Luku 10:40 - FỊAFỊA BAỊBỤLỤ

⁴⁰ Mata ngẹrị fịrịmẹnjịarị ye mẹ ḅarị á ḅụụ-ḅẹlẹ-a ẹrẹsị á ḅo tẹ ḅẹẹm, “KỊNỊNYANAḄỌ, ḍiki ya, ị̀ ịyịmbara ma ị̀ wẹrịso tẹ yẹrị ngẹrị kọrịnama mamgba kọrịarị. Á ḅẹẹ tẹ á ḅo ḅarasụa ị̀ pịrị!”

Luku 10:40 Iomraidhean Croise

Matiyo 14:15

Anị ḅoḅiri anga ḅụ ò ḍukamẹnjịapụ ma Jizọsị dama-mu tẹ ḅẹẹm, “Ene gbaịn famarị, mịanga mẹ pịkị kịnị anga-a anga. Tomi ma ḅẹẹ in so, tẹ mu kala-ama ma ḅio fịye fẹẹ fị.”

Matiyo 16:22

Pita nwẹnị ọ̀ kpọmbị sikima tẹ saakị ò ḍiki ịganị, tẹ ḅẹẹ, “KỊNỊNYANAḄỌ, Tamụnọ ọkọsime ye ḍụkụ ma! Ọkọsime ye gotẹ ị́ ḅụ paka, paka ye ofori!”

Makị 3:21

Ọ̀ warị ḅẹ apụ anị gbolomaye naa sakị, ini ori ọkị so ḅẹ tẹ paka-mum, kịnị ḍuko ma-ḅọrọarị, mịnẹ, “Ọ̀ nọmụ tẹ ẹrẹsị!”

Luku 10:38

Jizọsị na ò ḍukamẹnjịapụ ma na in muarị anga muarị ogbo ò ḅo gbọrụ ama lam, tẹ Mata nwẹn-sịn gbọrụ ẹrẹḅọ nwẹnị ọ̀ da á warị suu.

Luku 10:41

KỊNỊNYANAḄỌ ḅe nwẹnị á pakịrị, “Mata, Mata! Ị́ kpọma tọnwa aị gotẹ ḅalaḅala tẹ,

Luku 12:29

“Ọkọẹrẹsị ọ́ ḅarị ḅio dein-a ḅara sime ma, sakị mamgba ọ́ fị ḅẹ ye na ó ḅuu ḅẹ ye na ḅẹ kuroma nyanarị.

Luku 9:55

Jizọsị nwẹnị pịkị tẹ in ḍiki ịganị tẹ ḅẹẹ, “Ọmịna aḅụụ simearị tẹmẹ ó nimi-a, gbala Tomḅọ Tụḅọ ḅe tomina aḍumo fama ḅẹ ḅo-a, kụma ịn ḅọrọma ẹrẹsị.”

Jọnị 11:1

Lazarọsị nwẹn-sịn ḅọ, tẹ Bẹtani ama ḅụ anga ḅọ, nwẹnị obi. Bẹtani anie Meri na árị mbịra Mata na anga ama.

Jọnị 11:5

Jizọsị Mata na árị mbịra ma na Lazarọsị na ḅẹlẹmam.

Jọnị 12:2

Ịn nwẹnị anịanga ḅoḅiri fịye mịẹ ọ̀ pịrị, tẹ Mata sọ ḅarasụa kọrịnama kọrịm; Jizọsị na dẹbịlẹ mẹ suku lẹgị apụ ma Lazarọsị sọ ini ḅẹ gbọrụḅọ.

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”