Luku 10:42 - FỊAFỊA BAỊBỤLỤ

⁴² kụma ye ḅụ ḅẹ gberie kịngẹ mie tomḅọ gotẹ ḅụụ-ḅaa na-iḅi ye. Meri anị iḅiye mẹ sẹlẹ-ọkị tẹ, gbọrụḅọ sọ pịkị á ḅara anị ọkị ḅịa.”

Luku 10:42 Iomraidhean Croise

Devidi-Anume 119:111

Ị́ sụa kuroma oloko ma sime ị̀ pịrị gbamasom arị mie ì ḅioḅẹlẹmarị.

Devidi-Anume 119:173

Sakị mamgba tẹlẹma tẹ ḅarasụa ị̀ pịrị, àrị ị́ tọn kuroma aị ma ḍukamẹnjịarị ẹrẹsị.

Devidi-Anume 119:30

À ḅịḅị poki sẹlẹ ọkị tẹ; àrị ị́ aḅẹrẹkọn ma kẹ ye-sịn tẹ.

Devidi-Anume 142:5

KỊNỊNYANAḄỌ, à ḅarasụa gotẹ owu ị́ pịrịarị; KỊNỊNYANAḄỌ, mie ị̀ gbaịn ḅọrọmarị ḅẹ; mịẹ ḍumo mẹ ḅụ í sikima à jen ḅii-a.

Devidi-Anume 17:15

Kụma yẹrị àrị ị́ ẹrị ḅa, amụ à kura-aye mịẹ-a ẹrẹsị: tẹ à saakị sakị, ị́ ị̀ na emi mẹ ḅioḅẹlẹ kẹ ị̀ ḅụụ ḅio ḅinma ḅa.

Devidi-Anume 27:4

À KỊNỊNYANAḄỌ ḅe ḅara ḅụ gberie ḅii tẹ; anị kpọkpọ gberie mẹ mie arị ịgbanịarị: anie, ì ḍumo-ene mamgba kẹ KỊNỊNYANAḄỌ ḅe warị mẹ ḅio anga, anị yọ ḅụ ori iḅi ḍikiḍiki ḅụ ḅụụ-bua, tẹ ọ̀ ḅara datụkụma ḅii.

Devidi-Anume 73:25

Jen tẹ à nyana ye tiye So-ḅio, í sikima tẹ? Àrị ị́ nyana wararị sakị goyegoye, àrị inetẹ nyana ḅii ḅẹ jen ye pịkị tiye tomikiri ḅụ?

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

Makị 8:36

Gbọrụḅọ bebe tomikiri mẹ nyana ọkị tẹ amịna ḍumo fama kụma mḅọ tọ sọye nyana? Anị sime-ḅara ḅụ gberie sọ ofori.

Luku 10:39

Á mịnaḅọ ẹrẹḅọ nyanam, árị ẹrẹ Meri. Árị nwẹnị KỊNỊNYANAḄỌ ḅe aḅụọ-suku lẹgị tẹ ò tolumaye mẹ poki.

Luku 11:1

Gbọrụ ene ḅụ, ḅụ Jizọsị mu gbọrụ anga sime tẹ tẹkẹ fama tẹso, ò ḍukamẹnjịapụ ma ḅẹ gbọrụḅọ ọ̀ ḅẹẹm, “KỊNỊNYANAḄỌ, Jọnị tẹkẹ kẹ ò ḍukamẹnjịapụ toluma ḅara ị́yẹrị sọ tẹkẹ kẹ wa tolumaa.”

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 16:2

Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Luku 16:25

“Kụma Ebira-amụ ḅẹẹm, ‘Ị̀ tụḅọọ, kẹ ḅiokoroma mịnẹ í ḍumo wararị sakị iḅi aị mamgba ị́ aị famam, tẹ Lazarọsị si-aị mamgba nyanam, kụma mịọkụ ori tọrụ-ḅẹlẹ nyana tẹ mịanga, akụ daarị.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 8:18

“Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Jọnị 11:1

Lazarọsị nwẹn-sịn ḅọ, tẹ Bẹtani ama ḅụ anga ḅọ, nwẹnị obi. Bẹtani anie Meri na árị mbịra Mata na anga ama.

