Luku 10:29 - FỊAFỊA BAỊBỤLỤ

²⁹ Kụma Oloko tolumaḅọ ḅe paa amịna ḅụụ kẹ iḅi kiri sịẹma ḍọkị ḅụ nwẹnị Jizọsị ḅii, “Ị̀ na kpeki tẹ anga ḅọ ḅọrọ tụḅọ?”

Luku 10:29 Iomraidhean Croise

Jobu 32:2

Anịtẹso anị nwẹnị Buzi ḅẹ Barakẹlị, Ramụ furo-ḅẹ-ḅọ ḅe owiḅọtụḅọ Elihu ḅụụ-ḅẹsọọ. Jobu ḅụụ ḅụ ọ̀ ḅụụ-ḅẹsọ mẹ nyanam, kẹ gotẹ ọkọ ḅẹẹarị, Tamụnọ ọ̀ ḍie-pakama ḅẹ nakara ori amịna ḅụụ kẹ karakara ḅọ sịn-arị.

Lẹvitikọsị 19:34

Igoniḅọ ḅe tẹ ọmịnị na angarị ḅọ ḅẹ ọmịna ogbo-ḅio ḅụ ama-kuḅu ḅẹ ḅọ sime-ḅara sime ḅa, anịsakị ọmịnị ọmịna aḅụụ ḅẹlẹma ḅara kẹ mḅọ ḅẹlẹma ḅa kẹ gotẹ ọkọ ḅẹẹarị, ọmịnị sọ igoniapụ sọ simem Ijiputi ama mẹ ḅio. Yẹrị anie KỊNỊNYANAḄỌ ọmịna Tamụnọ ḅee.”

Makị 8:34

Anịtẹso Jizọsị tomina-ogbo mẹ na ò ḍukamẹnjịapụ ma na sịn ọ̀ ḅụụ pịrịm. Ọ̀ nwẹnị ḍuko ịn pịrị, “Gbọrụḅọ ị̀ na mẹnjị ḅẹ-ḅiiarị ḅẹḅẹ, mḅọ ḅụụ kẹ ḅioḅọrọmaa, mḅọ amịna ẹngbẹsẹ-sịn dogi, tẹ ì ḍuka-ḅoo.

Luku 10:36

Kunoma Jizọsị nwẹnị Oloko tolumaḅọ ḅe ḅii, “Ị́ sịn-arị mịna tẹra apụ ma ḅụ tụḅọ opu furuapụ ma fomu ḅọ ḅe na kpeki tẹ anga ḅọ ḅara mịẹ?”

Luku 16:15

Jizọsị nwẹnị ịn ḅẹẹ, “Ọmịnị anie tomina tọrụ iḅi ọkị ḅẹ ḅara kẹ ye mịẹarị apụ, kụma Tamụnọ ọmịna ḅioḅẹngbọ sime ye nimi wararị. Tomi kẹ opu ye sịn-arị ye Tamụnọ tọrọkọ gberie-sọ gberie-a.

Romu 10:3

Tamụnọ ḅọrọ tẹ tomi kẹ ọ̀ ḅụụ karakara ḅụ wẹrịarị ḅọkọ mẹ in nimi-a; anie nakara ini ḅarana ḅụụkụrọma tẹ ḅọkọ ḍọkị amịna ḅụụ pịrịarị; miemẹ ẹrẹsị in ḍụkụ tẹ sịḅị-tuu Tamụnọ kẹ tomi kẹ karakara ḅụ wẹrịarị ḅọkọ mẹ pịrị-a.

Romu 4:2

Ọ̀ kọrịnama anie Tamụnọ kẹ karakara kịẹn ọ̀ pịrị ye namịna, mimgbe ọ̀ kẹ ḅụụ-boma ḅẹ ye paka tẹ, kụma Tamụnọ tọrọkọ ḅụ-a.

Galesiya 3:11

Mịọkụ, anị giregire wararị mịnẹ gbọrụḅọ-sọ oloko koko ḅụ ḅọrọ tẹ Tamụnọ na kura ḅịa, anie, Fịafịa Ḍiri mẹ ḅẹẹarị ḅara mẹ ẹrẹsị, “Minini ḅụ ḅọrọ tẹ Tamụnọ na kura ḅọ mẹ kịngẹ anie ḍumo ḅarịye.”

Jemụsị 2:24

Ọkọẹrẹsị, ọmịnị ẹrị tẹ mịnẹ tomḅọ akọrịnama ḅụ mie mḅọ ḅọrọ tẹ Tamụnọ na kurarị ye, mḅọ minini ḅụ kịngẹ-a.