Luku 10:28 - FỊAFỊA BAỊBỤLỤ

²⁸ Jizọsị nwẹnị pakịrị, “Ị́ karakaram; mu ọkọ mịẹ, í ḍumo ḅa.”

Luku 10:28 Iomraidhean Croise

Nehimaya 9:29

Kẹ in pịkị í oloko mẹ ḅo gotẹ, ị́ ịna ḅeri nụnụm. Anịsọ in ḅụụ-gelema ḅara kẹ ye mịẹtẹ ị́ tọn aị ma koko-a; kụma ị́yẹrị kụrọ-ḅara ḅụ simearị ḅọ ḅe tọn aị ma ḅụ si mịẹm, tẹ tomḅọ mịẹm ḅẹḅẹ mḅọ ḍumo ḅa. In nwẹnị apana saakị tẹ kọngọ kụrọma ḅarị ḅịḅị poki ḍụkụ-a.

Egberima-Ẹkwẹn 19:16

Tamụnọ oloko ma kokoo, anịsakị í ḍumo nangwọ ḅa; ị́ arị kẹ ye-sịn-a kụma ị́ fịị ḅa.

Izikẹlị 20:11

Àrị à tọn-koroma-aị ma kẹ ịn pịrịm, tẹ ì oloko ma kẹ in tolumam, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma.

Izikẹlị 20:13

Kụma ịkpa mẹ ḅio kịngẹ sọ ini ị̀ na pikiam. Ini ì oloko ma kan tẹ à tọn-koroma-aị ma sịkịm, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. In ye-kọnma ḅara kẹ Ịnyọsara-Ene mẹ simam. À tẹlẹmam ịn mịẹ tẹ ini ị̀ ịganị mẹ kụrọ laa ḅara laa ḅara da anịanga ịkpa mẹ ḅio tẹ in guluguluma.

Izikẹlị 20:21

Kụma anị ḅụọ ḅẹ apụ ma sọ ị̀ na pikiyam. Ini ì oloko ma kan tẹ à tọn-koroma-aị ma mịẹ-a, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. Ịn nwẹnị Ịnyọsara-Ene mẹ sima. À tẹlẹmam tẹ ị̀ ịganị kẹ ịna ọgọnọ sara ḅẹm ịkpa mẹ ḅio tẹ anị ḅẹ kụrọ mẹ ịna ḅụụ ịnọ tẹ inimgba ḅaa.

Lẹvitikọsị 18:5

Ọmịnị anịẹrẹsị ì oloko kẹẹ-koro wararị aị ma na, kụrọ ḅara ḅụ emi ḅọ ḅara kẹ à tọn aị ma na koko ḅa, arị aị ma tẹ tomḅọ arị mịẹ ḅụ ḅọrọ tẹ ḍumo ḅarị aị ma. Yẹrị anie KỊNỊNYANAḄỌ ḅee.”

Matiyo 19:17

Jizọsị nwẹnị pakịrị, “Í tiegotẹ iḅiye gbolomaye kẹ ì gbelarị? Gbọrụḅọ ngẹrị anie Iḅi-ḅọọ. Oloko mẹ tọn koroma aị ma mịẹ, í ḍumo ḅio sọ ḅẹ-ḅiiarị ḅẹḅẹ.”

Makị 12:34

Jizọsị tomḅọ ḅe nimi ḅara kẹ pakịrị ye ẹrị tẹso, ori ọ̀ ḅẹẹm, “Ḅo Tamụnọ Ama-da suku-ḅio simearị tomḅọ sọ mẹ ị́ ḅụụ ḅele-a.” Miemẹ ḅọrọ tẹso, gbọrụḅọ-sọ ḅarị ḅiokpọ tẹ ja ḅii-aḅịḅị kẹ ò ḅii-a.

Luku 7:43

Sayịmọnị nwẹnị pakịrị, “À sịn-arị ori opu ye wẹrịso pịrị ḅọ ḅee.” Jizọsị nwẹnị ḅẹẹ, “Ị́ karakaram.”

Romu 10:4

Kẹ gotẹ ọkọ ḅẹẹarị, Kịrayịsị mịẹ tẹ Oloko mẹ ọ̀ ḅụụ daasịẹ tẹ, tẹ ḅẹḅọ-ḅẹḅọ, mḅọ nyana minini ḅụ Tamụnọ ḅọrọ tẹ mḅọ kẹ ọ̀ ḅụụ karakara ḅụ wẹrị ḅẹ ḅara.

Romu 3:19

Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị.

Romu 7:10

tẹ à nwẹnị fịị. Tẹ ì ḍumoma ḅẹ ḅo oloko mẹ rẹ ḅo ị̀ ḅaa ye sọm.

Galesiya 3:12

Kụma Oloko mẹ minini na gbọrụ mịẹye sọ nyana-a. Anie nakara, Fịafịa Ḍiri mẹ ḅẹẹm, “Ḅẹḅọ-ḅẹḅọ tẹ Oloko mẹ ḅiiarị ye goyegoye mịẹarị ḅọ ḍumo ḅa.”

Ditẹrọnọmị 6:24

Tẹ KỊNỊNYANAḄỌ ḅe tọn wa pịrịm wa mịna kẹẹ wararị oloko mamgba koko tẹ mịẹ, wa sakị mẹmgba wamịna iḅi gotẹ KỊNỊNYANAḄỌ wamịna Tamụnọ ḅe mangịma ḅẹ ḅara, mịẹtẹ mịmgba mẹ ḅụ anị sime-ḅara ọ̀ wa wẹrị kpaịnma ḍumoma ḅẹ ḅara.