Jọnị 11:19

tẹ Judiya ibe ḅụ anga tọnwa-apụ Mata na Meri na ḅiokpọma ḅẹ ḅo tẹ, ịna iyimbere fịị mẹ gotẹ.

Jọnị 12:3

Anịtẹso Meri nwẹnị nadị nwẹn-sịn sịn ḅụ paka-ḅo ye kẹ mịẹ, kpọma yela sẹntị ololo kẹ ḅo Jizọsị aḅụọ ḅama sara, tẹ á sịḅị-ḅẹ-inume kẹ arị sin. Sẹntị mẹ ḅẹ kụnụ mẹ nwẹnị bebe warị mẹ kana-koro.

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Jọnị 4:14

kụma ị̀ ḅara ḅo minji mẹ ḅuu ḅọ, ḅuu ḅọ minji ḅarị jen kẹ mḅọ pọkọ tarị ḅịa. À kẹ mḅọ pịrị ḅuu ḅarị minji mẹ mḅọ ḅụụ ḅio ngụngụḅa sọ tẹ ḍumo pịrị minji pakama, pakama mḅọ sime pịrị ḅa, tẹ mḅọ gbamaso ḍumo nyana ḅa.”

Jọnị 5:24

“Karakara mẹ mie à ḍuko ọ́ pịrịarị; ḅẹḅọ-ḅẹḅọ tẹ ị̀ ẹkwẹn mẹ naa tẹ anị ḅẹẹ ḅara mịẹarị tẹ ị̀ kẹ fịrịmaḅọ ḅe minini ḅọ, minini ḅọ mḅọ sime gbamaso ḍumo nyana tẹ. Tamụnọ ḅarị mḅọ kọn ḅịa, kụma mḅọ fịị ḅụ ḅọrọ mu ḍumo ḅụ sọ tẹ.

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

1 Kọrịntị 13:3

Àrị à nyana ye, nyana ye ḍie tomi pịrị fama tẹ ị̀ ḅụụ kẹ ịn pịrị dọkịma sọ tẹ à ḅẹlẹma nyana-a ḅẹḅẹ, miemẹ gbọrụ iḅi sọ kẹ ị̀ mịẹ-a.

Galesiya 5:6

Gbala, wa Kịrayịsị ḅụ emi sakị goyegoye, wa tarị-ḅụụ sin na, tarị-ḅụụ sin-a na, gbọrụ kiri sọ nyana-a; ḅẹlẹma ḅụ ḅọrọ tẹ kọrịnama kọrịarị minini anie ḅẹrẹ-sịḅị mẹ.

Ditẹrọnọmị 30:19

À mịmgba So na Kiri na sịn ḅẹrẹ-kiri sime aị mịẹ ọ́ pịrịarị, mịnẹ à ḍumo na fị na, Tamụnọ boma na Tamụnọ wori-nume na kẹ ọmịna tọrọkọ koroma tẹẹ; anịẹrẹsị ó ḍumo sẹlẹ-ọkị, mịẹtẹ ọmịnị na, ọmịna aḅụụ paka-ḅo apụ na ḍumo ḅẹ ḅara.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”

Jọsụwa 24:22

Anịtẹso Jọsụwa nwẹnị tomi ma ḅẹẹ, “Ọmịnị ogbo-sịẹapụ sọ ọmịna aḅụụ pịrị tẹ, mịnẹ ọ́ fịrịmẹnjị KỊNỊNYANAḄỌ ḅe pịrị ḅẹ sẹlẹ-ọkị tẹẹ.” Tẹ ịn nwẹnị ḅẹẹ, “Inn! Wa ogbo-sịẹapụ sọm.”