Luku 11:15 - FỊAFỊA BAỊBỤLỤ

¹⁵ Kụma ini ḅẹ ja apụ ḅẹẹm, “Bẹlịzibulu, si-atẹmẹ sịḅịdaḅọ ḅe mie kụrọ kẹ ọ̀ pịrị tẹ ọ̀ kẹ in dee sin-arị.”

Luku 11:15 Iomraidhean Croise

Matiyo 10:25

Mie ḅụ, ye ḍawọarịḅọ mḅọ tolumarịḅọ kịka tẹ ḅẹḅẹ anị mḅọ na iḅi na-iḅim; tẹ anie anị pịkị omoniḅọ na sime ḅẹ ḅara, ori ọ̀ nyanaḅọ na kịka tẹ ḅẹḅẹ. Ịn nwẹnị Bẹlịzibulu kẹ warị-nyanaḅọ ḅe sịn-arị kụma, ndẹẹ in si-tẹịn ẹrẹ kẹ warị ḅẹ apụ ma sịn ḅịa ḅara?

Matiyo 12:22

Anịtẹso kịnị nwẹnị tọrụngbọ-pụụntẹ, oru sịḅị ḅio emi ẹrẹsị inetẹ ẹkwẹn-a ḅọ, kẹ ḅo Jizọsị pịrị. Jizọsị tomḅọ ḅe gwọọtẹ ori inetẹ ẹkwẹn tẹ pịkị ye ẹrịm.

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Matiyo 9:34

Kụma Farịsiiapụ ma nwẹnị ḅẹẹ, “Oru ma sịḅịdaḅọ ḅe mie kụrọ kẹ ọ̀ pịrị tẹ ọ̀ kẹ oru ma dee-dee pakamarị.”

Jọnị 10:20

Ịna ḅụ ḅẹ tọnwa-apụ ḅẹẹarị, “Oru ọ̀ ḅụụ ḅio emi! Ọ̀ nọmụarị ḅara ḍikii! Ó tiegotẹ ò pokiarị?”

Jọnị 7:20

Tomina-ogbo mẹ nwẹnị pakịrị, “Ị́yẹrị oru ị́ sịḅị ḅio emi, ị́ ḅaa ḅẹ ḍọkịarị ḅọ tụḅọ?”

Jọnị 8:48

Ịn nwẹnị Jizọsị gbela, mịnẹ Sameriya ḅẹ ḅọọ, tẹ oru pịkị ị́ ḅụụ ḅio emi mẹ “Wa karakaraye ḍuko-a?”

Jọnị 8:52

Ịn nwẹnị ọ̀ ḅẹẹ, “Mịọkụ mie wa nimi lama tẹ ye mịnẹ oru ị́ ḅụụ ḅio emi! Ebira-amụ fịịm, tẹ ịkịankoroapụ ma sọ fịịm, anịsọ ḅẹẹarị mịnẹ í tolumaye mẹ ḍuko ḅara mịẹ ḅọ, mịẹ ḅọ fịị ḅịa gbamasom.