Luku 10:39 - FỊAFỊA BAỊBỤLỤ

³⁹ Á mịnaḅọ ẹrẹḅọ nyanam, árị ẹrẹ Meri. Árị nwẹnị KỊNỊNYANAḄỌ ḅe aḅụọ-suku lẹgị tẹ ò tolumaye mẹ poki.

Luku 10:39 Iomraidhean Croise

2 Amadapụ 4:38

Ịlayịsa nwẹnị siin Giligalị ḅo ịnụ ama mẹ ḅio emi ogbo. Ịkịankoroapụ ma ọ̀ tọrọkọ lẹgị-sime wararị ḅara ḅụ, ọ̀ nwẹnị ọ̀ fịrịmẹnjịḅọ ḅẹẹ, “Gburo-gburotẹ ḅẹlẹ mẹ saakị ọpọ ḅio sịẹma tẹ ọḍụ sọ ịkịankoroapụ ma pịrị.”

Egberima-Ẹkwẹn 8:34

Ì pokiarị ḅọ ḅioḅẹlẹ ḅa, ene-ḅaaene-ḅaaene ị̀ ḅọkọ anga simearị ḅọ mẹ, ḅọrọ ị̀ sime-yọ sọ-sọ anga mẹ ḅụ koruarị.

Luku 10:42

kụma ye ḅụ ḅẹ gberie kịngẹ mie tomḅọ gotẹ ḅụụ-ḅaa na-iḅi ye. Meri anị iḅiye mẹ sẹlẹ-ọkị tẹ, gbọrụḅọ sọ pịkị á ḅara anị ọkị ḅịa.”

Luku 2:46

Tẹra aḍin karama ene ḅụ ịn nwẹnị Tamụnọ-warị mẹ ḅio ori ẹrị, ò Juu-ḅẹ-apụ ma ye-tolumapụ na sime tẹ in tolumarị ye poki-poki tẹ pịkị ye kẹ in gbelarị.

Luku 8:35

Tomi nwẹnị pakaye mẹ ḍiki ḅẹ tẹ mu. In ḅo Jizọsị la sakị ini oru ma ḅụụ ḅio sime-sime tomḅọ ḅe ẹrịm ò Jizọsị ḅụọ-suku lẹgị wararị, ọ̀ kapa sụa tẹ pịkị sịḅị ḅio kpaịntẹ ḅara sime wararị, tẹ inimgba nwẹnị ḅalafa.

Jọnị 11:1

Lazarọsị nwẹn-sịn ḅọ, tẹ Bẹtani ama ḅụ anga ḅọ, nwẹnị obi. Bẹtani anie Meri na árị mbịra Mata na anga ama.

Jọnị 11:19

tẹ Judiya ibe ḅụ anga tọnwa-apụ Mata na Meri na ḅiokpọma ḅẹ ḅo tẹ, ịna iyimbere fịị mẹ gotẹ.

Jọnị 12:3

Anịtẹso Meri nwẹnị nadị nwẹn-sịn sịn ḅụ paka-ḅo ye kẹ mịẹ, kpọma yela sẹntị ololo kẹ ḅo Jizọsị aḅụọ ḅama sara, tẹ á sịḅị-ḅẹ-inume kẹ arị sin. Sẹntị mẹ ḅẹ kụnụ mẹ nwẹnị bebe warị mẹ kana-koro.

Fịrịmẹnjịapụ 22:3

“Yẹrị Juu-ḅẹ ḅọ, Silisiya ḅẹ Tasọsị ḅụ ini ì iyim, kụma mị Jeruselemu mẹ ḅụ arị anga paka tẹ pịkị Gamalịyẹlị ḅara ye ḍawọm. Wamịna atẹngịapụ ma Oloko mẹ ḅẹ kụrọ-ḅara ḅụ ịn ye kẹ ì toluma pakama ḅom. Ọmịnị-mgba mịmgba ḅụ Tamụnọ ḅụụ sịẹ-kụrọ ḅara mie yẹrị sọ kẹ ọ̀ ḅụụ sịẹ-kụrọ ḅara.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,