀ nwẹnị tomḅọ ḅe ḅẹẹ, “Ị́ tụḅọ ḅe kẹ mịanga ḅoo.”

Jọnị 2:18

Juu-ḅẹ ḅẹrẹtọn-apụ ma, pakịrị ḅụ gbelam, “Í inetẹ tọ ḅụụ-buamaye mịẹ tẹ kẹ wa ḍie ḅẹ mịnẹ, ị́ nwẹn mịẹ ye mẹ anie ị́ mịẹ na-iḅi ye?”

Jọnị 6:30

Ini nwẹnị pakịrị, “Ị́ tọ ḅụụ-buamaye mịẹ tẹ wa ẹrị tẹ í minini ḅẹ? Ndẹẹ ị́ mịẹ ḅarịye?

Jọnị 8:44

Ọmịnị ọmịna ḍaḅọ Ekwesu ḅe awọmẹ, tẹ ọ́ ḍọkịarị ọmịnị ọmịna ḍaḅọ ḅiiarị ye mịẹ. Ye tarị sakị kụra-ḅio sọ ori anie kịnị-ḅaḅọọ, tẹ jen sakị, jen sakị amụ ọ̀ pịkị karakara mẹ na gbọrụ jụ ḅọrọ-a, ọ̀ ḅụụ karakara nwẹn-sịn ye ofori ẹrẹsị. Ori iruoarị sakị, iruoarị sakị ọ̀ kọn-kọn ḍumo ḅara mẹ mie ọ́ kọn-arị ye, ori anie iruoḅọ, tẹ pịkị iruo mamgba ḍaḅọ ẹrẹsị.

1 Kọrịntị 1:22

Juu-ḅẹ-apụ ḅụụ-buama-aị ẹrị ḅẹ ḍọkịarị, anịsakị Girisi ḅẹ apụ nimi ḍọkịarị.