Luku 10:4 - FỊAFỊA BAỊBỤLỤ

⁴ Igbigi sụa akpa-o, ye ḅii apụ akpa-o, okuro-o, ọmịnị ọkị ma; ọ́ pịkị etela daasịẹ tẹ sịn-ḅịḅị kẹ gbọrụḅọ-sọ pịrị ma.

Luku 10:4 Iomraidhean Croise

Suku-saakị 24:33

Anịtẹso ịn nwẹnị ọ̀ fị ḅẹ fịye tẹlẹma ọ̀ tọrọkọ gbana; kụma ọ̀ nwẹnị ḅẹẹ, “À ye fị ḅịa nwenii arị ì oku mẹ ḍuko ḅa.” Lebanị nwẹnị ḅẹẹ, “Ḍuko mẹnjịmaa.”

Suku-saakị 24:56

Kụma ọ̀ nwẹnị ịn ḅẹẹ, “KỊNỊNYANAḄỌ ḅe ị̀ mẹnjị mẹ mịẹ kpaịnmatẹ nwẹn ḅẹẹ sakị, ọ́ ḅarị ị̀ ọlọ wẹrịma ọ́ wẹrịso à so, mịẹtẹ arị ị̀ sịḅịdaḅọ ḍọkụma-mu ḅẹ ḅara.”

2 Amadapụ 4:24

Anịtẹso á nwẹnị asụ ḅe dẹẹ tẹlẹma, tẹ á fịrịmẹnjịḅọ ḅe ḅẹẹ, “Nama ḅe mịẹtẹ ọ̀ saakị mangị. Minini tẹ ọ̀ mangị la ḅara ḅụ ò ye sin ma, àrị ọkọ kẹ ị́ ḅẹẹ sikima.”

2 Amadapụ 4:29

Ọ̀ nwẹnị Gehazi ḅẹẹ, “Í ḅiri-ponoye kẹ ị́ ḅiri ponoo, ị̀ mkpara mẹ ọkịị, tẹ muu. Ị́ kịnị na bịama bịama, mḅọ sịn ma, ị́ sịn ḅọ sịn ḅọ, minini ma; tẹ ị̀ mkpara mẹ kẹ tụḅọ mẹ ọgọnọ gbana mu tọrụkuḅu mẹ lama.”

Egberima-Ẹkwẹn 4:25

Da-da tọrụ saakị tẹ kẹ tọrọkọ-jụ ḍikii, karakara ḅiokpọ ḅụ; ḍụkụ tẹ ḅụụ-jịrị ị́ sịḅị-tuu ma.

Makị 6:7

Ori ò Ḍukamẹnjị Oyi Maa apụ Finji ma sịn kobiri tẹ ịn fịrịma pakamam, maa apụ maa apụ. Ò si-atẹmẹ nẹngịma kụrọ kẹ ịn pịrịm

Luku 22:35

Anịtẹso Jizọsị nwẹnị ò ḍukamẹnjịapụ ma gbela, “Àrị ọ́ fịrịma pakama tẹ ọmịnị igbigi sụa akpa na, ye-sụa akpa na okuro na ọkị-a sakị mẹ ḅụ ọmịna ḅụụ fụkama ye emi?” Ịn nwẹnị pakịrị, “Gberie-sọ ofori.”

1 Samụẹlị 21:8

Devidi nwẹnị Ayimẹlẹkị ḅẹẹ, “Anịsakị mịanga ị́ ḅara ḅụ ị́ sụḅa, anịanịa okologie nyana-a? Kẹ gotẹ ọkọ ḅẹẹarị, amadaḅọ ḅe kọrịnama mẹ fọnya ḅara ḅiim ẹrẹsị arị ì okologie kẹ ḅo-a, anịanịa ị̀ ọmụ-aị, gberie-sọ ị̀ na ofori.”