Luku 11:2 - FỊAFỊA BAỊBỤLỤ

² Jizọsị nwẹnị ịn ḅẹẹ, Ọ́ tẹkẹ ḅarị sakị ó mie ḅẹẹ: Ḍaa, Fịafịa sime ị́ ẹrẹ pịrịị; yee ị́ Ama-da ḅo.

Luku 11:2 Iomraidhean Croise

1 Amadapụ 8:43

So-ḅio í sime anga mẹ ḅụ sime tẹ igoniḅọ ḅe gotẹ ị́ sịn aị mamgba mịẹ ọ̀ pịrịị; kẹ mịẹtẹ tomi kiri ḅẹ apụ mamgba ị́ ẹrẹ nimii, tẹ í ḍiki-ḅalafaa ḅẹ ḅara, ị́ atomi Izirẹlịapụ ma mịẹ ḅara, anịsakị ịn nimi ḅa mịnẹ mị warị mẹ tẹ à nama ye mẹ ị́ ẹrẹ ịn nwẹn kẹ anị sịnm.”

2 Amadapụ 19:19

Ọkọẹrẹsị Yei KỊNỊNYANAḄỌ wamịna Tamụnọ, ọ̀ ḅara ḅio wa ḅọrọma, mịọkụ arị ị́ tẹkẹm, mịẹtẹ tomikiri ḅe asịẹ mamgba nimi ḅarị ḅara mịnẹ, Yei KỊNỊNYANAḄỌ, ị́yẹrị ngẹrị anie Tamụnọ.”

2 Paka-aị 20:6

tẹ ḅẹẹ, “Yei KỊNỊNYANAḄỌ, wamịna aḍapụ ma Tamụnọ, So-ḅio simearị Tamụnọ ḅe ị́yẹrị-a? Ḅẹrẹtọn kẹ opu asịẹ ma ḅẹ sịẹ-sịẹ mamgba pịrịarị ḅo ị́yẹrị-a? Ị́ ḅara-ḅio mịẹ kụrọ na, opu na simearị ye, anie mịẹ tẹ ị́ tọrụkuḅu da tẹ inetẹ sịẹ-sịẹ ḅo ofori.

Devidi-Anume 103:20

Ọmịnị kụrọ na opu na enjẹlị apụ, anie ọ̀ tọn kuroma aị ma poki tẹ mịẹarị apụ, anie ò ḍukoarị ye pokiarị apụ, ọ̀ KỊNỊNYANAḄỌ ḅe tokinii!

Devidi-Anume 108:5

Yei Tamụnọ, mịẹ tẹ kịnị í opu ẹrị So-tọrụ ḅụ, pịkị í ebube na bebe tomikiri mẹ ḅụ.

Devidi-Anume 11:4

KỊNỊNYANAḄỌ ḅe ọ̀ fịafịa warị ḅio emi: Ori emine So-ḅio emi. Ọ̀ tọrụ tomi ọgọnọ emi anga, anga ḅụ tẹ ịn mịẹarị ye nimi wararị.

Devidi-Anume 57:11

Yei Tamụnọ, So-tọrụ ḅụ í opu mẹ ḍie-pakama, pịkị í ebube mẹ sọ kiri ọgọnọ mamgba ḅụ.

Nimi Tolumaḅọ 5:2

Kuroma nyana-a ḅara, anịanịa fọnya-fọnya ḅụụ pono-a ḅara kẹ Tamụnọ tọrọkọ ẹkwẹn ma, kẹ gotẹ ọkọ ḅẹẹarị, Tamụnọ So-ḅio ḅụ emi anịsakị ị́yẹrị tomikiri emi, anịẹrẹsị kpụlụ ẹkwẹn kọn.

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Izikẹlị 36:23

À sịẹ-sịẹ ma tọrọkọ ì opu ẹrẹ mẹ ḅẹ fịafịa mẹ ḍie-pakama sakị — ọ́ mịẹ tẹ ini ogboku anị tọrụ-tuu ẹrẹ mẹ — in nimi ḅa mịnẹ yẹrị anie KỊNỊNYANAḄỌ ḅe. Àrị ọ́ kẹ mịẹye ḅụ su tẹ sịẹ-sịẹ ma nimi ḅa mịnẹ yẹrị anie Fịafịa ḅọ.

Danẹlị 2:28

Kụma gbọrụ Tamụnọ So-ḅio emi, tẹ ḅọịye mịẹfinjiarị ḅọ. Ọ̀ mịẹ tẹ í nimi tẹẹ, Í Opu Ḅụ, tọrọkọ-jụ paka ḅẹ ye. Mịọkụ à ḍawọ mẹ ḍuko ị́ pịrị ḅa, í monoarị ogbo ị́ ẹrị ịkịan mẹ.”

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Danẹlị 7:18

Tẹ Kụrọmamgba-Nyana Tamụnọ ḅe atomi ma ama-da kụrọ daa-ọkị tẹ anị ọlọ mu ḅẹẹ-sakị ḅẹẹ-sakị la ḅa.”

