Luku 11:10 - FỊAFỊA BAỊBỤLỤ

¹⁰ Ḅii ḅọ, ḅii ḅọ mḅọ ḅara la ḅa; ḍọkị ḅọ, ḍọkị ḅọ ẹrị ḅa, tẹ ịn pịkị ḅọkọ mẹ finji ḅakụ ḅọ, ḅakụ ḅọ pịrị ḅa.

Luku 11:10 Iomraidhean Croise

Devidi-Anume 31:22

Ị̀ ḅalafa tẹ à kuromam mịnẹ ori ì dee pakama tẹ ọ̀ tọrọkọ ḅụ. Kụma ori ì owu naam, àrị oloku tẹ ọ̀ ḅara ḅarasụa ḅii sakị.

Kururu Owu-apọkọ 3:18

Yẹrị mẹẹ: Ì ebube mẹ anie so tẹ ye, pịkị à KỊNỊNYANAḄỌ ḅara nyana ḅẹ ḍikiarị ye sọ.

Kururu Owu-apọkọ 3:8

Arị owu tẹ ḅarasụa sịnm ḅẹsọ, ori ị̀ tẹkẹ mẹ ịkasị pakamam.

Matiyo 5:42

Tomḅọ ḅo ị́ ḅara ye ḅii, ḅii mḅọ pịrịị; gbọrụḅọ ị́ ḅara ye ḅọlọ ḅẹ-ḅiiarị ḅẹḅẹ kẹ mḅọ ḅọlọọ.

Matiyo 7:8

Kẹ gotẹ ọkọ ḅẹẹarị, ḅiiḅọ-ḅiiḅọ nyana ḅa, tẹ ḍọkịḅọ-ḍọkịḅọ pịkị ḍọkị-ẹrị ḅa, anịsakị ḅọkọ mẹ pịkị finji ḅakụarị ḅọ pịrị ḅa.

Luku 11:11

Ọmịna ḅụ tụḅọ ḍaḅọ emi tẹ mḅọ tụḅọ mḅọ ḅara inji ḅii kiri ododo kẹ inji sọma mḅọ pịrị ḅẹ?

Luku 11:9

“Ọkọẹrẹsị àrị ọ́ ḅẹẹarị, ó ḅii, ọmịna ḅara la ḅa, ọ́ ḍọkịị, ọmịnị ẹrị ḅa, ọ́ ḅakụụ, ịn ḅọkọ mẹ finji ọ́ pịrị ḅa.

Luku 18:1

Anịtẹso Jizọsị egberi gbaa ò ḍukamẹnjịapụ ma pịrịm, kẹ ye kẹ in toluma mịnẹ ịn sakị mamgba tẹkẹẹ, tẹ gbala-gbala ḅioḅẹngbọ ḅịkị nyana ma.

Jemụsị 4:3

Tẹ ó ḅiiarị sakị ọ́ nyana ḅo-a, ọ́ sụa tẹ kẹ ḅiiarị kuroma mẹ si wararị ẹrẹsị; ó ḅiiarị aị ma ọmịna tọrụ-ḅẹlẹ aị mie ọ́ kẹ mịẹarị.

Jemụsị 5:11

In ye-inema alama ḅara ẹrẹsị wa ḅioḅẹlẹ nyana tẹ apụ kẹ ịn sịn-arị. Jobu ye-inema gboloma ye ọ́ paa naa tẹ, tẹ anị ḅẹ kunoma ḅụ KỊNỊNYANAḄỌ ḅe ọ̀ gbẹẹ wama ye mẹ sọ ó nimim. Kẹ gotẹ ọkọ ḍukoarị, KỊNỊNYANAḄỌ ḅe ọkụrụkụrụ na jụmọ ḅụụ-fụka kẹ amịna nye sọma kuroma na ọ̀ ḅụụ ḅakam.