Luku 10:18 - FỊAFỊA BAỊBỤLỤ

¹⁸ Jizọsị nwẹnị ịn pakịrị, “Àrị Ekwesu ẹrịm ọ̀ ḅalapụ so kọrị ḅọrọ ḅara kẹ kọrịma ideri-ḅo ḅịkị korom.

Luku 10:18 Iomraidhean Croise

Ayịzaya 14:12

Babịlonịya ḅẹ amadaḅọ, ḅịyarị dede lolia, So-tọrụ ḅụ í siin kuro tẹ! Ḅọrọtẹ sakị ḅụ ị́ sịẹ ma nẹngịma simem ọmụ kiri ḅụ, kụma mịọkụ ini í sukuruma kiri gbin tẹ.

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Jọnị 12:31

Mie ịn mị tomikiri mẹ kọn ḅẹ sakị mẹ, mịọkụ mị tomikiri mẹ ḅẹ ḅẹrẹtọnḅọ ḅe ini ò sukuruma-gbin ḅa.

Jọnị 16:11

tẹ pịkị ḅẹrẹkọn gboloma ye mẹ ḅụ sọ ịn tọkọrọ tẹ, anie mị tomikiri mẹ ḅẹ ḅẹrẹtọnḅọ ḅe, Anịngẹ-kụraḅio ini ọ̀ kọn tẹ ẹrẹsị.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

1 Jọnị 3:8

Ḅẹḅọ-ḅẹḅọ tẹ paa si mịẹ ma tọrọkọ muarị ḅọ mẹ mḅọ sime Ekwesu ḅe pịrịm, kẹ gotẹ ọkọ ḍukoarị, Ekwesu ḅe ọ̀ saakị Tamụnọ ḅịḅị kan kụra-ḅio, ò si mịẹ ma ḅo mịọkụ lam. Mị gbọrụ ye mẹ mie Tamụnọ Tụḅọ ḅe gotẹ tolu-paka ye, ori Ekwesu ḅe kọrị tẹ kọrịnama mẹ guluguluma ḅẹm.

Mịẹfinji 20:2

Ọ̀ nwẹnị gịẹsịma anị mamataḅaye ologboingboin opu nama, tẹ ịn kẹ daragọnị sịn ye ḅe kun koroma, anie elemu sakị ḅẹ ododo ḅe tẹ ịn kẹ Si-ḅọ, anịanịa Ekwesu sịn ḅọ ḅe, tẹ ọ̀ nwẹnị ikoli mẹ kẹ ori ịkasị koroma, mịnẹ ori ọkọ sime nwenii kụra maa ẹndẹ oyia asi finji la.

Mịẹfinji 9:1

Anịtẹso sọnọ karama enjẹlị ḅe nwẹnị ori ọdụ ofuro. Tẹ à nwẹnị So-ḅio sime tẹ sin kiri koro tẹ lolia ḅe ẹrị, tẹ ini ịn kẹ pokolo ideri-mu kunoma la la-a olulu mẹ finji ḅẹ sambị mẹ kẹ ọ̀ pịrịm.