Danẹlị 7:27

Tomikiri mamgba ḅẹ ama-da kụrọ na opu na ịn saḅama Kụrọmamgba-Nyana Tamụnọ ḅe atomi ma pịrị ḅa. Ịna ama-da kụrọ mẹ gbala-gbala kunoma ḅịa, tẹ tomikiri ḅẹ ḅẹrẹtọn apụ mamgba fịrịmẹnjị ịn pịrị tẹ ịna ḅịḅịpoki ḅa.”

Hosiya 14:2

Ọ́ pịkịma KỊNỊNYANAḄỌ ḅe dama-ḅo, tẹ yee mị tẹkẹ mẹ ọ́ kẹ ọ̀ pịrịarị agba sọ: “Wamịna asi mamgba wẹrịso tẹ wamịna tẹkẹ daa-ọkị, anịsakị wa í tokini ḅa, wa minini ị́ pịrị tẹ ḅara ḅụ.

Lẹvitikọsị 10:3

Anịtẹso Mozizi nwẹnị Erọnị ḅẹẹ, “Mie mẹ anie KỊNỊNYANAḄỌ ḅe ḍuko ye mẹẹ, ‘Inima tẹ ị̀ na kpeki apụ ma ogbo-ḅio ḅụ arị à fịafịa ḅara kẹ ị̀ ḅụụ ḍie-pakama ḅa, anịsakị tomi mamgba tọrọkọ ḅụ arị ebube nyana ḅa.’ ” Tẹ Erọnị amịna ḅụụ ọlọm.

Lẹvitikọsị 22:23

Owi-nambulo, anịanịa ejimina tẹ gbọrụ ḅụọ, anịanịa gbọrụ ḅara kpọlịtẹ nama, ọmịnị inetẹ kẹ tọn ḅụụ pịrị agba mịẹ ḅa; kụma karakara ịmịẹtẹ ḅẹẹ agba ḅụ anị inetẹ ḅọrọ ḅịa.

Habakọkụ 2:14

Kụma KỊNỊNYANAḄỌ ḅe ebube mẹ tomikiri mẹ ḅin ḅa minji abajị ma ḅio ḅin ḅara.

Matiyo 10:32

“Ama-karakara-ogbo ḅụ ì ḍuko-pakamaḅọ, mịnẹ mḅọ sime ị̀ pịrịm nwẹn ḅẹẹ ḅọ, arị anị gbọrụ ḅara mẹ mịẹ mḅọ pịrị ḅa ị̀ Ḍa So ḅio simearị ḅọ ḅe tọrọkọ.

Matiyo 3:2

Ọ̀ kọn ẹkwẹn mẹ ḅẹ sịḅị anie, “Ọmịnị ọmịna asi ḅụ pịkị tẹ Tamụnọ ḍọkụma-muu, gbala Tamụnọ Ama-da mẹ ḅo laa ḅẹ tẹ.”

Matiyo 5:16

Anị gbọrụ ḅara ḅụ yee ọmịna tọnjọ sọ ọkọ kẹ kọrị paka tomina tọrọkọ, mịẹtẹ ini ọmịna iḅi amịẹaị ẹrị tẹ ọmịna Ḍaḅọ So-ḅio simearị ḅọ ḅe tokini.”

Luku 11:1

Gbọrụ ene ḅụ, ḅụ Jizọsị mu gbọrụ anga sime tẹ tẹkẹ fama tẹso, ò ḍukamẹnjịapụ ma ḅẹ gbọrụḅọ ọ̀ ḅẹẹm, “KỊNỊNYANAḄỌ, Jọnị tẹkẹ kẹ ò ḍukamẹnjịapụ toluma ḅara ị́yẹrị sọ tẹkẹ kẹ wa tolumaa.”

Romu 1:7

Ọkọẹrẹsị à mị ḍiri mẹ kẹẹ tẹ kẹ ọmịnị Romu ḅụ, Tamụnọ ḅẹlẹmarị tẹ, sịn tẹ mịnẹ ó ḅo ori atomi sọ ḅẹ apụ mamgba fịrịmarị. Yee Tamụnọ, wamịna Ḍaḅọ ḅe na Wanyanaḅọ Jizọsị Kịrayịsị na ḍiki-ḅụụjịrị na dein na sime ọ́ pịrị.

Romu 8:15

Kẹ gotẹ ọkọ ḍukoarị, Tamụnọ kẹ ọ́ pịrị Tẹmẹ ḅe ọ́ kẹ omoni sọma tẹ ọmịna Tẹmẹ-naịn-naịnma ḅẹ ḅọ-a; anie nakara Tẹmẹ ḅe rẹ ọ́ kẹ Tamụnọ awọmẹ sọmarị, tẹ Tẹmẹ ḅe kụrọ ḅụ wa oloku pakama tẹ Tamụnọ naa ḅa, “Ḍaa, ị̀ Ḍa.”

1 Kọrịntị 1:3

Yee Tamụnọ, wamịna Ḍaḅọ ḅe na, KỊNỊNYANAḄỌ Jizọsị Kịrayịsị na, ḍiki-ḅụụjịrị na dein na kẹ ọ́ pịrịị.

