Luku 10:22 - FỊAFỊA BAỊBỤLỤ

²² “Ị̀ Ḍa ye mamgba kẹ ị̀ pịrị tẹ. Ḍaḅọ ḅe sikima tẹ Tụḅọ ḅe nimi ḅọ ofori, tẹ Tụḅọ ḅe sikima tẹ pịkị Ḍaḅọ ḅe nimi ḅọ ofori, anie Tụḅọ ḅe ọ̀ kẹ ḍie ḅii apụ ḅoto.”

Luku 10:22 Iomraidhean Croise

Matiyo 11:25

Anị sakị mẹ ḅụ Jizọsị ḅẹẹm, “Ḍa, So na Kiri na Nyanaḅọ! Arị ịmịẹtẹ kẹ ị́ ḅẹẹm, ị́ mịna aị ma kẹ ye ḍawọ ḍịn-a apụ ma rẹ ḍie tẹ arị kẹ ye-nimi wararị tẹ ye ḍawọ ḍịn tẹ apụ ma ḅọịma ye mẹ ẹrẹsị.

Matiyo 11:27

“Ị̀ Ḍa ḅe ye mamgba saakị ị̀ pịrị tẹ. Tụḅọ ḅe nimi gbọrụḅọ-sọ ofori, Ḍaḅọ ḅe sikima, tẹ Ḍaḅọ ḅẹ nimi gbọrụḅọ-sọ ofori, Tụḅọ ḅe na, Tụḅọ ḅe sẹlẹ ọkị tẹ ọ̀ kẹ ḍie apụ na sikima.

Matiyo 28:18

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Jọnị 1:18

Jen sakị Tamụnọ ẹrị tẹ ḅọ ofori. Tamụnọ kpọkpọ gbọrụ Tụḅọ ḅe, tẹ Ḍaḅọ ḅe akaka emi ḅọ ḅe, ori mie mịẹtẹ wa Tamụnọ ḅe nimi tẹ ye.

Jọnị 10:15

Ḍaḅọ ḅe kẹ ì nimi tẹ yẹrị sọ kẹ ò nimi wararị ḅara mẹ, tẹ à fịị anana ma pịrịarị, in ḍumo ḅẹ ḅara.

Jọnị 13:3

Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị.

Jọnị 17:10

À nyana ye, nyana ye í nye; ị́ nyana ye, nyana ye, pịkị ì nye; tẹ ịna ḅụụ mie tomi ḅọrọ tẹ ì ebube ẹrịarị ye.

Jọnị 17:2

Gbala ị́ kụrọ kẹ ọ̀ pịrịm tomḅọ goḅọ-goḅọ ḅụ, mịnẹ ò sime gbamaso ḍumo kẹ saakị ọ̀ pịrị tẹ apụ mamgba pịrịị.

Jọnị 17:26

À mịẹtẹ ini í nimi tẹ, tẹ à pịkị ọkọ mịẹ tọrọkọ mu ḅa, mịẹtẹ ị́ nyana ị̀ pịrị ḅẹlẹma mẹ ịna ḅụụ ḅio sime ḅarị ḅara, tẹ yẹrị sọ ịna ḅụụ ḅio sime ḅarị ḅara.”

Jọnị 17:5

Ḍa! Í sime-anga ḅụ ebube kẹ ị̀ pịrị mịọkụ ḅụ, anie tomikiri amụ tẹmẹ-a sakị àrị ị́ na nyana sime gbọrụ ebube mẹ.

Jọnị 3:35

Ḍaḅọ ḅe ọ̀ Tụḅọ ḅe ḅẹlẹmarị, tẹ pịkị ye goyegoye ḅẹ kụrọ saakị ọ̀ pịrị tẹ.

1 Kọrịntị 15:24

Anịtẹso, ḅo kunoma mẹ la sakị, Kịrayịsị nwẹnị tẹmẹ ḅụ ḅẹrẹtọn-arị apụ mamgba na ịn kụrọ kẹ ḅara ḅụ sụa wararị apụ na, kụrọ ma na nẹngịma tẹ ḅẹrẹtọn mẹ saḅama Tamụnọ Ḍaḅọ ḅe pịrị ḅa.

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

Ẹfisọsị 1:21

Kịrayịsị anịanga sime tẹ ḅẹrẹtọn So-ḅio ḅẹ ḅẹrẹtọn-apụ na, kụrọ-ḅara ḅụ emi apụ na, kụrọ apụ na, kịnịnyanapụ mamgba na pịrịarị: ori ẹrẹ mị tomikiri mẹ na jen tomikiri na ḅẹrẹtọn kụrọ-ḅara ḅụ sime ḅarị apụ mamgba fị ẹrẹ ma nẹngịm.

Hiburu 2:8

pịkị mịẹtẹ ịn ḅẹrẹtọn tomikiri sime aị mamgba pịrị ḅẹ ḅọ sọm.” Anị mẹẹ, Tamụnọ tomi mịẹtẹ ịn “ḅẹrẹtọn tomikiri sime aị mamgba pịrị ḅẹ atomi sọm” mẹ, ye goyegoye giregire ḅara kẹ anị ḅụ emi. Anịsọ mịọkụ tomi ḅẹrẹtọn ye goyegoye pịrịarị ḅara amụ wa ọkọ ẹrị-a.

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.

2 Jọnị 1:9

Ḅẹḅọ-ḅẹḅọ tẹ Kịrayịsị tolumaye mẹ toluma-a, tẹ anị pịkị tẹ mḅọ ḅiotọn ḅara tolumarị ḅọ, gbala-gbala mḅọ Tamụnọ nimi-a. Ḅẹḅọ-ḅẹḅọ tẹ Kịrayịsị tolumaye mẹ ḅụ sịẹ tọrọkọ-tọrọkọ muarị ḅọ, anị ḅọ mẹ anie Tamụnọ Ḍaḅọ ḅe na ọ̀ Tụḅọ ḅe na nimi ḅọ.