Luku 11:20 - FỊAFỊA BAỊBỤLỤ

²⁰ Gbala-gbala, Tamụnọ kụrọ anie à kẹ oru ma dee sin-arị, anịẹrẹsị ó nimi mịnẹ Tamụnọ Ama-da mẹ ḅo ọ́ la tẹẹ.

Luku 11:20 Iomraidhean Croise

Paka-so 8:19

Majịkị-mịẹapụ ma nwẹnị Fero ḅẹẹ, “Mie mẹ anie Tamụnọ ḅara-tụngbalị.” Kụma Fero ḅioḅẹngbọ kụrọ-kịkị wararị, tẹ ori ịn poki ḍụkụ-a, KỊNỊNYANAḄỌ ḅe ḅẹẹ tẹ ḅara mẹ.

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Matiyo 12:28

Gbala-gbala, Bẹlịzibulu-a, kụma Tamụnọ Tẹmẹ ḅee, ori mie kụrọ kẹ ị̀ pịrị tẹ à kẹ oru dee, dee pakamarị, tẹ miemẹ ḍukoarị mịnẹ Tamụnọ Ama-da mẹ ḅo ọ́ la kụra-ḅio iḅerea.

Matiyo 3:2

Ọ̀ kọn ẹkwẹn mẹ ḅẹ sịḅị anie, “Ọmịnị ọmịna asi ḅụ pịkị tẹ Tamụnọ ḍọkụma-muu, gbala Tamụnọ Ama-da mẹ ḅo laa ḅẹ tẹ.”

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Luku 10:11

‘Ọmịna ama mẹ ḅẹ onwin tẹ wamịna aḅụọ oḅolo ye sọ wa gugu sara ọ́ pịrị tẹẹ! Kụma ọ́ kẹ ḅiokoromaa mịnẹ Tamụnọ Ama-da mẹ ḅo ó kpeki tẹẹ!’

Luku 10:9

tẹ ama mẹ ḅio sime obiapụ gwọ, tẹ ḍuko tomi ma pịrịị, ‘Tamụnọ Ama-da mẹ ḅo ó kpeki tẹẹ!’

Luku 11:21

“Kụrọḅọ ori owuaị kẹ amịna ḅụụ gbori tẹ ọ̀ warị ẹbịarị ḅẹḅẹ, ọ̀ nyana aị mamgba kpaịn wararị.

Fịrịmẹnjịapụ 20:25

“À nimi wararị mịnẹ ọmịnị à mẹnjị-mẹnjị tẹ Tamụnọ Ama-da mẹ ḅẹ ẹkwẹn mẹ kọn pịrị sime apụ mamgba, gbọrụḅọ-sọ ḅarị jen kẹ ị̀ ẹrị ḅịa.

2 Tẹsalonịka 1:5

Ma ma ḍie-pakamarị mịnẹ Tamụnọ ḅẹrẹkọn mẹ karakaram, tẹ ọmịnị ẹrịarị tọrụsiẹrị mẹ dogi-ḅoarị ye anie, ọ́ mịẹtẹ ọmịnị ori ama mẹ la gbẹẹ apụ sọ ḅẹ ḅara.