2 Kọrịntị 1:2

Yee Tamụnọ, wamịna Ḍaḅọ ḅe na, KỊNỊNYANAḄỌ Jizọsị Kịrayịsị na ḍiki-ḅụụjịrị na dein na kẹ ọ́ pịrị.

Galesiya 1:4

Mị sakị mẹ ḅẹ si tomikiri mẹ ḅẹ omoni ḅara-ḅio wa pakama-ḅo ẹrẹsị Jizọsị Kịrayịsị amịna ḅụụ kẹ wamịna asi ma ḅẹ agba mịẹ wa pịrịm, wamịna Tamụnọ pịkị wamịna Ḍaḅọ ḅe ḅịḅị poki ḅụ.

Ẹfisọsị 1:2

Yee Tamụnọ, wamịna Ḍaḅọ ḅe, na KỊNỊNYANAḄỌ Jizọsị Kịrayịsị ḅe na, ḍiki-ḅụụjịrị na dein na kẹ ọ́ pịrị.

Filipayị 1:2

Yee Tamụnọ, wamịna Ḍaḅọ ḅe na, KỊNỊNYANAḄỌ Jizọsị Kịrayịsị ḅe na ḍiki-ḅụụjịrị na dein na kẹ ọ́ pịrị.

Filipayị 4:20

Ebube sime wamịna Tamụnọ, pịkị Ḍaḅọ, ḅe pịrị mu ḅẹẹ-sakị ḅẹẹ-sakị la! Amẹnị.

Kọlọsị 1:2

Tẹ kẹ Tamụnọ atomi tẹ Kọlọsị ḅụ Kịrayịsị na gbọrụ ḅụ sime minini nyana ḅụ wamịna mịnapụ ma pịrị ye. Yee Tamụnọ, wamịna Ḍaḅọ ḅe, ḍiki-ḅụụjịrị na dein na kẹ ọ́ pịrị.

1 Tẹsalonịka 1:1

Pọlụ na, Sayịlasị na, Timoti na kẹẹ tẹ kẹ Sọsị ḅẹ apụ tẹ Tẹsalonika ḅụ sime Tamụnọ Ḍaḅọ ḅe na KỊNỊNYANAḄỌ Jizọsị Kịrayịsị ḅe na pịrị atomi ma fịrịmarị ḍiri: Yee ḍiki-ḅụụjịrị na dein na sime ọ́ pịrị.

1 Tẹsalonịka 1:3

Wa wamịna Tamụnọ, pịkị Ḍaḅọ ḅe tọrọkọ ọ́ wẹrị ọ́ nyana minini mẹ kẹ mịẹ ye ḅụ suuarị ḅara na, ọmịna ḅẹlẹma mịẹ tẹ ọ́ kụrọma kọrịnama kọrịarị ḅara na, ọmịna ḅiokpọ wa Nyanaḅọ Jizọsị Kịrayịsị ḅụ sịẹ-kụrọ la ḅara na kẹ ḅiokoromarị.

2 Tẹsalonịka 2:16

Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe,

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”

Mịẹfinji 15:4

KỊNỊNYANAḄỌ, tụḅọ í mangịma ḅịa? Tụḅọ í opu mẹ ḍuko-pakama ḍụkụ ḅịa? Ị́yẹrị ngẹrị anie fịafịa ḅọ. Tomikiri ḅẹ asịẹ mamgba ḅo tẹ sunsin ị́ pịrị ḅa, kịnị mamgba í iḅi amịẹaị ma ẹrị tẹ ẹrẹsị.”

Mịẹfinji 19:6

Anịtẹso à naa ye, opu tomi ogbo ẹkwẹn-arị, minji tụndụ ọgọnọ pẹlẹ-pẹlẹ sararị tẹ anị fie-fie ḅara, pịkị so-alagba tẹịn tẹ fie ḅara kịkam. Àrị in ḍuko ye naam, mịnẹ “Ọ́ Tamụnọ tokinii! Gbala KỊNỊNYANAḄỌ, wamịna Tamụnọ, Kụrọmamgba Nyanaḅọ ḅe, anie Amadaḅọ!”

Mịẹfinji 20:4

Anịtẹso à pịkị tọnwa emine ẹrịm, tẹ ịn kụrọ kẹ arị ọgọnọ lẹgị apụ ma pịrịm mịnẹ ịn kẹ ḅẹrẹ kọn. À pịkị Jizọsị ḍie-pakama karakara mẹ na Tamụnọ ẹkwẹn mẹ na ḍuko wasamam ẹrẹsị ịn ḅaa tẹ apụ ma atẹmẹ ma sọ ẹrịm. Ini ma amụ ịn sunsin kịnị ḅaa, ḅaa opu nama ḅe na ọ̀ fụḅara mẹ na pịrị-a, ori elekima mẹ sọ amụ ịn kẹ ịna afụḅara ḅọkọ anịanịa ịna aḅara ḅụ sụa-a. Ịn fị-ḅụ-saakị tẹ Kịrayịsị na sọ tẹ kụra maa ẹndẹ oyia asi finji kẹ ama-da tẹ ḅẹrẹtọnm.