Luku 10:2 - FỊAFỊA BAỊBỤLỤ

² Ọ̀ nwẹnị ịn ḅẹẹ, “Ḍiḅi aị ma kpọọ sara tẹ, kụma arị kobiri warị suu ḅẹ apụ boowa. Ọkọẹrẹsị ọ́ ḍụọ mẹ nyanaḅọ tẹkẹ tẹ ọ̀ kọrịnama kọrị apụ kẹ fịrịma tẹ ịn fịaị ma kobiri warị suu.

Luku 10:2 Iomraidhean Croise

1 Amadapụ 18:22

Anịtẹso ọ̀ nwẹnị tomi ma ḅẹẹ, “Yẹrị ngẹrị kpọkpọ gbọrụ sịḅị anie KỊNỊNYANAḄỌ ḅe ịkịankoroḅọ tẹ kọn ḅọ, kụma Balị ịkịankoroapụ kịnị ẹndẹ amesi finji na oyi apụ na emi.

Devidi-Anume 68:11

KỊNỊNYANAḄỌ ḅe tọnm, tẹ tọnwa ereme nwẹnị mu oku mẹ ḍuko kịnị pịrị mịnẹ:

Jerimaya 3:15

Àrị ị̀ ḅịḅịpokiarị ḅẹrẹtọn-apụ kẹ ọ́ pịrị ḅa, tẹ in nimi na yefieye naa na kẹ ḅẹrẹtọn ọ́ pịrị ḅa.

Zẹkaraya 11:17

Anị kẹ mịẹ-mịẹ ye ofori anana-ḍikiḍikiḅọ ḅe ọ́ fa tẹẹ! Ori ori anana-ogbo mẹ koroma mangị-so tẹẹ. Ọmụ gbọrsịḅị ọ̀ ḅaa guluguluma ḅa. Ọ̀ ḅara kọngọ pẹlẹ so ḅa, tẹ ori ama-ḅara ḅẹ tọrụngbọ pụụn ḅa.”

Zẹkaraya 11:5

Ịn nyana apụ mie ịn ḅaarị, tẹ fomu-ḅara nyana-a. Ịn nama mẹ dẹrị-dẹrị tẹ ḅẹẹarị, ‘KỊNỊNYANAḄỌ ḅe tokinii! Wa kọn tẹẹ!’ In ḍikiḍikiarị apụ ma kịngẹ sọ in ḍiki-sịḅịjịrị-a.”

Kịẹn-aḅịḅị 11:17

Anịsakị, àrị ideri-ḅo tẹ anịanga ọmịnị na ẹkwẹn ḅa; tẹ tẹmẹ mẹ tẹ í ọgọnọ simearị tẹmẹ mẹ ḅụ kẹlẹ ọkị tẹ anị kẹ ini ọgọnọ gbana ḅa, tẹ ini í na tomi ma ḅẹ ikuye mẹ dogi ḅa, mịẹtẹ ngẹrị ḅarị anị dogi ḅịa ḅara.

Kịẹn-aḅịḅị 11:29

Kụma Mozizi nwẹnị ọ̀ ḅẹẹ, “ị̀ sịḅị gotẹ í ini afanarị mụnọọ? Kpọma ì ḅio ḅẹlẹma ye sọ ḅa, KỊNỊNYANAḄỌ ḅe nwẹnị ḅiim ori atomi mamgba ịkịankoroapụ sọọ, nwẹnị pịkị ọ̀ tẹmẹ-ịnyọ kẹ ịna ọgọnọ gbana ḅẹ kụma.”

Matiyo 20:1

“Mie Tamụnọ Ama-da sakị mẹ kịkarị ye. Gbọrụ sakị gbọrụ tomḅọ dede-funfun ḅụ paka mu kịnị ọkọ tẹ ini ọ̀ girepu-ḍụọ ḅio kọrịnama kọrị ḅẹm.

Makị 13:34

Anị kịka ḅarịye anie warị koroma tẹ ye muarị tomḅọ, tẹ warị mẹ kẹ ori afịrịmẹnjịapụ ḅara sụa ḅọ, tẹ ọrụḅọ-ọrụḅọ kọrị ḅẹ ye tọn mḅọ pịrị tẹ, pịkị ḍuko ḅọkọ ḍikiḍikiḅọ ḅe sọ pịrị tẹ mịnẹ ori ẹbị lamaa.

Makị 16:15

Ori ịn ḅẹẹm, “Ó bebe tomikiri mẹ ḅụ anga-anga mamgba la tẹ iḅi-oku mẹ ḍuko tomi mamgba pịrịị.

Makị 16:20

Tẹ ò ḍukamẹnjịapụ ma anga-anga ḅụ Tamụnọ ẹkwẹn kọnm, tẹ KỊNỊNYANAḄỌ ḅe ini na kọrị tẹ ịn kọn ẹkwẹn mẹ karakaraye mẹ ḍie-pakamam ịn mịẹ ḅụụ-buama-aị ḅụ.

