Luku 10:21 - FỊAFỊA BAỊBỤLỤ

²¹ Anị sakị ḅụ Fịafịa Tẹmẹ ḅe ḅioḅẹlẹ kẹ Jizọsị ḅụụ ḅio suu ḅinma tẹ ọ̀ ḅẹẹm, “Ḍa, So na Kiri na Nyanaḅọ, àrị ịmịẹtẹ kẹ ị́ ḅẹẹm, ị́ kẹ opu nimi kọn apụ na opu aị ḍawọ apụ na ḍie-a tẹ kẹ ye ḍawọ-a apụ ḍie aị ma gotẹ. Inn, Ḍa, mie í ḅiim, anị mịẹ nwẹn ḅẹẹ ḅara.

Luku 10:21 Iomraidhean Croise

Devidi-Anume 24:1

Tomikiri mẹ na anị ḅio sime aị mamgba na sime KỊNỊNYANAḄỌ ḅe pịrịm; kiri mẹ na anị ọgọnọ angarị aị mamgba na ò nye.

Devidi-Anume 25:14

KỊNỊNYANAḄỌ ḅe ḅịḅị pokiarị apụ ma anie ori ikiapụụ tẹ ori ini na ori ọḅọkụ mẹ mịẹ kụrọmarị.

Devidi-Anume 8:2

Kala-awọmẹ na ndo-ndo-awọmẹ na kẹ í tokiniarị ye mẹ kụrọnị-yọ sọ kẹ ị́ pịrị tẹẹ. Si kẹ ị́ tọn apụ mamgba ịn kẹ ị́ mịẹ-mịẹ ye ofori: ị́nịna tụḅụrụḅọ tụḅụrụḅọ, ị́ mḅọ kikiarị.

Ayịzaya 29:14

Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”

Ayịzaya 35:8

Anị anga opu etela paka ḅa, ini anị sịn ḅa, “Fịafịa Si Ofori Etela Mẹ.” Gbọrụ si-mịẹḅọ sọ anị etela mẹnjị ḅọrọ ye mu ḅịa; gbọrụ oḅori-ḅọ sọ anị mẹnjịarị apụ ma da-irima ḅịa.

Ayịzaya 53:11

Ọ̀ tọrụsiẹrị ḅọrọtẹ so sakị, ọ̀ pịkị siin jen kẹ ḍereku ḅa; tẹ ò ḅo nimi ḅa mịnẹ ọ̀ papaa tọrụsiẹrị-a. Ị̀ karakara fịrịmẹnjịḅọ, ḅụụ ḅụ à tọrụ-ḅẹlẹ nyanarị ḅọ ḅe, tọnwa-apụ fomu-ḅara da ịn pịrị ḅa, tẹ ọ̀ sịḅị ẹrẹsị à si-wẹrịso ịn pịrị ḅa.

Ayịzaya 62:5

Asatụḅọ kpaịntẹ iriawọ-tụḅọ ọkị simearị ḅara kịka ḅara ḅụ ị́ tẹmẹḅọ ḅe í sime ḅa. Ẹrẹḅọ simearị owiḅọ ò simearị ẹrẹḅọ ma ḅụ ḅioḅẹlẹ nyana ḅara, Anị ḅara mie ị́ Tamụnọ ḅe ị́ ḅụ ḅioḅẹlẹ ḅarị ḅara.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?

Zẹfanaya 3:17

KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Matiyo 16:17

Jizọsị nwẹnị pakịrị, “Sayịmọnị, Jona tụḅọ, tomḅọọ! Kẹ gotẹ ọkọ ḅẹẹarị, mị karakara mẹ gbọrụḅọ-sọ anị kẹ í toluma-a, kụma ị̀ Ḍa So-ḅio simearị ḅọ ḅe ḅara ḅụ mie anị da-da ḅo ị́ ḅara la ye.

Matiyo 21:16

Mie ḅụ ịn nwẹnị Jizọsị gbela, “In ḍukoarị ye ị́ naarị?” Jizọsị nwẹnị pakịrị, “Karakara ye à naarị. Yee àrị ó gbela, jen sakị Fịafịa Ḍiri mẹ ḅio amụ ó go-a? ‘Ị́ ye kẹ awọmẹ na ndoarị kala awọmẹ na toluma tẹ mịnẹ in bebe ḅara kẹ Tamụnọ tokinii.’ ”

Matiyo 3:7

Tomi ma ọkọ kẹ gbii-gbiima ọ̀ dama-ḅoarị ogbo Jọnị nwẹnị ẹrị mịnẹ tọnwa Farịsiiapụ na Sadusiiapụ ma na sọ ọ̀ ḅara minji sara ḅẹ ḅo tẹ. Tẹ ọ̀ nwẹnị ịn ḅẹẹ, “Ọmịnị ododo amẹẹ, tụḅọ ḅọrọ ḍuko ọ́ pịrị mịnẹ ọmịnị inetẹ Tamụnọ ḅara ḅo ḅarị fomu-ḅara mẹ ḅụ so ḅẹ?

Makị 10:15

À mịẹtẹ ó nimiarị mịnẹ Ḅẹḅọ-ḅẹḅọ tẹ kalatụḅọ Tamụnọ Ama-da mẹ daa ọkị ḅara kẹ anị daa ọkị-a ḅọ, gbala-gbala mḅọ anị ḅio sọ-mu ḅịa.”

Luku 15:5

Ọ̀ fa ye ḅe ẹrị sakị, opu ḅioḅẹlẹ ḅụ ori ọ̀ kẹ apana ọgọnọ gbana

Luku 15:9

Árị anị ẹrị sakị, árị árị ikiapụ na árị na kpeki tẹ anga apụ na sịn kobiri tẹ ịn ḅẹẹ ḅa, ‘Ì ḅioḅẹlẹ lamarị, ì igbigi tẹ fa ye mẹ paka-ḅo tẹ. Ó ye wa anị gotẹ tii kọn!’

Jọnị 11:41

Ịn nwẹnị ḍụḅarị mẹ saakị sikima, tẹ Jizọsị tọrụ kẹ so da tẹ tẹkẹm, “Ḍa, àrị ịmịẹtẹ kẹ ị́ ḅẹẹm, mịnẹ ị́ ị̀ tẹkẹ naarị.

2 Kọrịntị 4:3

Wa ḍukoarị iḅi-oku mẹ kikimaye sọ wararị ḅẹḅẹ, anie faarị apụ ma ngẹrị ḅụ mie anị kikima ye sọ wararị.

Ẹfisọsị 1:11

Ye mamgba Tamụnọ tọn-pẹlẹ ḅara mie arị mịẹarị, tẹ ori Tamụnọ ḅe nwẹnị wa sẹlẹ-ọkị, mịnẹ wa ori atomi sọọ, Kịrayịsị na gbọrụ ḅụ sime ḅụ, anie ọ̀ tọn wẹrị ḅara mẹ ẹrẹsị, sukuyọ-saakị ḅụ tọn-pẹlẹ ye mẹ ḅụ.

Ẹfisọsị 1:5

Tamụnọ tọn-pẹlẹ wẹrị wararị kụra-ḅio iḅerea mịnẹ ó Jizọsị Kịrayịsị ḅụ ḅọrọ tẹ wa kẹ ori awọmẹ mịẹ ḅa — miemẹ ọ̀ ḅụụ-ḅẹlẹ tẹ ọ̀ pịkị tọn wẹrị ye.