Luku 10:7 - FỊAFỊA BAỊBỤLỤ

⁷ Ọ́ bịan gbọrụ warị mẹ ḅio ó simee, tẹ ịn kẹ ọ́ pịrị ye, pịrị ye fị, pịkị ḅuu ḅẹ ye ḅuu. Kọrịnama-kọrịḅọ ḅe amịna gbẹẹ-ye nyana na-iḅim. Ọ́ mị warị sọ paka, mị warị sọ paka ma-ḅọrọ ma.

Luku 10:7 Iomraidhean Croise

Kịẹn-aḅịḅị 18:31

Anịsakị ḅẹ anga, ḅẹ anga ḅụ ọmịnị na, ọmịna awarị-kpo na anị fị ḅa, gbala anị anie Kobiri Akpụrụ-warị mẹ ḅụ ọmịna fịrị mẹ ḅẹ gbẹẹ-ye ẹrẹsị.

Makị 6:10

Ọ̀ pịkị ḅẹẹm, “Ini ọ́ da warị suu anga, suu anga ọmịnị anị gbọrụ warị mẹ ḅio sime nwenii ọmịnị anịanga koroma so sakị la.

Luku 10:6

Warị mẹ ḅio dein ḅẹlẹmaḅọ emi ḅẹḅẹ, yee ọ́ karị ọ̀ pịrị dein mẹ ori na sime; ọkọ-a ḅẹḅẹ, ọmịnị ọmịna dein na soo.

Luku 9:4

Ó mu tẹ ini ọ́ daa-ọkị anga ḅẹḅẹ ọmịnị anị warị sime nwenii ọmịnị anị ama mẹ koroma so sakị la.

Fịrịmẹnjịapụ 16:15

Tẹ árị na á warị ḅẹ apụ na minji sara tẹso, á nwẹnị wa ḅẹẹ, “Ó nimim à KỊNỊNYANAḄỌ ḅe minini wararị ḅẹḅẹ, ó ḅo ị̀ warị simee.” Tẹ árị ịgbanị nwenii tẹ wa nwẹnị mu.

Fịrịmẹnjịapụ 16:34

Anịtẹso ọ̀ nwẹnị Pọlụ na Sayịlasị na kẹ iwo so ọ̀ warị ḅio mu tẹ fịye kẹ ịn pịrị fị. Tẹ ịn Tamụnọ minini tẹ ye mẹ nwẹnị ori na ọ̀ warị ḅẹ apụ na ḅioḅẹlẹma.

Fịrịmẹnjịapụ 16:40

Pọlụ na Sayịlasị na nwẹnị ikoli-warị mẹ ḅio paka-so Lidiya warị mu. Anịanga in minini apụ ma na ẹrịya tẹ ẹkwẹn ịna ḅiokpọma tẹ som.

Galesiya 6:6

Kịrayịsị oku mẹ ḍawọarịḅọ mẹ, amịna nyana iḅi aị mamgba kẹ ye kẹ mḅọ tolumarị ḅọ ḅe na ḍiemaa.

Ditẹrọnọmị 12:12

Anịsakị ọ́ KỊNỊNYANAḄỌ ọmịna Tamụnọ ḅe tọrọkọ ḍereku ḅa, ọmịnị na, ọmịna owiapụ-awọmẹ na, ọmịna eremịna awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na ini ọmịnị na gbọrụ ḍiekiri, anịanịa sime anga sọ nyana-a ḅẹ sakị.

Ditẹrọnọmị 18:8

Inimgba gbasịtẹ aḍiekiri nyana tẹ fị ḅa, ọ̀ ḍa, anịanịa ori atẹngịapụ dẹrị ye ḅụ ori ọkị ye sikima.

1 Timoti 5:13

Ịn pịkị ḍawọ tẹ saakị fama tẹ mẹnjị warị, warị sọ ma ḅọrọ ḅa; kụma arịmgba ḅụ sii tẹịn ye, ịn ḍawọ tẹ kịnị kẹ ọḅụjụ fiema ḅọrọ tẹ in gboloma-a aị dogi-mu anga-anga ḅụ ḍuko ḅa, nwẹnị in ḍuko gbẹẹ-a aị sọ ḍuko.

2 Timoti 2:6

Ḍụọ-kọrịḅọ ḅe tẹ anị ḅẹ kụrọ kọrịnama mẹ kọrị ḅọ mẹ anie tarị soku ḅo fịye mẹ nyana ye.