Luku 9:1

Jizọsị ò Ḍukamẹnjị Oyi Maa apụ Finji ma sịn kobiri tẹ kụrọ kẹ ịn pịrịm ịn kẹ oru dee sin tẹ pịkị obi gwọọ.

Fịrịmẹnjịapụ 11:19

In Sitivini ḅaa tẹ pịkị ḅaa-ḅọkọ kẹ Jizọsị minini apụ ma ḍọkị ye mẹ mịẹtẹ ịna ḅụ ḅẹ ja apụ gala-gala tẹ mu Fonisiya na, Sayịpụrọsị na Anịtọkụ na sọ lam, tẹ oku mẹ ḍuko Juu-ḅẹ-apụ ngẹrị pịrịm.

Fịrịmẹnjịapụ 13:2

In sunsin KỊNỊNYANAḄỌ ḅe pịrị tẹ pịkị ḅuru-ịmọarị ogbo Fịafịa Tẹmẹ ḅe ịn ḅẹẹm, “Ọ́ Banabasị na Sọlụ na saakị sikima ị̀ pịrịị, tẹ ịn mu à gotẹ ịn sịn kọrịnama mẹ kọrị.”

Fịrịmẹnjịapụ 13:4

Fịafịa Tẹmẹ ḅe ịn fịrịma pakama ye mẹ ḅụ Banabasị na Sọlụ na mu Sẹlusịya la tẹ anịanga arụ ḅụkụlọ tẹ so Sayịpụrọsị sọọ mẹ mum.

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

Fịrịmẹnjịapụ 22:21

KỊNỊNYANAḄỌ ḅe nwẹnị ị̀ ḅẹẹ, ‘Muu, arị ị́ kẹ ala-jụ, Ja asịẹ ḅẹ apụ ma fịrịma ḅa!’ ”

Fịrịmẹnjịapụ 8:4

Jizọsị minini apụ ma tẹ gala-gala apụ ma, mu anga, anga la tẹ oku mẹ ḍukom.

1 Kọrịntị 12:28

Sọsị mẹ ḅio Tamụnọ ọrụḅọ-ọrụḅọ kiri kẹ mḅọ pịrị wararị: fịrịmẹnjịapụ ma tarị; maaịn karama kiri, ịkịankoroapụ; tẹrẹị karama kiri, ye-tolumapụ; Anịtẹso ḅụụ-buama kọrịnama kọrị apụ; ịn palị apụ anie ini obi gwọ kụrọ kẹ pịrị apụ, anịanịa ḅarasụa ja apụ pịrị apụ, anịanịa ịn datụkụmarị apụ, anịanịa kịrị aḅẹlẹ kẹ ẹkwẹn apụ.

1 Kọrịntị 15:10

Kụma Tamụnọ ḍiki-ḅụụjịrị mie ị̀ kẹ ḅo à nwẹn sime-ḅara mẹ wẹrị ye, anịsakị ọ̀ kẹ ị̀ pịrị ḍiki-ḅụụjịrị mẹ pịkị papaa fa-a. Anie nakara, yẹrị rẹ ịnyọ kpọma kọrịnama kọrị osi afịrịmẹnjịapụ mamgba nẹngị tẹ, karakaraye yẹrị ị̀ ịnyọ kẹ kọrị-a, kụma Tamụnọ kẹ ị̀ pịrị ḍiki-ḅụụjịrị mẹ mie ị̀ ḅụụ ḅio sime tẹ kọrị ye.

2 Kọrịntị 6:1

Wa Tamụnọ na gboloma tẹ kọrịarị kọrịnama mẹ ḅụ wa ọmịnị Tamụnọ ḍiki-ḅụụjịrị mẹ nyana tẹ apụ ma tẹkẹarị, ọ̀ ḍụkụ tẹ anị papaa fama.

Filipayị 2:21

Kirikọn-apụ mamgba, ọrụḅọ-ọrụḅọ amịna ḅara-kuḅu ḅẹ ye kẹ ye-sịn tẹ Jizọsị Kịrayịsị ḅẹrẹ mẹ bala-a.

Filipayị 2:25

À sịn-arị à wamịna iyimbere Ẹpaforoditosị kẹ ọ́ fịrịma na-iḅim, anie ị̀ na kọrịnama kọrị gboloma tẹ, pịkị ị̀ palị tẹ owu sọ tẹ ḅọ ḅe, ḅarasụa ị̀ pịrị ḅụ ọmịna fịrịmẹnjịḅọ ḅe.

Filipayị 2:30

kẹ gotẹ ọkọ ḍukoarị, ori ò ḍumo sọ kẹ ye-sịn-a tẹ kẹlẹ kọnm fịị tẹ, Kịrayịsị kọrịnama mẹ sịḅị ẹrẹsị, ḅarasụa ị̀ pịrị ḅụ, anie ọmịnị inetẹ ḅo pịrị ḅịa ye mẹ.

