Luku 10:37 - FỊAFỊA BAỊBỤLỤ

³⁷ Oloko tolumaḅọ ḅe nwẹnị pakịrị, “Iḅi kẹ ọ̀ mịẹ ḅọ ḅee.” Jizọsị nwẹnị pakịrị, “Ị́yẹrị sọ mu tẹ ọkọ mịẹ.”

Luku 10:37 Iomraidhean Croise

Egberima-Ẹkwẹn 14:21

Í ḅioḅẹlẹ ḅẹ-ḅiiarị ḅẹḅẹ, iḅiọkụ igoin-apụ na angaa; ḅẹḅọ-ḅẹḅọ ḍiki-sima mẹ anie sii.

Hosiya 6:6

Àrị ọmịna ḅara ḅiiarị ye sakị mamgba emi ḅẹlẹma, nama agba-a. À ḅiim ị̀ atomi ị̀ nimi, dọkịma-agba mịẹ-mịẹ ị̀ pịrị-a.”

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Matiyo 20:28

Anie anị sime Tomḅọ Tụḅọ ḅe pịrị ḅara mẹ, ọ̀ ja apụ fịrịmẹnjị ọ̀ pịrị ḅẹ go ḅo-a, kụma ori rẹ fịrịmẹnjị ja apụ pịrị tẹ ò ḍumo kẹ tọnwa atomi pakịrị-ḅo ye sọma ḅẹm.”

Matiyo 23:23

“Ọmịnị Oloko Tolumapụ na Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ịn kẹ fụlọ ḅẹlẹmarị ọgụ ma tẹ ịn kẹ minti na, dili na, kumini na sịn aị ma sọ ọmịnị arị kẹ oyia akiri ḍiya ḍiya tẹ gbọrụ kiri kẹ mu Tamụnọ pịrịarị, Oloko mẹ koko gotẹ, kụma Oloko mẹ ḅẹ karakara tẹ pịkị kụrọ nyana wararị pakịrị mẹ ọ́ kẹ ye-sịn-a, anie karakara mịẹ na, ọkụrụkụrụ nyana jen-apụ pịrị na, kịnị mingirima-a amịẹaị na. Mịna aị ma rẹ mie ọ́ sụntẹ mịẹ na-iḅi aị, osi-aị ma ḍiki-tọrụ sin-a ḅara ḅụ.

Luku 10:36

Kunoma Jizọsị nwẹnị Oloko tolumaḅọ ḅe ḅii, “Ị́ sịn-arị mịna tẹra apụ ma ḅụ tụḅọ opu furuapụ ma fomu ḅọ ḅe na kpeki tẹ anga ḅọ ḅara mịẹ?”

Luku 10:38

Jizọsị na ò ḍukamẹnjịapụ ma na in muarị anga muarị ogbo ò ḅo gbọrụ ama lam, tẹ Mata nwẹn-sịn gbọrụ ẹrẹḅọ nwẹnị ọ̀ da á warị suu.

2 Kọrịntị 8:9

Wa Nyanaḅọ Jizọsị Kịrayịsị ḅe ḍiki-ḅụụjịrị mẹ sime ḅara ó nimi wararị: ọ́ kọn la ḅara mamgba ḅụ, ori ó gotẹ igoin ḅara kẹ ḅụụ wẹrịm, paa kẹ mịẹtẹ ori igoin mẹ ọ́ kọnma ḅẹ ẹrẹsị.

Ẹfisọsị 5:2

Ḅẹlẹma ḅẹrẹtọn ọmịna ḍumo pịrị, anie Kịrayịsị kẹ wa ḅẹlẹma tẹ wa gotẹ ò ḍumo saakị Tamụnọ pịrị ḅara mẹ, anị nwẹnị kụnụarị agba sọ tẹ Tamụnọ ḅioḅẹlẹma.

1 Pita 2:21

Miemẹ mie Tamụnọ gotẹ ọ́ sịn yee, kẹ gotẹ ọkọ ḍukoarị, Kịrayịsị ḅioju sọ ó gotẹ tọrụsiẹrịm, tẹ ò ḍikima mịẹ ḅẹ elekima koroma-so ọ́ pịrị tẹ, mịẹtẹ ọmịnị ori amẹnjị-aḅụọ ma ḍiki-mẹnjị ḅẹ ḅara.

Mịẹfinji 1:5

pịkị Jizọsị Kịrayịsị, ḅẹrẹ paka ḅara ngẹrị kẹ ḅẹrẹ ḍukoarị ḅọ ḅe, fị-ḅụ-saakị apụ ma ḅẹ tarị ḅọ ḅe, tẹ pịkị ḅẹrẹtọn tomikiri ḅẹ amadapụ ma pịrịarị ḅọ ḅe na ḅara ḅụ ḅo ye sime ọ́ pịrịị. Ori ḅe anie wa ḅẹlẹmarị tẹ amịna fịị kẹ wamịna asi ḅụ wa fima ḅọ ḅe,