Luku 11:24 - FỊAFỊA BAỊBỤLỤ

²⁴ “Si tẹmẹ tomḅọ ḅụụ ḅio paka-so sakị, ò fiin ikelema tẹ ori ịnyọsara ḅẹ anga ḍọkị ḅa. Ori ịnyọsara anga ẹrị-a ḅẹḅẹ ori ọ̀ ḅụụ ḅẹẹ ḅa, ‘À pịkịma ị̀ warị mẹ mu ḅa.’

Luku 11:24 Iomraidhean Croise

Jobu 1:7

KỊNỊNYANAḄỌ ḅe nwẹnị Ekwesu ḅe gbela, “Ị́ tọ-anga ḅụ sime tẹ ḅo?” Ekwesu ḅe nwẹnị KỊNỊNYANAḄỌ ḅe pakịrị, “Tomikiri mẹ ḅụ mẹnjị ọḅụ-na-kuḅu-na da, anị ọgọnọ mẹnjị iwo-na-ideri-na ḅụ à sime tẹ ḅom.”

Jobu 2:2

KỊNỊNYANAḄỌ ḅe nwẹnị Ekwesu ḅe gbela, “ị́ tọ-anga ḅụ sime tẹ ḅo?” Ekwesu ḅe nwẹnị KỊNỊNYANAḄỌ ḅe pakịrị, “Tomikiri mẹ ḅụ mẹnjị ọḅụ-na-kuḅu-na da, anị ọgọnọ mẹnjị iwo na, ideri na ḅụ à sime tẹ ḅom.”

Devidi-Anume 63:1

Yei Tamụnọ, anie ị̀ Tamụnọ, tẹ àrị í gotẹ ḅio-sẹsẹarị. Ì bebe ḅụụ mamgba ị́ nyana ḅẹ-ḅiiarị, samụnọ-kpakịkị tẹ minji kala ye sọ ḅarị ofori kiri ọkụ, ị́ ị̀ tẹmẹ tarịarị, minji pọkọ-tarị ḅara.

Egberima-Ẹkwẹn 4:16

Si-sịḅịḅio-sụa apụ atomi inetẹ mono-mono-a ini iri-ye mịẹ-a ogbo. In mono-a tẹ yaụ-sime nwenii in ḅo ye kẹ kịnị lamarị.

Ayịzaya 35:7

ḅụọ dọkịmarị onwi kiri mẹ ḍaḅa sọ ḅa, tẹ samụnọ kiri mẹmgba ngụngụḅa, ngụngụḅa opou osuka kiri mẹ ḅụ gele, geletẹ asịra so-paka ḅa, piri obiri anga-anga yọ mẹ.

Ayịzaya 44:3

À minji kẹ kpakịkịtẹ kiri mẹ pịrị ḅa tẹ samụnọ kiri mẹ ḅụ okolo puu-puu ḅọrọ ḅa. À ḅaka ḅara kẹ ị̀ Tẹmẹ kẹ ị́ awọmẹ ma aḅụụ ḅio su ḅa, tẹ ì bomaa, ḅo ị́ furo-ḅẹ-apụ ọgọnọ gbana ḅa.

Ayịzaya 48:22

KỊNỊNYANAḄỌ ḍukoarị, “Ye ḅụụ la-a sime si-mịẹapụ pịrị-a.”

Makị 5:10

Tẹ ọ̀ nwẹnị sịkọpẹlẹ-a ḅara kẹ Jizọsị tẹkẹ mịnẹ ori anị iri mẹ ḅụ sime si-atẹmẹ ma dee jen anga mu ma.

Makị 9:25

Jizọsị ẹrị tẹ mịnẹ tomina-ogbo mẹ ḅo ịn bịan ḅẹ-yearị ye ḅụ, ọ̀ tọn si-tẹmẹ ḅe pịrịm, “Ị́yẹrị ye naa-a, pịkị ẹkwẹn-a tẹmẹ, yẹrị tọn ị́ pịrịarị, tụḅọ ḅe ḅio paka-soo, tẹ ḅarị gbala-gbala jen kẹ ọ̀ ḅụ ḅio sọ-mu ma.”

Luku 11:25

Mie ḅụ ọ̀ pịkị mu tẹ ḍọkị-ẹrịm mịnẹ warị mẹ ọfịn fịafịa tẹ tẹlẹma kpaịn wararị.

Ẹfisọsị 2:2

Anị sakị mẹ ḅụ tomikiri ḅẹ si etela mẹ mie ó ḍukamẹnjị sime ye; ọ́ ḅẹrẹtọn So-tọrụ simearị tẹmẹ akụrọ ma pịrịarị ḅọ ḅe, tẹ mịọkụ ḅẹrẹtọn Tamụnọ ḅịḅịpoki-a apụ ma pịrịarị tẹmẹ ḅe, ḅịḅịpokim.

1 Pita 5:8

Ọ́ tọrụ kẹ kiri lamaa, ọmịnị ẹbịị! Ekwesu, si kẹ ọ́ tọn-arị ḅọ ḅe, ọkụkụ oloku ḅara oloku ma ḅọrọarị, tẹ ọ̀ kanị pẹị ḅẹ ḅọ ḍọkịarị.