Luku 11:22 - FỊAFỊA BAỊBỤLỤ

²² Kụma kụrọ ọ̀ nẹngị ḅọ owu kẹ ọ̀ paka tẹ ọ̀ nẹngịmam ḅẹḅẹ, ọ̀ kẹ ḅiokpọma sime owuaị mamgba ọ̀ tan so tẹ mu ò furu aị ma ḍie ḅa.

Luku 11:22 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Paka-so 15:9

Kịnị na fịya-a ḅọ ḅẹẹm, àrị in ḍuka tẹ mu ịn la ḅa, à fọịn ngọ ma ḍiya ḅa, àrị à ḅii ḅara kẹ arị nyana ḅa, àrị ì okologie sin ḅa, à ḅarana ịn ḅaa-guluguluma ḅa.

Ayịzaya 27:1

Anị ene mẹ ḅụ, KỊNỊNYANAḄỌ ḅe ọ̀ kụrọtẹ kịnị-ḅaaḅa okologie mẹ kẹ fomu-ḅara kẹ mamataḅaye pịrị ḅa; anị fangalatẹ kpịkịma-kpịkịmarị daragọnị nwẹn-sịn opu nama ḅe, tẹ abajị ḅio angarị ye ḅe ḅaa ḅa.

Ayịzaya 53:12

Tẹ anie ḅụ à kụn nyana kẹ ọ̀ pịrị ḅa, kụrọ nyanatẹ opu atomi ogboku ḅụ. Ò minini tẹ ò ḍumo saakị pịrịm, tẹ si-mịẹapụ ḅụ paka-paka ye ọ̀ ḅụ pakam. Ọ̀ nwẹnị tọnwa si-mịẹapụ kiri ọkị tẹ tẹkẹ mịnẹ Tamụnọ ịna si-wẹrịso ịn pịrị.

Luku 11:21

“Kụrọḅọ ori owuaị kẹ amịna ḅụụ gbori tẹ ọ̀ warị ẹbịarị ḅẹḅẹ, ọ̀ nyana aị mamgba kpaịn wararị.

Luku 11:23

“Ị̀ jụ ofori ḅọ ị̀ na tụḅụrụarị, ị̀ na kobiri-a ḅọ à kobiri tẹ aị ma gala-galamarị.

Ẹfisọsị 6:11

Ọ́ Tamụnọ kẹ ọ́ pịrịarị ọmụgbin aị mamgba ọkị ḅirii, mịẹtẹ ọmịnị inetẹ Ekwesu ḅe tii ḅarị si aka mamgba ḅụ sịẹ-kụrọ ḅẹ ḅara.

Ẹfisọsị 6:13

Ọkọẹrẹsị, mịọkụ ọ́ Tamụnọ ọmụ-aị ma ọkị ḅiri. Anịtẹso, si ene mẹ la sakị, ọmịnị inetẹ kịnị na fịya-a ḅọ ḅe kẹ ọ́ pakarị owu mẹ ḅụ daasịẹ tẹ ori na sọ mu kunoma, tẹ paa ọ́ sịẹ kiri ḅụ jike-a ḅara sime ḅa.

Kọlọsị 2:15

Anịsakị, anị ẹngbẹsẹ-sịn mẹ ọgọnọ mie Kịrayịsị tẹmẹ ḅụ ḅẹrẹtọn-arị apụ ma na, kụrọ-ḅara ḅụ simearị apụ ma na, kụrọ ḅụ ọ̀ ḅụụ pakama-ḅo ye; ọ̀ nwẹnị ama mamgba ini ẹrịarị ḅara kẹ ịn kẹ ọgbụrụ-sụn tẹ ini ọmụ ḅio kun-ḅo apụ ḅara kẹ ịna tọrọkọ-sụn tẹ ịn kẹ ama ḅọrọ, owu-ḅara-iḅi ḅo ḅara ḅụ.

1 Jọnị 3:8

Ḅẹḅọ-ḅẹḅọ tẹ paa si mịẹ ma tọrọkọ muarị ḅọ mẹ mḅọ sime Ekwesu ḅe pịrịm, kẹ gotẹ ọkọ ḍukoarị, Ekwesu ḅe ọ̀ saakị Tamụnọ ḅịḅị kan kụra-ḅio, ò si mịẹ ma ḅo mịọkụ lam. Mị gbọrụ ye mẹ mie Tamụnọ Tụḅọ ḅe gotẹ tolu-paka ye, ori Ekwesu ḅe kọrị tẹ kọrịnama mẹ guluguluma ḅẹm.

1 Jọnị 4:4

Kụma, ị̀ awọmẹ, ọmịnị ma ọ́ sime Tamụnọ pịrịm, ọ́ pịkị iruo ịkịankoroapụ ma nẹngịma tẹ, ọmịna ḅụụ ḅio simearị Tẹmẹ ḅe kụrọ sime tomikiri mẹ pịrị apụ ma ḅụụ ḅio simearị tẹmẹ mẹ nẹngịm ẹrẹsị.