Kọlọsị 1:29

Miemẹ mịẹ mie à gotẹ nụnụ tẹ pịkị lịgị-lịgịarị, Kịrayịsị kẹ ị̀ pịrịarị opu ịnyọ mẹ tẹ, ị̀ ḅụụ ḅio sime tẹ kọrịnama kọrị ye mẹ kẹ mịẹye ḅụ suu ḅụ.

Kọlọsị 4:12

Ẹpafarasị sọ ó ḅiim; ori anie pịkị ọmịna ogbo mẹ ḅẹ jụmọ, tẹ fịrịmẹnjị Kịrayịsị Jizọsị pịrịarị ḅọ. Sakị mamgba ọ̀ tẹmẹ-la ḅara kẹ tẹkẹ ọ́ pịrịarị, Tamụnọ ḅara ḅiiarị mịnẹ ọ̀ mịẹtẹ ọ́ sịẹ-kụrọ, mịẹarị ye nimi tẹ ḅioḅẹngbọ mẹmgba kẹ minini tẹ Kịrayịsị ḍukamẹnjịapụ ḅara, tẹ busunu tẹ ḅara kẹ Tamụnọ ḅịḅị poki, tẹ ó ḅii ye mịẹ.

1 Tẹsalonịka 2:9

Wamịna amịnapụ, piki-pikiye-ofori ḅara ḅụ, wa kẹ nụnụ tẹ kọrịnama kọrị ḅara mẹ ọmịna ḅioḅọrọ-a. Eneḅaka na ḍin na wa nwẹn kẹ kọrịnama kọrịm, mịẹtẹ wa Tamụnọ ḅara ḅo Iḅi Oku mẹ ḍuko ọ́ pịrịarị sakị mẹ ḅụ wa ọmịna ḅụụ-fụkama ḅịa ḅara.

1 Tẹsalonịka 5:12

Wamịna amịnapụ, sisi wa ọ́ tẹkẹm, ọmịna ogboku ḅụ kọrịnama kọrịarị tẹ Kịrayịsị ḍukamẹnjị ḍumo mẹ ḅụ ọ́ datụkụma tẹ ye kẹ ó tolumarị apụ ma, ọ́ karakara ḅara kẹ ịn kụn.

2 Tẹsalonịka 3:1

Anị ḅẹ kunoma ye, wamịna amịnapụ, ọ́ tẹkẹ wa pịrịị, mịẹtẹ KỊNỊNYANAḄỌ ḅe oku mẹ paa sarasarama wasama ma mu, tẹ tomi kụn ḅara kẹ anị daa-ọkị, ọmịna ogboku ḅụ anị mịẹ gbọrụ ḅara mẹ.

1 Timoti 4:10

Wa ḍumo wararị Tamụnọ ḅe, inweni-mgba Ḅọrọmaḅọ ḅe, jen-a jen-a, ini ma tẹ minini apụ ma, kẹ ḅiokpọma wararị ẹrẹsị, wa ḅụụ-kọsị tẹ kụrọma kọrịnama kọrịarị.

2 Timoti 4:5

Ị́yẹrị kụma, ị́ ḅụụ ọlọ-sịẹma, paka ye, paka ye sọ; tọrụsiẹrị inema alama, Iḅi Oku mẹ ḍukoarịḅọ kọrịnama mẹ kọrị, tẹ Tamụnọ fịrịmẹnjịḅọ ḅara kẹ sime ị́ pịrị fịrị mẹ mẹnjịị.

Filimọnị 1:1

Pọlụ, Kịrayịsị Jizọsị sịḅị ẹrẹsị ikoli sọ wararị ḅọ ḅe, na wamịna iyimbere Timoti na ḅara ḅo, Wamịna ikiaḅọ pịkị wamịna pembema kọrịnama-kọrịḅọ Filimọnị na,

Hiburu 3:6

Kụma Kịrayịsị ḅe, warị mẹ Nyanaḅọ Tụḅọ ḅara mie ọ̀ kẹ warị mẹ ḍikiḍikiarị ḅọ ḅara kẹ ḅioḅẹngbọ-kẹ-sịrẹrẹ-niḅi ḅọ ḅara mẹ kẹ Tamụnọ warị mẹ ḅio sime ye. Wamịnị ma anie ọ̀ warị mẹ, wa nwẹnị ḅalafa-a ḅara kẹ wamịna ḅiokpọmaye mẹ ọlọ-sịẹma tọrọkọ mu kụma.

Mịẹfinji 2:1

“Mị ḍiri mẹ kẹẹ tẹ kẹ Ẹfisọsị ḅẹ sọsị mẹ ḅẹ enjẹlị ḅe fịrịmaa: “Mie sọnọma alolia ma kẹ amịna ama-ḅara ḅụ ọlọ tẹ, sọnọma golu tọnjọ gbana aị ma ogboku mẹnjịarị ḅọ ḅe, kẹ fịrịma oku mẹ.