Luku 10:35 - FỊAFỊA BAỊBỤLỤ

³⁵ Ene ḅaa tẹso, ọ̀ nwẹnị maa seleḅa igbigi kẹ igoni-bịan-warị mẹ nyanaḅọ ḅe pịrị tẹ ọ̀ ḅẹẹ, ‘Sisi mie ọkị tẹ kẹ ḅị tomḅọ ḅe ḍikiḍikii ị̀ pịrịị, à pịkịma ḅo sakị ị́ ọ̀ ḅụụ fama ye fama ye, à kẹ ị́ gbẹẹ ḅa.’ ”

Luku 10:35 Iomraidhean Croise

Egberima-Ẹkwẹn 19:17

Í ye kẹ igoin-apụ pịrịarị sakị anị kịkarị ị́ ye Tamụnọ ḅọlọarị, tẹ KỊNỊNYANAḄỌ ḅe anị kẹ ị́ gbẹẹ ḅa.

Matiyo 18:28

“Anịtẹso tomḅọ ḅe mẹnjị paka soarị ogbo, ọ̀ nwẹnị ò pembema fịrịmẹnjịḅọ tẹ ọ̀ ḅara boowa igbigi saa ọlọ ḅọ na bịamam. Ọ̀ nwẹnị gịẹsịma ò kun sịẹma, tẹ saakị ọ̀ pọkọ-ḅẹ-ololo pọnjị, tẹ tomḅọ ḅe nwẹnị sinya fịị ḅẹ ḅara sime. Ori ọkọ mịẹarị sakị ọ̀ ḅẹẹm, ‘Ị̀ ḅara ị́ ọlọ saa kẹ ị̀ gbẹẹ.’

Matiyo 20:2

Ori ini na ḅịḅị-kẹ-ogbosọm mịnẹ, kẹ gbọrụ ene ḅẹ kọrịnama-kọrịḅọ gbẹẹ-gbẹẹ ye ọ̀ nwẹn kẹ gbọrụḅọ, gbọrụḅọ gbẹẹ ḅa, anie gbọrụ seleḅa igbigi gbọrụ ene ḅụ; tẹ ọ̀ nwẹnị ịn kẹ fịrịma mịnẹ in mu kụrọ ḍụọ mẹ ḅio kọrịnama kọrịị.

Luku 10:34

Ọ̀ nwẹnị saḅa tomḅọ ḅe sime pakịrị anga mu, tẹ olo na iru na kẹ ọ̀ la aị ma ḅaa tẹ fịna; anịtẹso ọ̀ nwẹnị tomḅọ ḅe kẹ ò dogi mẹnjịarị opu nama ḅẹ ọgọnọ gbana tẹ ọ̀ kẹ mu igoni-bịan-warị ḅio suu, tẹ iḅiọkụ ò ḍikiḍiki.

Luku 10:36

Kunoma Jizọsị nwẹnị Oloko tolumaḅọ ḅe ḅii, “Ị́ sịn-arị mịna tẹra apụ ma ḅụ tụḅọ opu furuapụ ma fomu ḅọ ḅe na kpeki tẹ anga ḅọ ḅara mịẹ?”

Luku 14:13

Kụma ị́ fịye gotẹ kịnị sịn ḅẹ sakị, igoin-apụ na, ngụrọ-kọnapụ na, ekeliapụ na, tọrụngbọ-pụụntẹ-apụ na mie ị́ sịn ḅarịye.

Romu 16:23

Gayọsị, à bịan warị mẹ, tẹ sọsị mẹ kobiri, kobiri anga mẹ nyanaḅọ ḅe, sọ ḅii-ḅịḅị kẹ ọ́ fịrịmam. Ịrasịtọsị (ama igbigi-kokoḅọ ḅe) na wamịna iyimbere Kwatọsị na sọ ḅii-ḅịḅị kẹ ọ́ fịrịmam.